ഈ ആഴ്ചത്തെ വോട്ടിന് അർഹന്‍ നെവീനാണ്; സാബുമാന് ഇതുവരെ വോട്ട് നല്‍കിയില്ല: എന്തുകൊണ്ട്

കൊച്ചി: ബിഗ് ബോസ് മലയാളം സീസൺ 7 അവസാനഘട്ടത്തിലേക്ക് കടക്കവെ ശക്തമായ മത്സരമാണ് മത്സരാർത്ഥികള്‍ക്ക് ഇടയില്‍ നടക്കുന്നത്. അകത്ത് മത്സരാർത്ഥികള്‍ തമ്മിലുള്ളതിനേക്കാള്‍ വലിയ പോരാണ് പുറത്ത് ഓരോ വിഭാഗം ആരാധകർക്കിടയിലും നടക്കുന്നത്. അത്തരത്തില്‍ ഒരു പ്രേക്ഷന്‍ അഭിപ്രായപ്പെടുന്ന് ഈ ആഴ്ചയില്‍ ഏറ്റവും മികച്ച പ്രകടനം കാഴ്ചവെച്ചത് നെവീന്‍ ആണെന്നാണ്.

ഈ ആഴ്ച, എന്റെ വോട്ട് നെവിന് തന്നെയാണെന്നും ആ പ്രേക്ഷകന്‍ കൂട്ടിച്ചേർക്കുന്നു. കാരണം നെവീന്‍ ഈ സീസണിലെ ഒരു യഥാർത്ഥ ഓൾറൗണ്ടറാണ്. മറ്റുള്ളവരുടെ പ്രകടന ഗ്രാഫുകൾ ഉയർന്നും താഴ്ന്നും സഞ്ചരിച്ചപ്പോൾ, നെവിൻ സ്ഥിരമായ മികവോടെ മുന്നേറി, ഷോയുടെ ഒരു പ്രധാന കണ്ടന്റ് മേക്കറായി. ഫൈനൽ വീക്കിലേക്കുള്ള മാർച്ചിന് അവൻ തീർച്ചയായും അർഹനാണ്.

ഈ സീസണിൽ, നെവിന്റെ പ്രകടനം സന്തുലിതമായ രീതിയിലാണ് മുന്നോട്ട് പോയത്. ടാസ്കുകളിലെ മികവ്, സൗഹൃദപരമായ ഇടപെടലുകൾ, തമാശകൾ, ചിരിപ്പിക്കുന്ന നിമിഷങ്ങൾ എന്നിവയിലൂടെ താരം പ്രേക്ഷകരുടെ മനസ്സിൽ ഇടംനേടി. ടാസ്കുകളോടുള്ള ബുദ്ധിപരമായ സമീപനവും, പ്രതിസന്ധി ഘട്ടങ്ങളിൽ പോലും ശാന്തത പുലർത്താനുള്ള കഴിവും അവനെ വ്യത്യസ്തനാക്കുന്നു. നെവിന്റെ തമാശകൾ ചിലപ്പോൾ "ചീറ്റിപോയെങ്കിലും," അതെല്ലാം ശ്രദ്ധിക്കപ്പെടുന്നുണ്ടായിരുന്നു. ഇതിനോടകം, ഈ സീസണിൽ ഏറ്റവും കൂടുതൽ വോട്ടുകൾ നേടിയ മത്സരാർത്ഥികളിൽ ഒരാളാണ് നെവിൻ, ഇത് അവന്റെ ജനപ്രീതിയും വ്യക്തമാക്കുന്നു.

നിലവിൽ ബാക്കിയുള്ള 9 മത്സരാർത്ഥികളിൽ, 8 പേർക്കും വിവിധ ഘട്ടങ്ങളിൽ ഞാൻ വോട്ട് ചെയ്തിട്ടുണ്ട്. ജിസൈൽ, അനുമോൾ, ബിന്നി, അനീഷ്, ആദിൽ, ആര്യൻ എന്നിവർക്ക് വിവിധ ആഴ്ചകളിൽ എന്റെ വോട്ട് കൊടുത്ത്. നൂറയുടെ പ്രൊവോക്കിംഗ് ഗെയിമാണ് ഒരു ഘട്ടത്തിൽ എന്റെ വോട്ട് അവൾക്ക് നേടിക്കൊടുത്തത്. വൈൽഡ് കാർഡ് എൻട്രികളിൽ, മസ്താനിയും ജിഷിനും ഒരു ഇംപാക്ട് സൃഷ്ടിക്കുമെന്ന് പ്രതീക്ഷിച്ചിരുന്നു. എന്നാൽ, മസ്താനിയുടെ നെഗറ്റീവ് ഗെയിം എന്റെ പ്രതീക്ഷകൾ തകർത്തു. ജിഷിൻ മികച്ച പ്രകടനം കാഴ്ചവച്ചെങ്കിലും, പ്രവീൺ ആണ് വൈൽഡ് കാർഡുകളിൽ ഏറ്റവും വ്യത്യസ്തനായി തോന്നിയത്. എന്നിരുന്നാലും, ഷോയുടെ മൊത്തം ഔട്ട്പുട്ട് എടുക്കുമ്പോൾ, നെവിൻ "ഷോ സ്റ്റീലർ" ആയി മാറി.

ഈ സീസണിൽ ഞാൻ വോട്ട് ചെയ്യാത്ത ഒരേയൊരു മത്സരാർത്ഥി സാബുമാനാണ്. എന്തോ, അവന്റെ ഗെയിം ഇതുവരെ ഒരു ശക്തമായ പ്ലേയർ എന്ന നിലയിൽ എനിക്ക് തോന്നിയിട്ടില്ല. അവന്റെ പ്രകടനം ഷോയിൽ ഒരു പ്രത്യേക മുദ്ര പതിപ്പിക്കാൻ പര്യാപ്തമല്ലെന്നും അദ്ദേഹം അഭിപ്രായപ്പെടുന്നു.

ചുരുക്കത്തില്‍ നെവിന്റെ സ്ഥിരത, ടാസ്കുകളിലെ മികവ്, പ്രേക്ഷകരെ ചിരിപ്പിക്കാനുള്ള കഴിവ്, ഷോയിലെ സൗഹൃദപരമായ ഇടപെടലുകൾ എന്നിവ അവനെ ഈ സീസണിന്റെ ഏറ്റവും പ്രിയപ്പെട്ട മത്സരാർത്ഥികളിൽ ഒരാളാക്കി. ഫൈനൽ ബർത്തിന് അവൻ തീർച്ചയായും അർഹനാണ്. ഈ ആഴ്ച, എന്റെ വോട്ട് നെവിന് തന്നെയാണ്, കാരണം അവന്റെ മൊത്തം പ്രകടനം ഈ സീസണിന്റെ ടോട്ടൽ ഔട്ട്പുട്ടിൽ ഒരു ഫൈനലിസ്റ്റിന്റെ മുദ്രയുണ്ട്.