ഒന്നിച്ച് സ്ക്രീനിൽ എത്താൻ ദീപികയും രൺവീറും വാങ്ങുന്നത് വമ്പൻ പ്രതിഫലം; പ്രീമിയം ഫീയെക്കുറിച്ച് താരം
ഏറെ താരമുല്യമുള്ള നായികയാണ് ദീപിക പദുക്കോൺ. വമ്പൻ തുകയാണ് ദീപക പ്രതിഫലമായി വാങ്ങാറുള്ളത്. ദീപികയുടെ ഭർത്താവ് രൺവീർ സിംഗും തിരക്കുള്ള നടനാണ്. ഇവർ രണ്ട് പേരും ഒരുമിച്ച് അഭിനയിക്കുന്ന സിനിമകൾക്ക് വലിയ സ്വീകാര്യത ലഭിക്കാറുണ്ട്.
രൺവീർ സിംഗും ദീപിക പദുക്കോണും ബോളിവുഡിലെ "നമ്പർ വൺ പവർ കപ്പിൾ" എന്നാണ് വിളിക്കപ്പെടുന്നത്. ദീപിക കോടികളാണ് സിനിമയക്ക് പ്രതിഫലം വാങ്ങിക്കാറുള്ളത്, രൺവീറുമൊത്ത് എത്തുമ്പോൾ ഭീമൻ തുകയാണ് ദീപിക പ്രതിഫലം വാങ്ങാറുള്ളത് എന്നാണ് പുറത്തുവരുന്ന റിപ്പോർട്ടുകൾ.
ദി വീക്കിന് നൽകിയ അഭിമുഖത്തിൽ, താനും രൺവീറും ഒരുമിച്ച് ഒരു പ്രോജക്റ്റിൽ പ്രവർത്തിക്കുമ്പോൾ എന്തുകൊണ്ടാണ് 'പ്രീമിയം' ഈടാക്കുന്നതെന്ന് ദീപിക ചർച്ച ചെയ്യുകയും വിശദീകരിക്കുകയും ചെയ്തു. രൺവീറും ദീപികയും ഒരുമിച്ച് അഭിനയിക്കുമ്പോൾ ഒറ്റയ്ക്ക് അഭിനയിക്കുമ്പോൾ വാങ്ങുന്നതിനെക്കാൾ കൂടുതൽ പ്രതിഫലം വാങ്ങാറുണ്ടെന്ന് താരം വ്യക്തമാക്കി.
"അതെ, ഞങ്ങൾ ഒരുമിച്ച് വരുമ്പോൾ ഞങ്ങൾ ഒരു പ്രീമിയം ഈടാക്കുന്നു.സാധാരണയായി ഒരു പവർ ജോഡിയിൽ ഒരു അസന്തുലിതാവസ്ഥയുണ്ട്, പക്ഷേ ഞങ്ങളുടേതിലില്ല. കൂടാതെ, ഞങ്ങൾ രണ്ടുപേരും സാധാരണ നിലയിൽ നിന്ന് തുടങ്ങിയതാണ്. ഞങ്ങൾ വളരെ അഭിമാനിക്കുന്ന ഒന്നാണ് അത്, അവർ പറയുന്നു.
ഡഫ് & ഫെൽപ്സ് (ഇപ്പോൾ ക്രോൾ എന്നറിയപ്പെടുന്ന സാമ്പത്തിക ഉപദേശക സ്ഥാപനം) വാർഷിക റിപ്പോർട്ട് അനുസരിച്ച്, ദീപികയും രൺവീറും ഇന്ത്യയിലെ ഏറ്റവും മൂല്യവത്തായ സെലിബ്രിറ്റികളിൽ ടോപ്പ് 10-ൽ തുടർച്ചയായി സ്ഥാനം നേടിയിട്ടുണ്ട്.
ഏതാനും ചില നടിമാർ 10 കോടിയിലധികം പ്രതിഫലമായി വാങ്ങാറുണ്ട് എങ്കിലും ദീപിക ഓരോ ചിത്രത്തിനും 12-15 കോടിയാണ് ആവശ്യപ്പെടുന്നതെന്ന് മാഗസിൻ പറയുന്നു. തനിഷ്ക്, ഏഷ്യൻ പെയിന്റ്സ്, ആക്സിസ് ബാങ്ക് തുടങ്ങിയ ഇന്ത്യൻ കമ്പനികളുടെയും ലൂയി വിറ്റൺ, കാർട്ടിയർ തുടങ്ങിയ വിദേശ ഡിസൈനർ ലേബലുകളുടെയും ബ്രാൻഡ് അംബാസഡറായ ദീപികയാണ് പ്രിയങ്ക ചോപ്ര ഒഴികെ ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരം.
2018ൽ ഇറ്റലിയിൽ വച്ചാണ് ദീപികയും രൺവീർ സിംഗും വിവാഹിതരായത്. വിവാഹത്തിന് മുമ്പ് അവർ ആറ് വർഷത്തോളം ഡേറ്റിംഗ് നടത്തി. ജിയോ മാർട്ടിന്റെയും ലോയ്ഡ് എസിയുടെയും പരസ്യങ്ങൾക്ക് പുറമേ, രൺവീർ സിങ്ങിന്റെയും ദീപിക പദുക്കോണിന്റെയും ഏറ്റവും മികച്ച ചിത്രങ്ങളിലൊന്നായി കണക്കാക്കപ്പെടുന്ന 2013 ലെ 'ഗോലിയോൻ കി രാസ്ലീല രാം-ലീല' ഉൾപ്പെടെയുള്ള സിനിമകളിൽ അഭിനേതാക്കൾ ഒരുമിച്ച് പ്രത്യക്ഷപ്പെട്ടിട്ടുണ്ട്.
Click it and Unblock the Notifications
Sign in with Google