ബിഗ് ബോസിൽ നടക്കാനിരിക്കുന്നത് വൻ ട്വിസ്റ്റോ? 'അർജുൻ കപ്പടിക്കുമോ? ശക്തമായ വോട്ട് ബാങ്ക്..സംഭവിക്കുന്നത്'
ബിഗ് ബോസ് മലയാളം സീസൺ 6 ഫിനാലേയ്ക്ക് ഇനി അഞ്ച് ദിവസം മാത്രമാണ് ശേഷിക്കുന്നത്. നിലവിൽ ആറ് പേരാണ് ഹൗസിൽ തുടരുന്നത്. ശ്രീതു, അർജുൻ, ജിന്റോ, ജാസ്മിൻ, ഋഷി, അഭിഷേക് എന്നിവരാണ് ഫൈനൽ 6 ൽ ഉൾപ്പെട്ടിരിക്കുന്നത്. ഇവരിൽ ഒരാൾ കൂടി ഹൗസിൽ നിന്ന് പുറത്ത് പോയേക്കും. ഇതോടെ ടോപ് 5വുമായി സീസൺ 6 ഫൈനലിലേക്ക് കടക്കും.
മുൻ സീസണുകളിൽ നിന്നും വ്യത്യസ്തമായി അവസാന നിമിഷം ഹൗസിൽ പല അട്ടിമറികളും ഈ സീസണിൽ പ്രവചിക്കപ്പെടുന്നുണ്ട്. ജാസ്മിൻ ജാഫറോ ജിന്റോയോ വിജയിയായേക്കുമെന്നായിരുന്നു തുടക്കത്തിലെ പ്രവചനങ്ങളെങ്കിൽ ഇപ്പോൾ അർജുൻ ശ്യാം കപ്പടിക്കുമോയെന്നാണ് ആരാധകർ ഉറ്റുനോക്കുന്നത്. അർജുന്റെ ബിഗ് ബോസ് പ്രകടനങ്ങളെ വിലയിരുത്തുന്നൊരു കുറിപ്പ് വായിക്കാം
അട്ടിമറിക്കുമോ അർജുൻ? ഇൻട്രൊഡക്ഷൻ ടൈമിൽ തന്നെ അത്യാവശ്യം ഇമ്പാക്ട് ഉണ്ടാക്കിയ മത്സരർഥിയായിരുന്നു അർജുൻ. ഈ സീസണിലെ ആദ്യ ക്യാപ്റ്റൻ എന്ന സ്ഥാനവും അർജുന് ലഭിച്ചു. എന്നാൽ പവർ ടീമിന്റെ പ്രഭാവത്തിൽ ഈ സീസണിലെ മറ്റു ക്യാപ്റ്റന്മാരെപ്പോലെ അർജുന് ഒതുങ്ങാൻ ആയിരുന്നു വിധി. പിന്നീട് ഒരിക്കലും അർജുന് ഹൗസ് ക്യാപ്റ്റൻ ആവാൻ പറ്റിയിട്ടില്ല. റോക്കിയുടെ നെക്സ്റ്റ് ടീമിൽ ആയിരുന്നു ആദ്യം അർജുൻ. അവിടെ ഋഷി - അർജുൻ - അൻസിബ - റോക്കി ഗ്രൂപ്പിൽ നിന്ന് വൈകാതെ അർജുൻ പുറത്ത് വന്നു. ടാസ്കുകൾ മാത്രമായിരുന്നു അർജുൻ ഫോക്കസ് ചെയ്ത എരിയ. എന്നാൽ വീക്കിലി ടാസ്കുകൾ ഇല്ലാത്ത സീസണിൽ അർജുന് ഒരുപാട് കോൺട്രിബ്യൂഷൻസ് കൊടുക്കാനും പറ്റിയില്ല. സീസൺ മുഴുവനും പവർ റൂം ടാസ്കിൽ ഒതുങ്ങി.
ജാൻമണി - നോറ ആയുള്ള പെർഫോമൻസ് ആയിരുന്നു അർജുന്റെ ഏറ്റവും ഓർക്കപ്പെടുന്ന മൊമെന്റ്സ്. അതല്ലാതെ അർജുന് എടുത്തു പറയാവുന്ന കോൺട്രിബ്യൂഷൻ ശ്രീ - ജുൻ കോമ്പോ ആയിരിന്നു. ബിബിയും പുറത്തുള്ള ഫാൻസും ആയിരുന്നു അതിന്റെ സൃഷ്ടക്കൾ. ഒരു നല്ല പയ്യൻ- അടുത്ത വീട്ടിലെ കുട്ടി ഇമേജ് ആയിരുന്നു ഹൗസിൽ അർജുന് ഉണ്ടായിരുന്നത്. അദ്ദേഹത്തിന്റെ ജീവിതകഥയും ഒരു ഇൻസ്പിരേഷൻ ആയിരുന്നു. കണ്ടന്റ് ക്രേവിങ് ഇല്ലാത്ത ആളായിരുന്നു അർജുൻ. പലപ്പോഴും പ്രശനങ്ങളിൽ ഇടപെടാതെ തനിക്ക് നേരെ വരുന്ന ഗെയിം പോലും അർജുൻ അവഗണിച്ചു വിടും. അർജുന് എതിരെ ജിന്റോ ഇടയ്ക്ക് ഗെയിം കളിച്ചു എങ്കിലും അത് ഏറ്റുപിടിക്കാൻ അർജുൻ താല്പര്യം കാണിച്ചില്ല. സിബിനും അർജുന് എതിരെ കരുകൾ ഉണ്ടായിരുന്നു എന്നാൽ സിബിൻ പുറത്ത് പോയി. പിന്നീട് പറയത്തക്ക എതിരാളികൾ അർജുന് ഹൗസിൽ ഇല്ലായിരുന്നു.
ശാന്തിയും പ്രണയവുമാണ് സീസൺ 6 ൽ അർജുൻ കൊടുത്ത ഇമോഷൻ. ഇൻസ്റ്റാഗ്രാം റീൽസിൽ ഏറ്റവും ഹിറ്റ് ആയ സീസൺ 6ൽ അതിന്റെ ഗുണം മുഴുവനും കിട്ടിയത് അർജുൻ - ശ്രീതു എന്നിവർക്ക് ആയിരുന്നു. ഗെയിം ഉള്ള എല്ലാവരും പോയിട്ടും ഇവർ ഹൌസിൽ തുടർന്നു.
അർജുന്റെ വോട്ട് ബാങ്ക് ശക്തമാണ്. യൂട്യൂബ് - ഫേസ്ബുക് ഒന്നും ഉപയോഗിക്കാത്ത വലിയ ഒരു യൂത്ത് ഇൻസ്റ്റാ സപ്പോർട്ട് അർജുന് ഉണ്ട്. അത്രയും വോട്ടുകളുടെ അടിയൊഴുക്ക് അർജുന്റെ അട്ടിമറിയ്ക്ക് കാരണമാകുമോ എന്ന് കണ്ടറിയാം. എന്തായാലും ബിബി ഗ്രാൻഡ് ഫിനാലെയിൽ അർജുന്റെ സ്ഥാനം ഏറ്റവും അൺപ്രഡിക്ടബിൾ ആയ ഒന്നാണ്. ടോപ് 3യിൽ അർജുൻ ഉണ്ടാകാൻ എല്ലാ സാധ്യതയുമുണ്ട്', പോസ്റ്റിൽ പറയുന്നു.
Click it and Unblock the Notifications
Sign in with Google