അവതാറും ടൈറ്റാനിക്കുമല്ല, ഏറ്റവും കൂടുതല് കളക്ഷന് കിട്ടിയ സിനിമ ഇത്; അഭിനേതാക്കള്ക്ക് ലഭിച്ചത് ഇത്രമാത്രം.!
സിനിമയുടെ വിജയത്തിന്റെ അളവുകോലായി ലോകമെമ്പാടും കണക്കാക്കുന്നത് ബോക്സോഫീസ് കണക്കുകള് ആണ്. ഇന്ത്യന് സിനിമയില് ബാഹുബലിയ്ക്ക് ശേഷം കോടി ക്ലബുകള് ലക്ഷ്യമിട്ടാണ് പല ചിത്രങ്ങളും ഇറങ്ങുന്നത്. ബോക്സോഫീസില് പണം വാരുന്ന പടങ്ങളില് പലതും വമ്പന് ബജറ്റിലാണ് ഇറങ്ങുന്നത്. അതിനാല് തന്നെ ബോക്സോഫീസ് കളക്ഷന് മാത്രം വെച്ച് സിനിമയുടെ ലാഭനഷ്ടത്തെ വിലയിരുത്തുന്നത് ശരിയല്ല.
കൂടാതെ ബിഗ് ബജറ്റ് ചിത്രങ്ങളില് പലതിനും ഏറ്റവും കൂടുതല് തുക ചെലവാകുന്നത് പ്രധാനതാരങ്ങളുടെ പ്രതിഫലത്തിനാണ്. 100 കോടി ബജറ്റുള്ള ചിത്രത്തിന്റെ സിംഹഭാഗവും പ്രധാനതാരങ്ങളുടെ പ്രതിഫലത്തിനായി പോകുന്നു എന്നാണ് അടുത്ത് കാലത്ത് പുറത്തിറങ്ങിയ പല ചിത്രങ്ങളും കാണിക്കുന്നത്. അതിനാല് ഒരു സിനിമയുടെ സാമ്പത്തിക വിജയം എന്നത് അതിന്റെ ബജറ്റിന് ആനുപാതികമായി എത്രമാത്രം നേടി എന്നതിന്റെ അടിസ്ഥാനത്തിലാണ് എന്നാണ് പൊതുവെ വിലയിരുത്തുന്നത്.
അങ്ങനെ നോക്കുമ്പോള് ലോകത്തിലെ ഏറ്റവും ലാഭകരമായ സിനിമ എന്ന വിശേഷണത്തിന് കൂടുതല് അനുയോജ്യം ഒറെന് പെലി ഒരുക്കിയ പാരാനോര്മല് ആക്ടിവിറ്റി ആണ് എന്ന് പറയേണ്ടി വരും. ഈ ചിത്രത്തിന്റെ സംവിധാനം, കഥ, എഡിറ്റിംഗ്, ക്യാമറ എന്നിവ കൈകാര്യം ചെയ്തിരിക്കുന്നത് ഒറെന് പെലിയാണ്. ഹോം ക്യാമറയും പുതുമുഖങ്ങളേയും വെച്ച് പെലി ഒരുക്കിയ ഒരു ലോ-ബജറ്റ് ഹൊറര് സിനിമയായിരുന്നു പാരാനോര്മല് ആക്ടിവിറ്റി.
15000 ഡോളറില് താഴെയായിരുന്നു ചിത്രത്തിന്റെ നിര്മാണ ചെലവ്. ബജറ്റ് പരിമിതി കാരണം ഒറെന് പെലി രണ്ട് പുതുമുഖങ്ങളെയാണ് ചിത്രത്തില് അവതരിപ്പിച്ചത്. കാറ്റി ഫെതര്സ്റ്റണും മൈക്ക സ്ലോട്ടും ആ സമയത്ത് മറ്റ് ജോലികള് തേടി അലയുന്ന കാലമായിരുന്നു. കാസ്റ്റിംഗ് കോള് കണ്ട് ഓഡിഷനില് പങ്കെടുത്താണ് ഇരുവരും ചിത്രത്തിലേക്ക് തിരഞ്ഞെടുക്കപ്പെട്ടത്.
500 ഡോളര് ആയിരുന്നു ഈ ചിത്രത്തിന് ഇരുവര്ക്ക് ലഭിച്ച പ്രതിഫലം. അതായത് ഏകദേശം 42000 രൂപ! ഫിലിം ഫെസ്റ്റിവലുകളില് മികച്ച അഭിപ്രായം നേടിയ ചിത്രം പാരാമൗണ്ട് പിക്ചേഴ്സ് സ്വന്തമാക്കി. പാരാമൗണ്ട് പിക്ചേഴ്സ് പോസ്റ്റ് പ്രൊഡക്ഷനും മാര്ക്കറ്റിംഗിനുമായി 200,000 ഡോളര് മുടക്കി 2009 സെപ്റ്റംബറില് തിയേറ്ററുകളില് എത്തിച്ചു. ലോകമെമ്പാടും 194.2 ദശലക്ഷം ഡോളര് ആണ് ഈ ചിത്രം സമ്പാദിച്ചത്.
മുടക്കുമുതലിന്റെ അടിസ്ഥാനത്തില് ഏറ്റവും കൂടുതല് ലാഭം നേടിയ സിനിമയായി മാറാനും ഇതുവഴി പാരാനോര്മല് ആക്ടിവിറ്റിക്ക് സാധിച്ചു. നിര്മ്മാണ ബഡ്ജറ്റിനേക്കാള് 1300000% ലാഭം നേടി എന്ന ഈ സിനിമയുടെ റെക്കോഡ് മറ്റൊരു ചിത്രത്തിനും ഇതുവരെ സാധിച്ചിട്ടില്ല. പാരാനോര്മല് ആക്ടിവിറ്റിയുടെ വിജയം മൂന്ന് തുടര്ച്ചകളും രണ്ട് സ്പിന് ഓഫുകളും ഉള്പ്പെടെ ഒരു പാരാനോര്മല് ആക്ടിവിറ്റി ഫ്രാഞ്ചൈസിക്കും കാരണമായി.
ഇതോടെ ലോകമെമ്പാടും 600 മില്യണ് ഡോളറിലധികം സമ്പാദിക്കാനും ഈ സിനിമക്ക് സാധിച്ചു. തിയേറ്ററില് നിന്ന് വലിയ വരുമാനം ലഭിച്ചതോടെ ഇതില് നിന്നൊരു വിഹിതം തങ്ങള്ക്ക് പ്രതിഫലമായി പിന്നീട് ലഭിച്ചു എന്ന് അഭിനേതാക്കള് പറഞ്ഞിരുന്നു.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google