'ആ ​ഗാനം വിധു പ്രതാപ് പാടി, പരിഹാരമായി മീശമാധവനിലെ മറ്റൊരു ​ഗാനം വിദ്യാസാ​ഗർ എന്നെ കൊണ്ട് പാടിപ്പിച്ചു'; എംജി

ഒരുപാട് ആരാധകരുള്ള ​ഗായകനാണ് എം ജീ ശ്രീകുമാർ. എത്രയോ ഹിറ്റ് പാട്ടുകൾ അദ്ദേഹം പാടിയിട്ടുണ്ട്. മലയാളത്തിൽ കൂടുതൽ ​ഗാനങ്ങൾ പാടാൻ അവസരം തന്നത് സം​ഗീത സംവിധായകനായ വിദ്യാസാ​ഗറാണെന്നാണ് എം ജി ശ്രീകുമാർ പറയുന്നത്. പല ​ഗായകരും വിദ്യാസാ​ഗറിന്റെ ​ഗാനങ്ങളിലൂടെയാണ് തിളങ്ങിയതെന്നും എം ജി ശ്രീകുമാർ പറഞ്ഞു. വിദ്യാസാ​ഗറിനൊപ്പമുള്ള അനുഭവങ്ങൾ പങ്കുവെയ്ക്കുന്നതിനിടെയാണ് എം ജി ശ്രീകുമാർ ഇക്കാര്യങ്ങൾ പറഞ്ഞത്.

' മലയാളത്തിൽ വിദ്യാസാ​ഗറിന് വേണ്ടി കൂടുതൽ ​ഗാനങ്ങൾ പാടിയിരിക്കുന്നത് സുജാതയാണ്. സുജാതയ്ക്ക് പാട്ടുകൾ പാടുമ്പോൾ‌ കുറച്ച് ഭാവങ്ങൾ ഉണ്ടായിരുന്നു. ഒരുപക്ഷേ അതായിരിക്കാം വിദ്യാസാ​ഗർ സുജാതയിൽ ഇഷ്ടപ്പെട്ടിട്ടുള്ളത്. ഞാൻ കൂടുതലായും ചിത്ര ചേച്ചിയുമായിട്ടാണ് പാടിയിട്ടുള്ളത്. പക്ഷേ വിദ്യാസാ​ഗറിന്റെ പാട്ടുകൾ പാടിയത് സുജാതയയോടാെപ്പമായിരുന്നു. മീശമാധവൻ സിനിമയിൽ പാടാൻ എന്നെ റെക്കോർ‌‍ഡിം​ഗിനായി വിദ്യാസാ​ഗർ എന്നെ വിളിച്ചു. അതിന്റെ തലേദിവസം എനിക്ക് ചങ്ങനാശ്ശേരിയിലെ അമ്പലത്തിൽ പരിപാടി ഉണ്ടായിരുന്നു.

രാത്രി 12 മണി വരെ പരിപാടി ഉണ്ടായിരുന്നു. പിറ്റേന്ന് പത്ത് മണിയായപ്പോൾ ഞാൻ‌ റെക്കോർഡിം​ഗിനായി സ്റ്റുഡിയോയിലെത്തി. അപ്പോഴേയ്ക്കു ശബ്ദത്തിൽ ചില മാറ്റങ്ങൾ‌ വന്നിരുന്നു. എനിക്ക് ആ ​ഗാനം ശരിയായി പാടൻ കഴിഞ്ഞില്ല. ഞാൻ റെക്കോർഡിം​ഗ് അടുത്ത ദിവസത്തേക്ക് മാറ്റി വെയ്ക്കുമോയെന്ന് വിദ്യാസാ​ഗറിനോട് ചോദിച്ചു. പറ്റില്ലെന്ന് അദ്ദേഹം പറഞ്ഞു. ഞങ്ങൾക്കിടയിൽ തെറ്റദ്ധാരണ ഉണ്ടായി, എം ജി പറയുന്നു.

അതിന് ശേഷം വിദ്യാസാ​ഗർ ആ ​ഗാനം വിധു പ്രതാപിനെ കൊണ്ട് പാടിപ്പിച്ചുവെന്നും അതിന് പരിഹാരമായി മീശമാധവനിലെ മറ്റൊരു ​ഗാനം വിദ്യാസാ​ഗർ തന്നെ കൊണ്ട് പാടിപ്പിച്ചുവെന്നും എം ജി ശ്രീകുമാർ പറഞ്ഞു. അദ്ദേഹത്തിന്റെ ഒരുപാട് ​ഗാനങ്ങൾ ഞാൻ പാടിയിട്ടുണ്ട്. വിദ്യാസാ​ഗറിന്റെ ​ഗാനങ്ങൾ പാടാൻ എനിക്ക് ഇപ്പോഴും ഭയങ്കര ഊർജ്ജമാണ്, എം ജി പറഞ്ഞു.

വിദ്യാസാ​ഗറിന്റെ ​ഗാനങ്ങൾ ന്യൂജനറേഷൻ സിനിമകളിൽ വന്നാലും നല്ല സ്വീകാര്യതയാണ് ലഭിക്കുന്നതെന്നും മോഹൻലാൽ നായകനായ ദേവദൂതൻ എന്ന സിനിമയിൽ നല്ലൊരു ​ഗാനം ഉണ്ടായിരുന്നു. എന്നെയാണ് പാടാനായി തീരുമാനിച്ചത്. പക്ഷേ വിദ്യാസാ​ഗർ ഞാൻ ആ പാട്ട് പാടേണ്ടെന്ന് തീരുമാനിച്ചു. പക്ഷേ സംവിധാനയകനായ സിബി മലയിൽ ഞാൻ പാടിയാൽ മതി എന്ന് വാശിപിടിച്ചു. ഒടുവിൽ പാടി. പക്ഷേ ആ ​ഗാനം സിനിമയിൽ ഉൾപ്പെടുത്തിയിട്ടില്ലെന്നും എം ജി പറഞ്ഞു.