'ഗബ്രി പോയാൽ ജാസ്മിൻ അടുത്ത അഖിൽ മാരാരോ സാബുമോനോ ആകില്ല,,ഇതുകൊണ്ടാണ് അവരോട് വെറുപ്പ്'

Updated: Friday, April 12, 2024, 6:45 [IST]

കൊച്ചി: ബിഗ് ബോസ് മലയാളം സീസൺ 6 ൽ ഏറ്റവും കൂടുതൽ വിമർശനം നേരിടേണ്ടി വന്ന മത്സരാർത്ഥികൾ ആരെന്ന് ചോദിച്ചാൽ അത് ജാസ്മിനും ഗബ്രിയും ആയിരിക്കും. ഷോയുടെ ആദ്യ ദിവസങ്ങളിൽ തന്നെ ഇവർക്കെതിരെ ആരാധകർ രംഗത്തെത്തിയിരുന്നു. പ്രേക്ഷകരെ വിഡ്ഢിയാക്കി ലൗ ട്രാക്ക് ഇറക്കുകയാണെന്നായിരുന്ന പലരും വിമർശിച്ചത്. എന്നാൽ മലയാളികളുടെ സദാചാരപ്രശ്നം കൊണ്ടാണ് ഈ കൂട്ടുകെട്ടിനെതിരെ പലരും രംഗത്തെത്തിയത് എന്നാണ് ഒരു വിഭാഗം ആരാധകർ പറഞ്ഞത്. ഇപ്പോഴിതാ ഇതിനെ തള്ളു എന്തുകൊണ്ടാണ് ഗബ്രി-ജാസ്മിൻ കോമ്പോയെ ആളുകൾ വെറുക്കുന്നതെന്ന് വിശദീകരിക്കുകയാണ് ഒരു ആരാധകൻ. കുറിപ്പ് വായിക്കാം

'ജാസ്മിൻ സപ്പോർട്ടേഴ്‌സ് ജാസ്മിന് കിട്ടുന്ന ഹേറ്റ് മൊത്തം സദാചാര വാദികളുടെ പണി ആണെന്നും പറഞ്ഞു കുറെ ക്രിഞ്ച് സഹതാപ പോസ്റ്റും കൊണ്ട് ഇറങ്ങിയിട്ടുണ്ട് .. ശെരിക്കും സദാചാര വാദികൾ കാരണം ആണോ ജാസ്മിന് ഇത്ര നെഗെറ്റീവ് വന്നത് ഒന്ന് നോക്കാം

1 . ഈ ജബ്രി കൊമ്പോക്ക് എതിർപ്പ് വരാൻ ഉള്ള ആദ്യ കാരണം കണ്ടു മൂന്നാം നാൾ സ്വിച്ച് ഇട്ട പോലെ തുടങ്ങിയ ഈ റിലേഷൻഷിപ്പ് ആളുകളെ പൊട്ടൻ ആക്കാൻ വേണ്ടി ഗെയിമിന് ഉണ്ടാക്കിയതാണ് എന്ന് കാണികൾക്ക് മനസ്സിലായതുകൊണ്ടാണ്. പ്ലാൻ ചെയ്തു വന്നതാണെകിലും ഒരു രണ്ടു ആഴ്ച സമയം കൊടുത്തിരുന്നെകിൽ കുറെ ആളുകൾ എങ്കിലും വിശ്വസിച്ചേനെ.

2 . പിന്നെ ജബ്രി കൊമ്പോയെ വെറുക്കാൻ ഉള്ള കാരണം അവരുടെ ധാർഷ്ട്യം നിറഞ്ഞ പെരുമാറ്റം. അതിൽ ജാസ്മിനും ഗബ്രിയും രണ്ടും ഒന്നിനൊന്നു മെച്ചം. ഒരാളെയും വക വെക്കാത്ത അഹങ്കാരം നിറഞ്ഞ പെരുമാറ്റം ആണ് അവർക്ക് കൂടുതൽ ഹേറ്റേഴ്‌സ് നെ ഉണ്ടാക്കി കൊടുത്തത്. ഒരാൾക്കും ഇഷ്ടം തോന്നുന്ന പെരുമാറ്റം അല്ല അവരുടേത് .
3 . ജാസ്മിന്റെ വൃത്തി ഇല്ലാത്ത ജീവിത രീതിയും അത് പറഞ്ഞു കൊടുത്താൽ പോലും തിരുത്താൻ തയ്യാറല്ലാത്ത അഹങ്കാരം നിറഞ്ഞ പെരുമാറ്റവും ഹേറ്റേഴ്‌സ്ന്റെ എണ്ണം വീണ്ടും കൂട്ടി.

4 . ഇതെല്ലം കഴിഞ്ഞേ ഈ പറഞ്ഞ അവരുടെ ഇടപഴകലിന്റെ ഹേറ്റേഴ്‌സ് വരികയുള്ളു അതും ഈ റിലേഷന്ഷിപ് ജെനുവിന് അല്ല എന്ന തോന്നൽ കൊണ്ടാണ് ജബ്രി കൊമ്പോയുടെ ലീലാവിലാസങ്ങളെ ആളുകൾ ഇത്ര വെറുപ്പോടെ കാണാൻ തുടങ്ങിയത് . ഇതൊരു സ്വാഭാവികം ആയി ഉണ്ടായി വന്ന പ്രണയം ആണെങ്കിൽ ഇത്ര ഹേറ്റേഴ്‌സ് ഉണ്ടാകില്ല എന്ന് മാത്രം അല്ല പേളി ശ്രീനിഷ് കോംബോ പോലെ ആഘോഷിച്ചേനെ ആളുകൾ.പിന്നെ ആ ഗബ്രിക്ക് പ്രണയം അഭിനയിക്കാൻ പോലും അറിയില്ല. ഡബ്ബ് ചെയ്ത തെലുങ്ക് സിനിമ പോലെ എന്തൊക്കെയോ പറയും. ചുമ്മാ വെറുത്തു പോവും.

5 . അവസാനം ജാസ്മിൻ അവളുടെ എൻഗേജ്‌മെന്റിനെ പറ്റി ഒരു വ്യക്തത അവിടെ കൊടുക്കാത്തത് വീണ്ടും ആളുകൾക്ക് അവരെ വെറുക്കാൻ കാരണം ആയി. ആദ്യം എന്ഗേജ്ഡ് ആയി എന്ന് പറഞ്ഞു ,പിന്നെ ഇല്ല ജസ്റ്റ് പെണ്ണ് കണ്ടേ ഉള്ളു എന്ന് പറഞ്ഞു പിന്നെ വാക്കാൽ ഉറപ്പിച്ചേ ഉള്ളു എന്ന് വീണ്ടും പറഞ്ഞു. ഇതിനിടക്ക് ശെരിക്കും എന്ഗേജ്ഡ് ആയ ചെറുപ്പക്കാരൻ ഒരു വോയ്‌സ് ക്ലിപ്പ് ഇറക്കി.ഇതൊക്കെ കണ്ടു കൊണ്ടിരിക്കുന്ന പ്രേക്ഷകർക്ക് ജാസ്മിനോട് വെറുപ്പു തോന്നിയതിൽ അത്ഭുതം ഉണ്ടോ ?

ഗബ്രി പോയാലും ജാസ്മിൻ അത്ര ഭയങ്കര ഗെയിമെർ ഒന്നും അല്ല. ഗബ്രി ഒഴികെ ഉള്ള ആളുകളുമായി ഒരു ഇമോഷണൽ കണക്ഷൻ ഉണ്ടാക്കി എടുക്കാൻ ഇത്ര നാളായിട്ടു അവർക്ക് സാധിച്ചിട്ടില്ല.ചുമ്മാ ആളുകളുടെ തലയിൽ കയറുകയും അവരോട് പുച്ഛത്തിൽ സംസാരിക്കിക്കുകയും ചെയ്യുന്നതല്ലാതെ ഒരാളുടെ പോലും ബഹുമാനം പിടിച്ചു പറ്റാൻ അവർക്ക് സാധിച്ചിട്ടില്ല. ഒരാളെ പോലും സംസാരിച്ചു സ്വാധീനിക്കാൻ ജാസ്മിന് കഴിയില്ല . അതുകൊണ്ട് ഗബ്രി പോയാൽ ഉടനെ ജാസ്മിൻ അടുത്ത സാബുമോൻ /അഖിൽ മാരാർ ആവും എന്നൊക്കെ പറഞ്ഞു ഉള്ള തള്ളു കേൾക്കുമ്പോൾ ചിരി ആണ് വരുന്നത് .
പറഞ്ഞു വരുന്നത് ജാസ്മിന് കിട്ടുന്ന ഹേറ്റ് മുഴുവൻ നാട്ടുകാർ പഴഞ്ചന്മാർ ആയതുകൊണ്ടാണ് എന്നുള്ള സ്ഥിരം പൊ. ക ഡയലോഗ് ഇറക്കണ്ട.വർക്ക് ആവില്ല .