ഫഹദിനെ സ്വാധീനിച്ച ആ മലയാള സിനിമയിലെ നായകൻ മോഹൻലാൽ; ഇതാണ് ആ സിനിമ

Updated: Tuesday, May 7, 2024, 19:40 [IST]

മലയാളികളുടെ പ്രിയ താരമാണ് ഫഹദ് ഫാസിൽ. സിനിമാ ജീവിതത്തിലേക്കുള്ള കടന്നുവരവിൽ തുടക്കം പിഴച്ചെങ്കിലും രണ്ടാമത്തെ വരവിൽ സിനിമാ ലോകത്തെ തന്നെ അമ്പരപ്പിക്കുന്ന മാറ്റമായിരുന്ന ഫഹദിന്. ഏത് കഥാപാത്രവും ചെയ്യാൻ പാകത്തിൽ ആയിരുന്നു ഫഹദിന്റെ രണ്ടാം വരവ്.

മലയാളത്തിൽ മാത്രമല്ല, മറ്റ് ഭാഷകളിലും മിന്നുന്ന പ്രകടനമാണ് ഫഹദ് കാഴ്ച വെയ്ക്കുന്നത്. താരത്തിന്റേതായി ഏറ്റവും പുതിയതായി തീയറ്ററുകളിൽ എത്തിയ സിനിമ ആവേശമാണ്. ആദ്യ ദിനം തന്നെ മികച്ച പ്രതികരണം ആണ് ആവേശത്തിന് ലഭിച്ചത്. ഇപ്പോൾ ഫഹദ് അഭിമുഖത്തിനിടെ പറഞ്ഞൊരു കാര്യമാണ് ചർച്ചയാകുന്നത്. തന്നെ സ്വാധീനിച്ച മലയാള ചിത്രത്തെക്കുറിച്ചാണ് ഫഹദ് പറഞ്ഞിരിക്കുന്നത്. ഫിലിം കമ്പാനിയൻ സൗത്തിന് അനുവദിച്ച ഇന്റർവ്യൂവിലാണ് താരം പ്രിയപ്പെട്ട മലയാള സിനിമയെക്കുറിച്ച് പറഞ്ഞത്.

തന്റെ ജീവിതം മാറ്റിമറിച്ച ചിത്രങ്ങളായി ഫഹദ് നേരത്തെ പറഞ്ഞിട്ടുള്ള സിനിമകളാണ് 1988 ൽ പുറത്തിറങ്ങിയ ഇറ്റാലിയൻ ചിത്രം സിനിമ പാരഡിസോയും 200 ൽ പുറത്തിറങ്ങിയ മെക്സിക്കൻ ചിത്രം അമോറസ് പെരോസും. വ്യക്തപരമായി സ്വാധീനം ചെലുത്തിയ കാര്യത്തിൽ ഇവയ്ക്ക് അടുത്ത് നിൽക്കുന്ന ഒരു മലയാള സിനിമ ഏതായിരിക്കും എന്ന ചോദ്യത്തിനാണ് ഫഹദ് മറുപടി പറയുന്നത്. തൂവാനത്തുമ്പികൾ എന്നാണ് ഫഹദ് ഫാസിൽ പറഞ്ഞത്.

പി പത്മരാജൻ സംവിധാനം ചെയ്ത് 1987 ൽ ആണ് തൂവാനത്തുമ്പികൾ എന്ന സിനിമ പുറത്തിറങ്ങിയത്. കാലങ്ങൾ ഇത്രയും കഴിഞ്ഞെങ്കിലും ഇന്നും ചർച്ച ചെയ്യപ്പെടുന്ന സിനിമയാണ്. മോഹൻലാൽ ആണ് സിനിമയിലെ നായകൻ. ജയകൃഷ്ണൻ എന്ന കഥാപാത്രത്തെ മനോഹരമായിട്ടാണ് മോഹൻലാൽ അവതരിപ്പിച്ചത്.

ഉദകപ്പോള എന്ന തന്റെ നോവലിനെ ആസ്പദമാക്കിയാണ് പത്മരാജൻ ഈ സിനിമ ഒരുക്കിയത്. സിനിമയിലെ പാട്ടുകൾ ഇപ്പോഴും ഹൃദയത്തിൽ തങ്ങിനിൽക്കുന്നത് തന്നെയാണ്. അതേ സമയം പുഷ്പ ചെയ്തതിന് ശേഷം മറ്റ് ഭാഷകളിലും ഫഹദിന്റെ അഭിനയം ചർച്ചയാവുന്നുണ്ട്. പുഷ്പയിലെ ഭൻവർ സിംഗ് ഷെഖാവത്ത് എന്ന പോലീസ് കഥാപാത്രം തന്റെ കരിയറിവ്‍ പ്രത്യേകിച്ച് മാറ്റം ഉണ്ടാക്കിയിട്ടില്ലെന്ന് അദ്ദേഹം വ്യക്തമാക്കിയിരുന്നു.

എനിക്ക് ചെയ്യാനുള്ള കാര്യങ്ങൾ ഞാനിവിടെ ചെയ്യുന്നു. ഒന്നിനോടും ബഹുമാനക്കുറവില്ല. പുഷ്പ റിലീസായതിന് ശേഷം എന്നിൽ നിന്നും ഒരു മാജിക്കാണ് പ്രേക്ഷർ പ്രതീക്ഷുന്നത്. ഇത് യഥാർത്ഥത്തിൽ സുകുമാർ സാറിനോടുള്ള ശുദ്ധമായ സഹകരണവും സ്നേഹവുമാണ്. എന്റെ ജീവിതം മലയാലം സിനിമയാണ്." ഫഹദ് പറഞ്ഞു.