ബിഗ് ബോസിൽ തീ പാറും, വൈറൽ താരങ്ങൾ മുതൽ സിനിമാക്കാർ വരെ, അവസാന പട്ടികയിൽ ഈ 21 പേർ, രേണു സുധി പുറത്ത്?

ഇക്കുറി മത്സരം തീപാറുമെന്ന സൂചനയാണ് ബിഗ് ബോസ് മലയാളം സീസണ്‍ 7ന്റെ പ്രമോയടക്കമുളള കാര്യങ്ങള്‍ സൂചിപ്പിക്കുന്നത്. മത്സരം പൊടിപാറണമെങ്കില്‍ ടാസ്‌കുകള്‍ മാത്രം മികച്ചതായാല്‍ പോര, മത്സരാര്‍ത്ഥികളും അതിനൊത്തവരായിരിക്കണം.

പുതിയ സീസണില്‍ ആരൊക്കെ മത്സരിക്കും എന്നത് അറിയാന്‍ ഇനി ഏതാനും ദിവസങ്ങള്‍ മാത്രമാണ് ബാക്കി. ഇതിനകം നിരവധി പ്രവചനങ്ങള്‍ പുറത്ത് വന്നു കഴിഞ്ഞു. ബിഗ് ബോസ് റിവ്യൂവര്‍ ആയ രേവതി തന്റെ അവസാന പ്രഡിക്ഷന്‍ ലിസ്റ്റ് യൂട്യൂബ് ചാനലിലൂടെ പുറത്ത് വിട്ടിരിക്കുകയാണ്.

പ്രവചന ലിസ്റ്റ് കൂടാതെ വെയിറ്റിംഗ് ലിസ്റ്റും രേവതി തയ്യാറാക്കിയിട്ടുണ്ട്. ഇക്കൂട്ടത്തില്‍ ബിഗ് ബോസിലെത്തും എന്ന് ഉറപ്പുളളവരും സാധ്യത ഉളളവരും ഉണ്ടെന്ന് രേവതി പറയുന്നു. ഇവരില്‍ ചിലര്‍ ബിഗ്‌ബോസിലേക്കുളള അഭിമുഖം കഴിഞ്ഞ് പെട്ടി പാക്ക് ചെയ്തിട്ടുളളവരാണെന്നും രേവതി അവകാശപ്പെടുന്നു. ആരൊക്കെയാണ് രേവതിയുടെ പ്രവചനത്തില്‍ ഇടം പിടിച്ചിരിക്കുന്ന 18 പേരെന്ന് നോക്കാം.

1. വിശ്വ മ്യൂസിക് റാപ്

റാപ് ഗായകനാണ് വിശ്വ മ്യൂസിക് റാപ്. സോഷ്യല്‍ മീഡിയയില്‍ വൈറലായ ഇദ്ദേഹത്തിന് ഹേറ്റേഴ്‌സും ഒരുപാടുണ്ട്.

2. ഷാനവാസ്

നടനായ ഷാനവാസ് സീരിയലുകളിലൂടെ പരിചിതനാണ്. രുദ്ര എന്ന കഥാപാത്രമാണ് ശ്രദ്ധേയമായത്.

3. രേണു സുധി

അന്തരിച്ച നടന്‍ കൊല്ലം സുധിയുടെ ഭാര്യയും വൈറല്‍ താരവുമാണ് രേണു സുധി.

4. രേഖ രതീഷ്

സീരിയലുകളിലൂടെ ശ്രദ്ധേയയാണ് രേഖ രതീഷ്. പരസ്പരം സീരിയയിലെ കഥാപാത്രത്തിലൂടെ ശ്രദ്ധ നേടി.

5. ആദില-നൂറ

ആദിലയും നൂറയും വൈറല്‍ താരങ്ങളാണ്. സോഷ്യല്‍ മീഡിയയിലെ കണ്ടന്റ് മേക്കര്‍മാരാണ് ഇരുവരും.

6. അനുമോള്‍

നടിയായ അനുമോള്‍ സ്റ്റാര്‍ മാജിക് എന്ന ഷോയിലൂടെയാണ് കൂടുതല്‍ അറിയപ്പെടുന്നത്.

7. ജിഷിന്‍ മോഹന്‍

ടെലിവിഷന്‍ പ്രേക്ഷകര്‍ക്ക് സുപരിചിതനാണ് ജിഷിന്‍ മോഹന്‍. വിവാഹ മോചനവും രണ്ടാം വിവാഹവും അടക്കം സോഷ്യല്‍ മീഡിയയില്‍ വലിയ ചര്‍ച്ചയായിരുന്നു.

8. മുന്‍ഷി രഞ്ജിത്ത്

നടനും മിമിക്രി താരവുമാണ് മുന്‍ഷി രഞ്ജിത്ത്. ഒരു യക്ഷിക്കഥ, പത്തൊന്‍പതാം നൂറ്റാണ്ട് പോലുളള സിനിമകളില്‍ അഭിനയിച്ചിട്ടുണ്ട്.

9. അക്ബര്‍ ഖാന്‍

യുവഗായകനായ അക്ബര്‍ ഖാന്‍ സീ കേരളം ചാനലിലെ സരിഗമപ എന്ന റിയാലിറ്റി ഷോയിലൂടെ പ്രശസ്തനാണ്. കൊത്ത അടക്കം നിരവധി സിനിമകളില്‍ പാടിയിട്ടുണ്ട്.

10. അപ്പാനി ശരത്

തുടക്കം മുതല്‍ക്കേ പ്രവചനങ്ങളില്‍ ഇടം പിടിച്ച പേരാണ് നടനായ അപ്പാനി ശരത്തിന്റേത്. അങ്കമാലി ഡയറീസ് അടക്കം നിരവധി സിനിമകളിലൂടെ ശ്രദ്ധേയനായ നടന്‍.

11. അഭിശ്രീ

സീരിയലുകളിലൂടെ ശ്രദ്ധേയനായ നടനാണ് അഭിശ്രീ. നെഗറ്റീവ് വേഷങ്ങളാണ് കൂടുതലും ചെയ്യാറുളളത്.

12. ബിന്നി സെബാസ്റ്റ്യന്‍.

മിനിസ്‌ക്രീന്‍ പ്രേക്ഷകര്‍ക്ക് പരിചിതയായ നടി. ഗീതാഗോവിന്ദം എന്ന സീരിയയിലൂടെയാണ് ശ്രദ്ധേയായത്.

13. റാനിയ റാണ

ദിലീപ് നായകനായ പ്രിന്‍സ് ആന്‍ഡ് ഫാമിലി എന്ന ചിത്രത്തിലെ നായികാ വേഷം ചെയ്ത് ശ്രദ്ധ പിടിച്ച് പറ്റിയ നടി. അറിയപ്പെടുന്ന നര്‍ത്തകി കൂടിയാണ് റാനിയ.

14. മാധവ് നായര്‍

ഗായകനാണ് മാധവ് നായര്‍. ഹേ ജൂഡ്, വള്ളിക്കുടിലിലെ വെള്ളക്കാരന്‍ പോലുളള ചിത്രങ്ങളില്‍ പാടിയിട്ടുണ്ട്.

15. കലാഭവന്‍ സരിഗ

മിമിക്രി താരവും നടിയുമാണ് കലാഭവന്‍ സരിഗ. നിരവധി സീരിയലുകളിലൂടെയും കോമഡി ഷോകളിലൂടെയും ശ്രദ്ധേയ.

16. ആര്യന്‍ കതൂരിയ

നടനും മോഡലുമാണ് ആര്യന്‍ കതൂരിയ.

17. ആര്‍ജെ ബിന്‍സി

റേഡിയോ ജോക്കിയാണ് ആര്‍ ജെ ബിന്‍സി.

18. ഒണിയല്‍ സാബു

ഫുഡ് വ്‌ളോഗിംഗിലൂടെ സോഷ്യല്‍ മീഡിയയില്‍ ശ്രദ്ധേയനാണ് സാബു

19. ദീപക് മോഹന്‍

സോഷ്യല്‍ മീഡിയയിലൂടെ ശ്രദ്ധ നേടിയ സ്റ്റാന്‍ഡ് അപ് കൊമേഡിയന്‍ ആണ് ദീപക്

20. നിവീന്‍

സ്റ്റൈലിസ്റ്റും ഫാഷന്‍ കൊറിയോഗ്രാഫറുമാണ് നിവീന്‍. മുന്‍ ബിഗ് ബോസ് താരങ്ങളായ ജാന്‍മോനിയുടെയും അഭിഷേകിന്റെയും വീഡിയോകളിലൂടെ വൈറലായി.

21. ബബിത ബാബി

ഇന്‍സ്റ്റഗ്രാമിലൂടെ ശ്രദ്ധേയായ ഇന്‍ഫ്‌ളുവന്‍സറാണ് ബബിത.

ഇത്രയും പേരെയാണ് ഇക്കുറി ബിഗ് ബോസിലേക്ക് രേവതി പ്രവചിച്ചിട്ടുളളത്. ഇവരെ കൂടാതെ നടി അവന്തിക മോഹന്‍, അവതാരകയായ ശാരിക, നടന്‍ ബിനീഷ് ബാസ്റ്റിന്‍, നടന്‍ ആദിത്യന്‍ ജയന്‍, അവതാരകന്‍ രോഹന്‍ ലോണ, ആര്‍ജെ അഞ്ജലി, നടി അമൃത, അമേയ പ്രസാദ്, ജാസി, മാഹിന്‍ മച്ചാന്‍, ഇഷാനി ഇഷ എന്നിവരാണ് രേവതിയുടെ വെയിറ്റിംഗ് ലിസ്റ്റിലുളളത്.