ബിഗ് ബോസ് മലയാളം 6 ൽ എത്തുന്ന താരങ്ങൾ ആരൊക്കെ? അറിയാൻ ഇനി ദിവസങ്ങൾ മാത്രം?; ആ തീയതി പുറത്തുവിട്ടു
ബിഗ് ബോസ് മലയാളം സീസൺ 6ന് വേണ്ടിയുള്ള കാത്തിരിപ്പിലാണ് ബിഗ് ബോസിന്റെ ആരാധകർ. ഫെബ്രുവരി അവസാനമോ മാർച്ച് ആദ്യമോ ആയിരിക്കും ലോഞ്ചിംഗ് എന്നാണ് പറഞ്ഞിരുന്നത്. ഇപ്പോൾ കൃത്യമായ തീയതി പുറത്തുവന്നിരിക്കുകയാണ്. ഏഷ്യാനെറ്റ് തന്നെയാണ് ബിഗ് ബോസ് മലയാളം 6 ന്റെ ലോഞ്ചിംഗ് തീയതി പുറത്ത് വിട്ടിരിക്കുന്നത്.
2024 മാർച്ച് പത്തിനാണ് ബിഗ് ബോസ് ആരംഭിക്കുന്നത്. ഞായറാഴ്ച ഏഴ് മണി മുതൽ ലോഞ്ചിംഗ് എപ്പിസോഡുകൾ ആരംഭിക്കും. ഈ എപ്പിസോഡിൽ ആയിരിക്കും ആരൊക്കെയാവും ഇത്തവണ ഷോയിൽ മത്സരിക്കാൻ പോകുന്ന മത്സരാർത്ഥികൾ എന്ന് പ്രേക്ഷകർ അറിയുക.
ബിഗ് ബോസ് മലയാളത്തിന്റെ അഞ്ച് സീസണുകളാണ് ഇതിനകം കഴിഞ്ഞത്. ആദ്യ സീസൺ മുതൽ മികച്ച സ്വീകാര്യതയാണ് ബിഗ് ബോസ് മലയാളത്തിന് ലഭിച്ചത്. സാബുമോൻ, മണിക്കുട്ടൻ, ദിൽഷ. അഖിൽ മാരാർ എന്നിവാരാണ് ഇതുവരെ വിജയകളായവർ. വിവിധ മേഖലകളിൽ പ്രശസ്തരായ പതിനഞ്ചോളം പേരെ ഒരു വീട്ടിൽ 100 ദിവസത്തോളം താമസപ്പിച്ചാണ് ഷോ നടത്തുന്നത്. ഈ ദിവസങ്ങളിൽ മത്സരാർത്ഥികൾക്ക് പുറംലോകവുമായ ഒരു ബന്ധവും ഉണ്ടാവില്ല.
ഫോൺ, ഇന്റർനെറ്റ്. ടെലിവിഷൻ, പത്രം ക്ലോക്ക് എന്നിവയൊന്നും ഉണ്ടാവില്ല. 100 ദിവസം മത്സരാർത്ഥികൾക്ക് താമസിക്കാൻ വേണ്ടിയുള്ള സൗകര്യങ്ങൾ ഉണ്ടാകും. പാചകം, തുണി അലക്കൽ, വീട് വൃത്തിയാക്കൽ തുടങ്ങിയ എല്ലാ പണികളും മത്സരാർത്ഥികൾ തന്നെ ചെയ്യണം.
ബിഗ് ബോസിന്റെ നിർദ്ദേശം അനുസരിച്ചാണ് മത്സാരർത്ഥികൾ കാര്യങ്ങൾ ചെയ്യേണ്ടത്. ഓരോ ആഴ്ചയിലും വീക്കിലി ടാസ്ക്കിൽ മികച്ച പ്രകടനം കാഴ്ച്ച വരെ പങ്കെടുപ്പിച്ച് ടാസ്ക്കുകൾ സംഘടിപ്പിക്കും ഇതിൽ വിജയിക്കുന്ന ആൾ ആ ആഴ്ച വീടിന്റെ ക്യാപ്റ്റനായിരിക്കും. ഓരോ ആഴ്ചയിലും ശനി, ഞായർ ദിവസങ്ങളിൽ മോഹൻലാൽ മത്സാരാർത്ഥികളുമായി സംവദിക്കാൻ എത്തും. ഓരോ ആഴ്ചയിലും ബിഗ് ഹൗസിൽ എലിമിനേഷൻ ഉണ്ടാകും.
ഔട്ട് ആകുന്ന മത്സരാർത്ഥി ആരാണ് എന്ന് തീരുമാനിക്കുന്നത് മത്സരാർത്ഥികളിൽ നിന്ന് തന്നെയുള്ള വോട്ടിംഗ് വഴിയാണ്. ഈ ലിസ്റ്റിൽ വരുന്ന മത്സരാർത്ഥികളെ പബ്ലിക്ക് വോട്ടിംഗിന് വിടും. ഇവരിൽ ആരാണ് പുറത്താകേണ്ടത് എന്ന് പ്രേക്ഷകരാണ് തീരുമാനിക്കുക. അയാൾ ആഴ്ചയിലെ ഞായറാഴ്ച പുറത്താവും. 100 ദിവസം ഹൗസിൽ നിൽക്കുന്നവർ ഫൈനൽ 5 ൽ എത്തും. ഇവരിൽ പ്രേക്ഷക വോട്ട് കൂടുതൽ ലഭിക്കുന്നവർ വിജയിക്കും.
Click it and Unblock the Notifications
Sign in with Google