കങ്കുവയില് സൂര്യ വാങ്ങുന്നത് അമ്പരിപ്പിക്കുന്ന പ്രതിഫലം: താരത്തിന്റെ ആകെ ആസ്തി 300 കോടിയിലേറെ
തെന്നിന്ത്യയിലെ ഏറ്റവും പ്രമുഖരായ താരദമ്പതികളാണ് സൂര്യയും ജ്യോതികയും. വർഷങ്ങള് നീണ്ട പ്രണയത്തിന് ഒടുവില് 2006 സെപ്റ്റംബറിലാണ് ഇരുവരും വിവാഹിതരാകുന്നത്. വിവാഹത്തിന് ശേഷം ജ്യോതിക സിനിമയില് നിന്നും ചെറിയ ഇടവേള എടുത്തിരുന്നെങ്കിലും 2015 ന് ശേഷം അഭിനയ രംഗത്ത് വീണ്ടും സജീവമായി. മലയാളത്തില് മമ്മൂട്ടിയുടെ കൂടെ കാതല് എന്ന ചിത്രത്തില് അഭിനയിച്ച ജ്യോതികയുടേതായി അവസാനമായി പുറത്തിറങ്ങിയ ചിത്രം ഹിന്ദിയിലെ ശൈത്താനാണ്.
കമല്ഹാസന് നായകനായ വിക്രമാണ് സൂര്യ അഭിനയിച്ച് അവസാനമായി പുറത്തിറങ്ങിയ ചിത്രം. വിക്രമില് ഏതാനും മിനുട്ടുകള് മാത്രമാണ് സൂര്യ ഉള്ളതെങ്കിലും റോളക്സ് എന്ന കഥാപാത്രം ഏവരുടേയും മനസ്സില് തങ്ങി നില്ക്കുന്ന അത്ര ഇംമ്പാക്ട് ഉള്ളതായിരുന്നു. പാണ്ഡിരാജ് സംവിധാനം ചെയ്ത എത്രക്കും തുനിന്തവനാണ് സൂര്യ നായകനായ അവസാന ചിത്രം. ജയ് ഭീം എന്ന സൂപ്പർ ഹിറ്റ് ചിത്രത്തിന് ശേഷം പുറത്തിറങ്ങിയ എത്രക്കും തുനിന്തവന് ബോക്സ് ഓഫീസില് ദയനീയ പരാജയമായി.
സിരുത്തൈ ശിവ സംവിധാനം ചെയ്യുന്ന കങ്കുവയാണ് സൂര്യയുടേതായി അടുത്തതായി പുറത്തിറങ്ങാനുള്ള ചിത്രം. പീരിയഡ് ഡ്രാമ വിഭാഗത്തിലുള്ള സിനിമ 38 ഭാഷകളിലാണ് റിലീസ് ചെയ്യുന്നത്.ആയിരം വർഷങ്ങൾക്ക് മുമ്പുള്ള കഥയാണ് സിനിമയുടെ പ്രമേയം എന്നാണ് സൂചന. മൂന്ന് വ്യത്യസ്ത ഗെറ്റപ്പുകളിലായാണ് കങ്കുവുയില് സൂര്യ എത്തുന്നുത്.
ജയ് ഭീം എന്ന ചിത്രത്തിന്റെ വമ്പന് വിജയത്തിന് ശേഷം സൂര്യ തന്റെ പ്രതിഫലം ഉയർത്തിയതായും റിപ്പോർട്ടുകളുണ്ടായിരുന്നു. അടുത്തിടെ മുംബൈയിൽ 70 കോടി രൂപ വിലമതിക്കുന്ന ഒരു ആഡംബര ഫ്ലാറ്റ് സ്വന്തമാക്കിയ സൂര്യ, ഭാര്യയ്ക്കും കുട്ടികൾക്കുമൊപ്പം ഇവിടേക്ക് താമസം മാറുകയും ചെയ്തിരുന്നു. മക്കള് രണ്ടുപേരും മുംബൈയിലാണ് പഠിക്കുന്നത്. അതുകൊണ്ടാണ് ഇരുവരും പുതിയ വീട് എടുത്ത് ഇവിടേക്ക് താമസം മാറിയത്.
ചില റിപ്പോർട്ടുകള് പ്രകാരം സൂര്യയുടെ ആസ്തി ഏകദേശം 350 കോടി രൂപയാണെന്നാണ് കണക്കാക്കുന്നത്. ഇതിൽ നടൻ്റെ ചെന്നൈയിലെയും മുംബൈയിലെയും വസതിയും അദ്ദേഹത്തിൻ്റെ മൂന്ന് വ്യത്യസ്ത ആഡംബര കാറുകളും ഉൾപ്പെടുന്നു. സൂര്യ തൻ്റെ ബാനറിൽ ചില സിനിമകളും നിർമ്മിക്കുന്നതിനാൽ, ജനപ്രിയ തെന്നിന്ത്യൻ നടൻ്റെ ആസ്തി വരും വർഷങ്ങളിൽ ഉയരുമെന്നാണ് പ്രതീക്ഷ.
കങ്കുവ എന്ന ചിത്രത്തിന് വേണ്ടി സൂര്യ 30 കോടി രൂപയാണ് പ്രതിഫലമായി ഈടാക്കുന്നതെന്നും സൂചനയുണ്ട്. കഴിഞ്ഞ 10 വർഷമായി അദ്ദേഹം പ്രതിഫലം വലിയ തോതില് വർദ്ധിപ്പിച്ചിട്ടില്ല. നേരത്തെ 20 മുതൽ 25 കോടി വരെയാണ് സൂര്യ പ്രതിഫലമായി ഈടാക്കിയിരുന്നത്. നടൻ്റെ ആസ്തി 2014-ൽ ഏകദേശം 125 കോടി രൂപയായിരുന്നു. കഴിഞ്ഞ 10 വർഷത്തിനുള്ളിൽ അത് വലിയ തോതില് വർധിക്കുകയം ചെയ്തു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google