എമ്പുരാനിൽ മോഹൻലാലിന്റെ പ്രതിഫലം, ഞെട്ടിച്ച് പൃഥ്വിരാജിന്റെ വെളിപ്പെടുത്തൽ, പൃഥ്വിയുടെ 'പ്രതിഫലവും'

എമ്പുരാനിലെ കാസ്റ്റിംഗ് കണ്ട് മലയാളികൾ അക്ഷരാർത്ഥത്തിൽ ഞെട്ടിത്തരിച്ച് ഇരിക്കുകയാണ് മലയാളികൾ. ഗെയിം ഓഫ് ത്രോൺസ് താരം ജെറോം ഫ്ലിൻ , ആമീർ ഖാന്റെ സഹോദരി നിതാഖ് ഹെഗ്ഡേ, ആൻഡ്രിയ ടിവാടർ തുടങ്ങി വമ്പനൻ താരങ്ങളാണ് സിനിമയിൽ അണിനിരക്കുന്നത്. കോടികൾ പ്രതിഫലം നൽകിയാകും ഈ വമ്പൻമാരെയെല്ലാം പൃഥ്വിരാജ് എത്തിച്ചതെന്നാണ് പൊതുവെ സംസാരം. എന്നാൽ ഇപ്പോഴിതാ താരങ്ങളേയും അവരുടെ പ്രതിഫലത്തെ കുറിച്ചുമുള്ള ചർച്ചകളോട് പ്രതികരിക്കുകയാണ് പൃഥ്വിരാജ്. പിങ്ക് വില്ലയ്ക്ക് നൽകിയ അഭിമുഖത്തിലാണ് താരത്തിന്റെ മറുപടി.

'എമ്പുരാനിൽ അഭിനയിക്കേണ്ട താരങ്ങളെ കുറിച്ചുള്ള ചർച്ച നടക്കുമ്പോൾ തന്നെ സ്വാഭാവികമായും നമ്മുടെ മനസിൽ കുറച്ച് പേരുടെ വിഷ് ലിസ്റ്റ് ഉണ്ടാകും. ആദ്യം ചില വലിയ പേരുകൾ എന്റെ മനസിൽ ഉണ്ടായിരുന്നു. ചില വലിയ താരങ്ങളെ സമീപിക്കുകയും ചെയ്തിരുന്നു. അമേരിക്കൻ, ബ്രിട്ടീഷ് , എന്തിന് ചൈനീസ് താരങ്ങളെ വരെ സമീപിച്ചു. ഇതിൽ പലരുമായും സൂം കോളിലൂടെ ഞാൻ സംസാരിക്കുകയും ചെയ്തു. ഇതുപോലൊരു ഇന്ത്യൻ സിനിമയിൽ അഭിനയിക്കുന്നതിനോട് പലരും താത്പര്യം പ്രകടിപ്പിച്ചിരുന്നു. ചില കാര്യങ്ങളിൽ ധാരണ ആവുകയും ചെയ്തു.

എന്നാൽ ഈ സമയത്താണ് ഏജന്റുകൾ ഇടപെടുന്നത്. അവരുടെ ജോലി അവരുടെ താരങ്ങൾക്ക് ഏറ്റവും കൂടുതൽ പ്രതിഫലം എങ്ങനെ വാങ്ങിക്കൊടുക്കാം എന്ന് ചിന്തിക്കുന്നത് തന്നെയായിരിക്കും. എന്നാൽ നിർഭാഗ്യവശാൽ അവരുടെ ആവശ്യങ്ങൾ നമ്മുക്ക് അംഗീകരിക്കാൻ സാധിച്ചില്ല. കാരണം ഈ സിനിമയ്ക്ക് വേണ്ടി എത്ര ചെലവാക്കാം എന്നതിനെ സംബന്ധിച്ച് കൃത്യമായ ധാരണ എനിക്കുണ്ടായിരുന്നു. എന്റെ തീരുമാനം എത്രമാത്രം എനിക്ക് പണം സേവ് ചെയ്യാൻ സാധിക്കുന്നുവോ അതൊക്കെ സിനിമയുടെ മേക്കിംഗിന് വേണ്ടി ഉപയോഗപ്പെടുത്തണം എന്നായിരുന്നു എന്റെ ചിന്ത. ഈ സിനിമയിൽ അഭിനയിക്കുന്നത് മോഹൻലാൽ ഒരു നയാ പൈസ പോലും വാങ്ങിയിട്ടില്ല. അതുകൊണ്ടാണ് ഈ സിനിമ സാധ്യമായത്', പൃഥ്വിരാജ് പറഞ്ഞു. അതേസമയം ഞാൻ മാത്രമല്ല പൃഥ്വിരാജ് പ്രതിഫലം വാങ്ങാതെയാണ് അഭിനയിച്ചതെന്ന് മോഹൻലാലും വെളിപ്പെടുത്തി.

'100 കോടി മുടക്കി 80 കോടിയും പ്രതിഫലത്തിന് നൽകാൻ ഞങ്ങൾ തയ്യാറായിരുന്നില്ല. സിനിമയുടെ ടെക്നീഷ്യൻമാരടക്കം പലർക്കും നമ്മൾ ചെയ്യുന്നതിന് വേണ്ടി ഏറ്റവും കൊടുക്കുക എന്ന ചിന്തയായിരുന്നു. സിനിമയിൽ അഭിനയിച്ച വിദേശതാരങ്ങൾക്കടക്കം കൃത്യമായി മനസിലായിരുന്നു എന്താണ് ഞങ്ങൾ ചെയ്യാൻ ഉദ്ദേശിക്കുന്നതെന്ന്. ജെറോം ഫ്ലിം, ആൻഡ്രിയ എല്ലാവരും ഫേവർ കാണിച്ചു', പൃഥ്വിരാജ് പറഞ്ഞു.

വളരെ വലിയ സ്വപ്നങ്ങൾ ഉള്ളൊരാളാണ് ഞാൻ. അതുകൊണ്ട് തന്നെ എന്റെ ഓരോ വർക്ക് കഴിയുമ്പോഴും ഞാൻ അടുത്തതിനെ കുറിച്ച് ചിന്തിക്കും. വിശ്രമമില്ലാതെ പ്രവർത്തിക്കുന്ന ആളാണ്. എമ്പുരാൻ റിലീസ് ചെയ്താൽ ഇതിൽ കൂടുതൽ എങ്ങനെ മികച്ചതാക്കാം എന്നായിരിക്കും ചിന്ത. വളരെ വർഷങ്ങൾക്ക് മുൻപ് തന്നെ സിനിമ സംവിധാനം ചെയ്യുമ്പോൾ ആരെ വെച്ച് ചെയ്യും എന്ന ചോദ്യത്തിന് മോഹൻലാലും മഞ്ജു വാര്യരും എന്ന് ഞാൻ പറഞ്ഞിട്ടുണ്ട്. അന്ന് സിനിമ സംവിധാനം എന്റെ മനസിൽ പോലും ഉണ്ടായിരുന്നില്ല. ചില കാര്യങ്ങൾ എനിക്ക് ചെയ്യാനുണ്ട്. അത് ഞാൻ തീർച്ചയായും ചെയ്ത് തീർക്കും', പൃഥ്വിരാജ് വ്യക്തമാക്കി.

ലൂസിഫറിന്റെ രണ്ടാം ഭാഗമായി എത്തുന്ന എമ്പുരാൻ 400 കോടി ബജറ്റിലാണ് ഒരുങ്ങിയത്. ആശിർവാദ് സിനിമാസ്, ഹോംബാലെ ഫിലിംസ്, പൃഥ്വിരാജ് പ്രൊഡക്ഷൻസ് എന്നിവയുടെ ബാനറിൽ ആൻ്റണി പെരുമ്പാവൂർ, വിജയ് കിർഗന്ദൂർ, സുപ്രിയ മേനോൻ എന്നിവർ ചേർന്നാണ് ചിത്രം നിർമ്മിച്ചത്.