'ഭീഷണിപ്പെടുത്തൽ എന്റെയടുത്ത് നടക്കില്ല, പേടിച്ച് മിണ്ടാതിരിക്കില്ല'; ഗബ്രി രണ്ടും കൽപ്പിച്ച്..

Updated: Tuesday, March 12, 2024, 8:10 [IST]

തുടക്കത്തിൽ തന്നെ മികച്ച അഭിപ്രായവുമായി മുന്നേറുകയാണ് ബിഗ് ബോസ് മലയാളം സീസൺ 6. കഴിഞ്ഞ സീസണിലേത് പോലെ ശാന്തതയൊന്നും ഇത്തവണയുണ്ടാവില്ല എന്ന് സൂചനകൾ തന്നെയാണ് ഈ സീസൺ നൽകുന്നത്. തുടക്കം തന്നെ വഴക്കോടെയാണ് തുടങ്ങിയത്. രണ്ടാം ദിവസം എത്തുമ്പോൾ മത്സരാർത്ഥികൾ തമ്മിൽ കാെമ്പ് കോർത്തിരിക്കുകയാണ്. നടൻ ഗബ്രി ജോസും ഫിറ്റ്നസ് ട്രെയിനൻ ജിന്റോയുമാണ് കലഹിച്ചത്.

കിച്ചണുമായി ബന്ധപ്പെട്ട് നടന്ന സംസാരമാണ് വഴക്കിലേക്ക് എത്തിയത്. ഇവർ തമ്മിൽ വഴക്കിടുന്നത് ലൈവിൽ കാണിച്ചിരുന്നു. ഭീഷണിപ്പെടുത്തൽ എന്റെ അടുത്ത് നടക്കില്ല, ഭീഷണപ്പെടുത്തിയാൽ ഞാൻ മിണ്ടാതിരിക്കുമെന്ന് കരുതുകയും വേണ്ട എന്നാണ് ജിന്റോയോട് ഗബ്രി പറയുന്നത്. ജിന്റോയും ഗബ്രിയോട് തർക്കിക്കുന്നുണ്ട്. വന്ന ദിവസം തന്നെ കുക്കിംഗിനോട് താല്പര്യം ഉണ്ടെന്ന് താൻ പറഞ്ഞിരുന്നു, എന്നാൽ നന്നായി കുക്ക് ചെയ്യുമെന്ന് അല്ല പറഞ്ഞതെന്നും ഗബ്രി പറയുന്നു.

ആദ്യ ദിവസം മുതൽ ഡൈനിംഗ് ടേബിളിൽ ഫുഡ് എത്തിയിട്ടുണ്ടെങ്കിൽ അതിൽ തന്റെ കയ്യുണ്ടെന്നും ഗബ്രി പറയുന്നു. അതേ, സമയം കുക്കിംഗിനെ കുറിച്ച് യമുനാ റാണിയും പറയുന്നുണ്ട്. രാവിലെ ചായ ചൂടോടെ ആക്കി വെയ്ക്കും അതിന് ശേഷം ചൂടാക്കില്ല എന്നാണ് യമുന പറയുന്നത്.

അതേ ദിവസം കഴിഞ്ഞ ദിവസം ക്യാപറ്റനെ തിരഞ്ഞെടുത്തിരുന്നു, ഈ സീസണിലെ ആദ്യ ക്യാപ്റ്റൻ അർജുൻ ശ്യാമാണ്. ബിഗ് ബോസിന്റെ ആദ്യ ടാസ്ക്കിൽ വിജയിച്ചത് ശ്യാമാണ്. ഹൗസിന് പുറത്ത് ഒരുക്കിയ ഒരു ചെളിക്കളത്തിൽ നിന്ന് പന്തുകൾ കൈക്കാലക്കു എന്നതാണ് ടാസ്ക്ക്. ഗ്രൂപ്പായാണോ ഒറ്റയ്ക്കാണോ കളിക്കേണ്ടത് എന്ന നിർദ്ദേശം ഉണ്ടായിരുന്നില്ല. അതിനാൽ ചിലർ ഗ്രൂപ്പായും ചിലർ ഒറ്റയ്ക്കുമാണ് കളിച്ചത്.

റോക്കി ഗ്രൂപ്പ് കളിക്കുന്നുവെന്ന് പറഞ്ഞ് ജാസ്മിൻ ജാഫർ പ്രശ്നം ഉണ്ടാക്കിയിരുന്നു. വാശിയേറിയ പോരാട്ടമായിരുന്നു. എന്നാൽ ആരും പ്രതീക്ഷിക്കാത്ത മത്സരാർത്ഥിയാണ് ഗെയിം ജയിച്ചത്. കൂടുതൽ ബോൾ കിട്ടുന്ന മത്സരാർത്ഥിയാണ് വിജയിക്കുക. അർജുൻ ആണ് കൂടുതൽ ബോൾ സ്വന്തമാക്കിയത്. ശ്രീരേഖ തന്റെ ബോളുകൾ അർജുന് നൽകിയതോടെയാണ് അർജുൻ മത്സരത്തിൽ വിജയിച്ചത്. ഇതോടെ സീസൺ 6 ലെ ആദ്യ ക്യാപ്റ്റനായി അർജുൻ മാറി.

ഇക്കഴിഞ്ഞ ഞായറാഴ്ചയാണ് ബിഗ് ബോസ് മലയാളം സീസൺ 6 ആരംഭിച്ചത്. ഇത്തവണ 19 മത്സരാർത്ഥകളാണ് ഉള്ളത്. രണ്ട് പേരാണ് കോമണേഴ്സ്. എന്തായാലും ഇത്തവണ തീ പാറുന്ന മത്സരം തന്നെ ഉണ്ടാവുമെന്നാണ് ബി ബി ആരാധകർ കരുതുന്നത്. സീസൺ 5 ൽ മത്സരാർത്ഥികൾ തമ്മിൽ വഴക്കുകൾ കുറവായിരുന്നു., ഇത്തവണ അങ്ങനെയല്ല കാര്യങ്ങൾ എന്നാണ് ആദ്യ സൂചനകൾ.