ജിന്റോ കള്ളത്തരത്തിന്റെ ആശാന്; നിലവാരമില്ല, ഇതൊന്നുമല്ല പുള്ളിയെ പറയേണ്ടത്: റസ്മിന്
ബിഗ് ബോസ് മലയാളം സീസണ് 6 മത്സരാർത്ഥി ജിന്റോയ്ക്കെതിരെ വീണ്ടും തുറന്ന് പറച്ചിലുമായി റസ്മിന്. കിങ് ലയർ എന്നാണ് അദ്ദേഹത്തെ ഞങ്ങള് വിളിക്കാന് ആഗ്രഹിക്കുന്നത്. കള്ളത്തരന്റെ ആശാനാണ് ജിന്റോ ബ്രോ. ഏതൊക്കെ വിഷ്വലാണ് പുറത്തേക്ക് പോകുക എന്നുള്ളത് പുള്ളിക്ക് നന്നായി അറിയാം. ടാസ്ക് തരുന്ന സമയം, ലിവിങ് ഏരിയയിലേക്ക് വിളിക്കുന്ന സമയമൊക്കെയാണ് നന്നായി പുറത്തേക്ക് പോകുക. ഇതെല്ലാം പഠിച്ച് വന്ന ആളാണ് ജിന്റോയെന്നും റസ്മിന് പറയുന്നു.
ഞാന് , നോറ, ജാസ്മിന് എന്നിവരൊക്കെ പുറത്ത് നിന്നും പ്ലാന് ചെയ്ത് വന്നതാണെന്ന് ടാസ്കിന്റെ സമയത്താണ് പുള്ളി പറയുന്നത്. ഇവർക്ക് എല്ലാവർക്കും നേരത്തെ പരിചയമുണ്ട്, ഞങ്ങള് എല്ലാവരും ചേർന്ന് നിഷാനത്തെ പുറത്താക്കിയെന്നൊക്കെയാണ് ആരോപിക്കുന്നത്. ടാസ്കിന്റെ സമയം ആയതുകൊണ്ടും നമുക്ക് കൂടുതല് എന്നും പറയാനാവില്ല. ടാസ്ക് കഴിഞ്ഞ് നേരെ ജിന്റോയുടെ അടുത്ത് കാര്യം ചോദിച്ചപ്പോള് പുള്ളി കാര്യമായൊന്നും പറയാതെ കളിയാക്കി ചിരിച്ച് പോകുകയായിരുന്നു.
പിന്നീട് വെറൊരു സാഹചര്യത്തില് ഇത് എന്റെ ഗെയിമാണെന്ന് ജിന്റോ തന്നെ പറഞ്ഞു. അന്ന് ഞാന് പറഞ്ഞത് കള്ളത്തരമാണ്, നിങ്ങള് എല്ലാവരും വിശ്വസിച്ചില്ലേ. അത് എന്റെ വിജയമെന്നായിരുന്നു പുള്ളിയുടെ വാദം. എനിക്ക് ജാസ്മിനേയും നോറയേയുമൊന്നും ഒരു പരിചയും ഉണ്ടായിരുന്നില്ലെന്നും റസ്മിന് പറയുന്നു.
ജിന്റോ ചെയ്യുന്ന പല കാര്യങ്ങളും എനിക്ക് അംഗീകരിക്കാന് കഴിയില്ല. നിലവാരമില്ലാത്ത പല കാര്യങ്ങളും ചെയ്യുകയും പറയുകയും പ്രവർത്തിക്കുകയും ചെയ്യുന്ന ആളാണ് ജിന്റോ. ആദ്യ ആഴ്ചയിലൊക്കെ വളരെ പാവത്താനെപ്പോലെ ഇരുന്ന് യമുന ചേച്ചിയെയൊക്കെ മോശമായ രീതിയില് ചിത്രീകരിച്ചിരുന്നു. ആ സമയത്തൊക്കെ ഞങ്ങള് ഒരു ടീമാണ്. അതുകൊണ്ട് തന്നെ അങ്ങനെ ഒന്നും പറയരുത് നിങ്ങള് ശ്രദ്ധിക്കൂ എന്നെല്ലാം പറയുമായിരുന്നു. അപ്പോള് അതേയോ... എനിക്ക് ഇതെല്ലാം പറഞ്ഞ് തരണമെന്നും പുള്ളി പറയും. ഇതോടെ പുള്ളി ഒരു പാവമാണെന്ന രീതിയില് ഞാന് അങ്ങട് വിശ്വസിച്ചു.
രണ്ടാമത്തെ ആഴ്ചയിലെ പവർ റൂം ടാസ്കില് ഞങ്ങള് വിജയിച്ചു. അപ്പോഴാണ് എന്നെ പവർ റൂം ലീഡ് ചെയ്യാന് അനുവദിക്കരുതെന്ന് ജിന്റോ നിഷാനയോട് പോയി പറയുന്നത്. നിഷാന വന്ന് ഇത് എന്നോട് പറഞ്ഞു. മറ്റ് താരങ്ങളോടും എന്നെക്കുറിച്ച് കുറ്റം പറഞ്ഞത് ഞാന് അറിഞ്ഞു. അങ്ങനെയാണ് എനിക്ക് അവിടെ വിശ്വാസമില്ലാത്ത ആള് എന്ന ടാഗ് പുള്ളിക്ക് കൊടുക്കുന്നത്. പുള്ളി പുറകില് നിന്നും കുത്തിയെന്നും തുറന്ന് പറഞ്ഞെന്നും റസ്മിന് വ്യക്തമാക്കുന്നു.
ചുമ്മാ പവർ റൂമില് കയറിയ വ്യക്തിയല്ല ഞാന്. ഒരോ ടാസ്ക് കളിച്ച് ജയിച്ചാണ് പവർ റൂമില് കയറിയത്. പിന്നെ ജാസ്മിന് ക്യാപ്റ്റനായ സമയത്ത് അവിടെ ഉള്ളവരില് ഏറ്റവും മികച്ച മത്സരാർത്ഥികളെയാണ് താന് സെലക്ട് ചെയ്തെന്നാണ് ജാസ്മിന് പറഞ്ഞത്. എന്റെ ദേഷ്യം എനിക്കൊരു വിഷയം ആയിരുന്നു. ലാല് സാറിന്റെ എപ്പിസോഡില് പോലും ആ ഒരു കാര്യം വന്നിരുന്നു. ഇതോടെയാണ് ഞാന് ദേഷ്യം ഒന്ന് അടക്കിയത്. ഇതോടെ ഞാന് തളർന്നു, റസ്മിന് ഒന്നും മിണ്ടുന്നില്ലെന്നൊക്കെയായി പ്രചരണം.
ജാസ്മിന് ജിന്റോയെ മണ്ടന്, പൊട്ടന് എന്നൊക്കെയുള്ള രീതിയില് സംസാരിക്കുമ്പോള് അങ്ങനെ സംസാരിക്കല്ലേ എന്ന് പറഞ്ഞിട്ടുണ്ട്. എന്നാല് പുള്ളി ചെയ്യുന്നത് വെച്ച് നോക്കുമ്പോള് ഇതൊന്നുമല്ല പുള്ളിയെ പറയേണ്ടത്. ചിലപ്പോഴൊക്കെ ദേഷ്യത്തില് ഞാനും മണ്ടനെന്ന് വിളിച്ചിട്ടുണ്ട്. അതിനൊക്കെയുള്ളത് പുള്ളി കാണിക്കും. അതൊക്കെ അദ്ദേഹത്തിന്റെ തന്ത്രമാണെന്നും റസ്മിന് കൂട്ടിച്ചേർക്കുന്നു.
Click it and Unblock the Notifications
Sign in with Google