അവർക്ക് വേണ്ടത് ചെളിവാരി എറിയലുകളായിരുന്നു: പക്ഷെ ഞാന് ചെയ്തത്.. തുറന്ന് പറഞ്ഞ് ശോഭ വിശ്വനാഥ്
ബിഗ് ബോസ് മലയാളം സീസണ് 5 ലെ ഏറ്റവും ശ്രദ്ധിക്കപ്പെട്ട മത്സരാർത്ഥികളില് ഒരാളായിരുന്നു ശോഭ വിശ്വനാഥ്. സീസണിലുടനീളം മികച്ച മത്സരം പുറത്തെടുത്തെങ്കിലും വലിയ തോതിലുള്ള സൈബർ ആക്രമണം നേരിടേണ്ടി വന്ന വ്യക്തി കൂടിയായിരുന്നു ശോഭ വിശ്വനാഥ്. വ്യക്തി അധിക്ഷേപങ്ങളിലേക്ക് വരെ കടന്ന ഇത്തരം ആക്രമണങ്ങള്ക്കെതിരെ നിയമനടപടിയും താരം സ്വീകരിച്ചു.
ഭീകരമായ സൈബർ ആക്രമണമാണ് ഞാന് നേരിട്ടതെന്നാണ് മൈല്സ്റ്റോണ് മേക്കേഴ്സ് എന്ന യൂട്യൂബ് ചാനലിന് നല്കിയ പ്രത്യേക അഭിമുഖത്തില് ശോഭ വിശ്വനാഥ് വ്യക്തമാക്കുന്നത്. സൈബർ ബുള്ളിയിങ്ങിനും മാനനഷ്ടത്തിനുമൊക്കെ ഞാന് കേസ് കൊടുത്തിരിക്കുകയാണ്. അവർ ഇതൊക്കെ ചെയ്യുമ്പോഴും മറുവശത്ത് നമ്മളെ കൂടുതല് ശക്തിപ്പെടുത്തുകയാണ് ചെയ്യുന്നത്.
ചില സമയത്ത് നമ്മളും വീക്ക് ആവാറുണ്ട്. എനിക്ക് ഇത് പറ്റുന്നില്ലെന്ന തരത്തിലുള്ള ഡിപ്രഷന് അവസ്ഥ ഫീല് ചെയ്തിട്ടുണ്ട്. ഇടക്കിടക്ക് ഇപ്പോഴും ആ അവസ്ഥയിലൂടെ കടന്ന് പോയിട്ടുണ്ട്. പക്ഷെ ആ ദിവസം കരഞ്ഞ് അങ്ങ് തീർക്കുക എന്നുള്ളത്. കരയാന് തോന്നിയാല് കരയുക. അത് കഴിഞ്ഞതിന് ശേഷം പിന്നെ അതിനെക്കുറിച്ച് ആലോചിച്ച് കരയരുതെന്നും ശോഭ പറയുന്നു.
ബിഗ് ബോസില് നിന്നും പുറത്തിറങ്ങിയതിന് ശേഷമുണ്ടായ കാര്യങ്ങളൊക്കെ അവിടെ വിട്ടതാണ്. എന്നാല് അതിന് ശേഷമുണ്ടായ ഒരു കാര്യത്തിന് ഭീകരമായ രീതിയിലുള്ള ആക്രമണമാണ് ഉണ്ടായത്. എനിക്ക് വന്ന ഭീഷണി സന്ദേശവും വോയിസുമൊക്കെ കയ്യിലുണ്ട്. അത് കോടതിയിലും നല്കിയത്. ബിഗ് ബോസിലുണ്ടായിരുന്ന എന്നെപ്പോലെത്തെ സ്ത്രീകള് അനുഭവിച്ചത് എന്തുമാത്രം ട്രോമയാണെന്ന് അതൊക്കെ കേട്ടാല് മനസ്സിലാകും.
കൂടുതല് ചെളിവാരി എറിയലുകളായിരുന്നു മറുവശത്തുള്ളവർക്ക് വേണ്ടിയിരുന്നത്. പക്ഷെ അതിന് ഞാന് നിന്നില്ല. എന്റെ ഭാഗം ഒരു തവണ ഞാന് സംസാരിച്ചു. അതിന് ശേഷം നിയമപരമായി മുന്നോട്ട് പോയി. ചില സമയത്ത് പൊട്ടിത്തെറിക്കണമെന്നൊക്കെ നമുക്ക് തോന്നും. പ്രത്യേകിച്ച് എന്റെ സ്വഭാവത്തിന്. എന്നാല് നമ്മള് നിശബ്ദയായി ഇരുന്ന് ഫൈറ്റ് ചെയ്യുക എന്ന് പറയുന്നത് വളറെ ബുദ്ധിമുട്ടേറിയ കാര്യമാണ്.
നീ എന്താണ് പ്രതികരിക്കാത്തത്, നീ എന്താണ് ഒന്നും പറയാത്തത് എന്നൊക്കെ ചോദിക്കാനും ഇളക്കിവിടാനുമൊക്കെ നിരവധി ആളുകളുണ്ടാകും. അവർക്ക് അത് കാണണം. എന്തിനാണ് അതിന് നമ്മള് നില്ക്കുന്നത്. നമുക്ക് എന്ത് വേണം അതാണ് ചെയ്യേണ്ടത്. അല്ലാതെ മറ്റുള്ളവർക്ക് വേണ്ടത് അല്ല. നമുക്കും തെറ്റുകള് വരാം. അത് തിരുത്തി മുന്നോട്ട് പോകുക എന്നതാണ് പ്രധാനമെന്നും ശോഭ വിശ്വനാഥ് വ്യക്തമാക്കുന്നു.
സാരി എന്ന് പറയുന്നത് ഒരു ഇമോഷനാണ്. എന്റെ ഒരോ സാരിക്കും ഓരോ കഥ പറയാനുണ്ട്. ബിഗ് ബോസ് ഗ്രാന്ഡ് ഫിനാലയ്ക്ക് ആ സാരി ഉടുത്തിട്ട് അതിന്റെ കഥയാണ് പറയേണ്ടിയിരുന്നത്. നൂറ് ദിവസത്തേക്കുള്ള സാരിയുമായിട്ടാണ് ഞാന് വന്നതെന്ന് ബിഗ് ബോസിലേക്ക് കയറുന്നതിന് തൊട്ടുമുന്പ് തന്നെ ക്രൂവിനോട് ഞാന് പറഞ്ഞിരുന്നു.
ഒരു സ്വപ്നത്തിലാണ് ഞാന് ബിഗ് ബോസില് എത്തിയത്. നാലാമത്തെ സീസണില് എന്നെ ക്ഷണിച്ചിരുന്നു. അതിനേക്കാളൊക്കെ മുമ്പ് തന്നെ സീസണ് 1 ല് തന്നെ ഞാന് ആ സ്വപ്നം ഞാന് കണ്ടിരുന്നു. ലാലേട്ടന് വിജയികളുടെ കൈ പിടിച്ച് പൊക്കുന്ന ആ നിമിഷം എപ്പോഴും എന്റെ മനസ്സില് ഉണ്ടായിരുന്നു. ആ സ്വപ്നം ഒരിക്കല് കണ്ടു. അങ്ങനേയുള്ള എനിക്ക് ബിഗ് ബോസില് നിന്നും ഇങ്ങോട്ട് കോള് വരികയായിരുന്നുവെന്നും ശോഭ വിശ്വനാഥ് കൂട്ടിച്ചേർക്കുന്നു.
Click it and Unblock the Notifications
Sign in with Google