കണ്ണന് മുന്നിൽ തരിണിക്ക് താലിചാർത്തി കാളിദാസ്; മനംനിറഞ്ഞ് ജയറാമും പാർവതിയും ചക്കിയും, ചിത്രങ്ങൾ വൈറൽ
ജയറാമിന്റെയും പാർവതിയുടെയും മകനും നടനുമായ കാളിദാസ് ജയറാം വിവാഹിതനായി. ഗുരുവായൂരിൽ അമ്പലത്തിൽ വെച്ച് നടന്ന വിവാഹത്തിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. വധു തരിണി കലിംഗരാണ്. ഇരുവരും പ്രണയത്തിലായിരുന്നു. ഞായറാഴ്ച രാവിലെ 7. 15 നും എട്ടിനും ഇടയിലുള്ള മുഹൂർത്തത്തിലായിരുന്നു വിവാഹം. മന്ത്രി മുഹമ്മദ് റിയാസ്, കേന്ദ്ര സഹമന്ത്രി സുരേഷ് ഗോപി തുടങ്ങിയവർ വിവാഹത്തിൽ പങ്കെടുത്തു.
ചുവപ്പിൽ ഗോൾഡൻ ബോർഡറുള്ള മുണ്ടും മേൽമുണ്ടുമായിരുന്നു കാളിദാസിന്റെ വേഷം. പഞ്ചകച്ചം സ്റ്റൈലിലാണ് മുണ്ടുടുത്തത്. പീച്ച് നിറത്തിലുള്ള സാരിയാണ് തരിണി ധരിച്ചത്. കഴിഞ്ഞ വെള്ളിയാഴ്ച ചെന്നൈയിൽ വെച്ച് ഇവരുടെ പ്രീ വെഡിംഗ് ആഘോഷങ്ങൾ നടത്തിയിരുന്നു. അടുത്ത സുഹൃത്തുക്കളും ബന്ധുക്കളുമാണ് പങ്കെടുത്തത്.
നവംബറിലായിരുന്നു കാളിദാസിന്റെയും തരിണിയുടെയും വിവാഹ നിശ്ചയം നടന്നത്. ചെന്നൈയിലായിരുന്നു നിശ്ചയം. 2022 ൽ കാളിദാസിന്റെ വീട്ടിലെ ഓണഘോഷത്തിൽ തരിണി പങ്കെടുത്തതോടൊയണ് ഇരുവരും പ്രണയത്തിലാണെന്ന് കാര്യം വെളിപ്പെടുത്തുന്നത്. നീലഗിരി സ്വദേശിയാണ് തരിണി. 2019 ൽ മിസ് തമിഴ്നാട്, മിസ് സൗത്ത് ഇന്ത്യ ഫസ്റ്റ് റണ്ണർ അപ്പ് ആയിരുന്നു. മാളവിക ജയറാമിന്റെ വിവാഹവും ഗുരുവായൂരിൽ വെച്ചാണ് നടന്നത്. മേയ് മാസത്തിലായിരുന്നു വിവാഹം.
Click it and Unblock the Notifications
Sign in with Google