ഗോപികയെ ആദ്യമായി കണ്ട് വീട്ടിലെത്തിയ ജിപി വീട്ടുകാരോട് ആദ്യം പറഞ്ഞ കാര്യം അതായിരുന്നു..!

Updated: Friday, May 3, 2024, 8:54 [IST]

ഏറെ ആരാധകരുള്ള താരങ്ങളാണ് ഗോവിന്ദ് പത്മസൂര്യ എന്ന ജി പിയും ഗോപിക അനിലും. അടുത്തിടെയാണ് ജിപിയും ഗോപികയും വിവാഹിതരായത്. വിവാഹനിശ്ചയത്തിന് ജി പി സോഷ്യൽ മീഡിയയിൽ ഫോട്ടോ പങ്കുവെച്ചപ്പോഴാണ് ഇരുവരും വിവാഹിതരാകാൻ പോകുന്ന കാര്യം പ്രേക്ഷകർ അറിഞ്ഞത്. പിന്നീട് എല്ലാ വിശേഷങ്ങളും ജി പിയും ഗോപികയും ആരാധകരുമായി പങ്കുവെച്ചിരുന്നു.

എങ്ങനെയാണ് വിവാഹാലോചനയിലേക്ക് എത്തിയതെന്നും ആദ്യത്തെ കൂടിക്കാഴ്ചയെ പറ്റിയുമൊക്കെ ഇവർ പറഞ്ഞിരുന്നു. ഇപ്പോൾ ഗോപികയെ ആദ്യമായി കണ്ടുവന്ന ശേഷം ജി പി വീട്ടുകാരോട് പറഞ്ഞ കാര്യമാണ് വൈറൽ ആയിരിക്കുന്നത്. ഗോപികയുടെ പിറന്നാൾ ആഘോഷത്തിനിടെയാണ് ഇക്കാര്യം പറഞ്ഞത്. ഗോപികയ്ക്ക് വേണ്ടി ഒരുക്കിയ കേക്കിൽ നോ നോൺസൺസ് ഗേൾ എന്നാണ് എഴുതിയിരുന്നത്. ഇതിനുള്ള കാരണം പറയുമ്പോഴാണ് ആ സംഭവത്തെക്കുറിച്ച് പറഞ്ഞത്.

ഫസ്റ്റ് ഗോപിയെ കണ്ട് ഉണ്ണി വന്ന സമയത്ത് ഞങ്ങൾ ഇങ്ങനെ ക്യൂരീയസ് ആയി ചോദിക്കുകയാണ് എന്താണ്, എങ്ങനെയാണ് എന്ന് അപ്പോൾ ഫസ്റ്റ് പറഞ്ഞ അവൾ ഒരു നോൺ‌ നോൺ‌സൻസ് ഗേൾ ആണെന്നാണ് എന്നാണ് ജി പി പറഞ്ഞതെന്നാണ് ജി പിയുടെ വീട്ടുകാർ പറയുന്നത്. കഴിഞ്ഞ കുറച്ച് ദിവസങ്ങളായി ഗോപികയുടെ പിറന്നാൾ ആഘോഷത്തിന്റെ വിശേഷങ്ങളാണ് ജിപി പങ്കുവെയ്ക്കുന്നത്.

ഗോപികയുടെ അടുത്ത സുഹൃത്തായ ഷഫ്നയെ ബർത്ത് ഡേ പാർട്ടിക്ക് എത്തിച്ച് ജി പി ഗോപികയ്ക്ക് സർപ്രൈസ് നൽകിയിരുന്നു. ഷഫ്നയും ഭർത്താവും നടനുമായ സജീവുമാണ് ഗോപികയുടെ ബർത്ത് ഡേ പാർട്ടിക്ക് എത്തിയത് ഇവരെ കണ്ടയുടൻ ഗോപിക ആകെ ഞെട്ടുന്നത് കാണാം.

ജി പി പങ്കുവെച്ച വീഡിയോയ്ക്ക് അന്ന് ഗോപിക കമന്റും ഇട്ടിരുന്നു. എന്റെ ജന്മദിനം വളരെ മനോഹരമാക്കാൻ എല്ലാ വഴികളിലൂടെയും യാത്ര ചെയ്യാൻ വളരെയധികം പരിശ്രമിച്ചതിന് ടൈറ്റ് ഹഗ് എന്നായിരുന്നു ഗോപിക കമന്റ് ഇട്ടത്. ജി പി ക്ക് എങ്ങനെയാണ് സന്തോഷിപ്പിക്കേണ്ടത് എന്ന് നന്നായി അറിയാം എന്നും ഗോപിക കമന്റിൽ പറയുന്നു.

ഈ വീഡിയോയ്ക്ക് മുമ്പ് ഗോപികയുടെ മറ്റൊരു വീഡിയോ കൂടി ജി പി പങ്കുവെച്ചിരുന്നു കുട്ടികളോടൊപ്പം ഗോപിക കളിക്കുന്ന വീഡിയോ ആണ് ജി പി പങ്കുവെച്ചത്. ഗോപിക അനിൽ ഫാൻസിന് ഉള്ള സമ്മാവമാണ് എന്ന് പറഞ്ഞാണ് വീഡിയോ ജി പി പങ്കുവെച്ചത്. എല്ലാ ഗോപിക അനിൽ ഫാൻസിനും ഇത് ഒരു ജന്മദിന പ്രത്യേക സമ്മാനമാണ്, നിങ്ങളുടെ ഗോപിക ചേച്ചി വളരെ ശാന്തയും സംയമനം പാലിക്കുന്നതും പക്വതയുള്ളതും ഗൗരവമുള്ളതുമായ വ്യക്തിയാണെന്ന് നിങ്ങളെ എല്ലാവരേയും ഓർമ്മിപ്പിക്കാൻ വേണ്ടി മാത്രം എന്നാണ് ജി പി കുറിച്ചത്.