തെന്നിന്ത്യയില് നയന്താര തന്നെ ഒന്നാമത്: രണ്ടാം സ്ഥാനത്ത് ഈ നായിക, ജനപ്രീതിയില് മുന്നില് ഇവര്
ദക്ഷിണേന്ത്യന് സിനിമാ മേഖലയിലെ നടിമാര് ഇപ്പോള് ബോളിവുഡില് വരെ ജനപ്രീതി ആര്ജിച്ച് നില്ക്കുകയാണ്. ബാഹുബലിയിലൂടെ അനുഷ്ക ഷെട്ടിയാണ് ഏറ്റവും ജനപ്രീതി ആദ്യം നേടിയത്. പാന് ഇന്ത്യന് സ്റ്റാറായി അവര് മാറിയിരുന്നു. ഫാമിലി മാനിലൂടെ സാമന്ത അതുപോലെ ബോളിവുഡിലെ അറിയപ്പെടുന്ന താരമായിരുന്നു. അടുത്തിടെ ഷാരൂഖ് ഖാന്റെ ജവാനില് നായികയായതോടെ നയന്താരയുടെ ജനപ്രീതിയും പ്രതിഫലവും ഒരുപോലെ ഉയര്ന്നിരുന്നു.
കൂടുതല് ബോളിവുഡ് ചിത്രങ്ങളിലേക്ക് നയന്താരയെ പരിഗണിച്ച് കൊണ്ടിരിക്കുകയാണ്. എന്നാല് ദക്ഷിണേന്ത്യയില് നിരവധി വമ്പന് നായികമാരുണ്ട്. ഇവരില് ആരാണ് ജനപ്രീതി കൊണ്ട് ഒന്നാം സ്ഥാനത്തുള്ളത്. അത് പറയുക ബുദ്ധിമുട്ടായിരിക്കും അല്ലേ. മീഡിയ കണ്സള്ട്ടിംഗ് സ്ഥാപനമായ ഓര്മാക്സ് മീഡിയ ഇപ്പോള് ഏറ്റവും ജനപ്രീതിയേറിയ നായികമാരുടെ പട്ടിക പുറത്തുവിട്ടിരിക്കുകയാണ്.
സെപ്റ്റംബര് മാസത്തില് ജനപ്രീതിയിലുള്ള തെന്നിന്ത്യന് സിനിമാ നായികമാരില് ഒന്നാം സ്ഥാനത്തുള്ളത് ലേഡി സൂപ്പര് സ്റ്റാര് നയന്താരയാണ്. ജവാന്റെ റെക്കോര്ഡ് വിജയം നയന്താരയ്ക്ക് അനുകൂലമായിരിക്കുകയാണ്. ബോളിവുഡിലെ എക്കാലത്തെയും വലിയ വിജയമായി ജവാന് മാറിയിരിക്കുകയാണ്. ആഗോള തലത്തില് ആയിരം കോടിയിലേറെ നേടിയ ജവാന് പുതിയ ചിത്രങ്ങളേക്കാള് ഇപ്പോഴും കളക്ഷന് നേടുന്നുണ്ട്.
അതുപോലെ ഇന്ത്യയില് നിന്ന് 550 കോടിയിലേറെ ജവാന് കളക്ട് ചെയ്തിട്ടുണ്ട്. ദക്ഷിണേന്ത്യയിലാകെ ഈ ചിത്രം തരംഗമാവുകയും ചെയ്തു. അതായത് നയന്താരയുടെ സാന്നിധ്യം ദക്ഷിണേന്ത്യയില് ചിത്രത്തിന് ഗുണകരമായി മാറി എന്നും പറയാം. സാധാരണ ഷാരൂഖ് ചിത്രത്തിന് ലഭിക്കുന്ന കളക്ഷനും എത്രയോ മുകളിലാണ് ദക്ഷിണേന്ത്യയില് നിന്ന് മാത്രം ജവാന് ലഭിച്ചത്. ജയം രവി നായകനായി എത്തിയ ഇരൈവനും നായികയെന്ന നിലയില് നയന്താരയ്ക്ക് നേട്ടമുണ്ടാക്കി.
അതേസമയം രണ്ടാം സ്ഥാനത്ത് മറ്റാരുമല്ല സാമന്തയാണ്. നടിക്ക് കഴിഞ്ഞ രണ്ട് വര്ഷം മോശം സമയമായിരുന്നു. യശോദ ഹിറ്റായെങ്കിലും, വലിയൊരു വിജയം നേടാനായില്ല. ശാകുന്തളം ബോക്സോഫീസില് വന് പരാജയമായി. ഇതിനിടയില് പുഷ്പയിലെ ഐറ്റം ഡാന്സ് മാത്രമാണ് വന് വിജയമായി മാറിയത്.
എന്നാല് വിജയ് ദേവര്കൊണ്ടയ്ക്കൊപ്പം നായികയായി എത്തിയ ഖുഷി ബംപര് ഹിറ്റായി മാറിയിരിക്കുകയാണ്. നടി വന് തിരിച്ചുവരവാണ് നടത്തിയതെന്നാണ് ഓര്മാകാസ് മീഡിയ പട്ടികയിലൂടെ വ്യക്തമാകുന്നത്. സാമന്ത കരിയറില് ബ്രേക്കെടുത്തിരിക്കുകയാണ്. ചികിത്സയ്ക്കായിട്ടാണ് ഇടവേളയെടുത്തത്. അതുകൊണ്ട് താരമൂല്യത്തില് വരും വര്ഷത്തില് പിന്നോട്ട് പോകാന് സാധ്യതയുണ്ട്.
മൂന്നാം സ്ഥാനത്ത് തൃഷയാണ്. പൊന്നിയിന് സെല്വനില് മികച്ച വേഷത്തില് എത്തിയത് നടിക്ക് ഗുണകരമായിട്ടുണ്ട്. ദ റോഡാണ് തൃഷയുടേതായി പുറത്തെത്തിയ അവസാന ചിത്രം. വിജയ് നായകനാവുന്ന ലിയോയിലും തൃഷയാണ് നായിക. തമന്നയാണ് നാലാം സ്ഥാനത്ത്. അടുത്തിടെ വിജയ ചിത്രമായ ജയിലറിന്റെ ഭാഗമായത് നടിക്ക് നേട്ടമായിട്ടുണ്ട്.
അഞ്ചാം സ്ഥാനത്ത് കീര്ത്തി സുരേഷാണ്. തെലുങ്കിലും തമിഴിലും ഒരുപോലെ പ്രൊജക്ടുകളുമായി നടി സജീവമാണ്. സായ് പല്ലവി, ജ്യോതിക, പ്രിയങ്ക മോഹന്, ശ്രുതി ഹാസന്, അനുഷ്ക ഷെട്ടി എന്നിവരാണ് പത്ത് വരെയുള്ള സ്ഥാനങ്ങളില്.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ
Click it and Unblock the Notifications
Sign in with Google