സുപ്രിയ ഗർഭിണിയായിരുന്നപ്പോഴുള്ള ഏറ്റവും വലിയ ആഗ്രഹം എന്ത്? ആദ്യമായി വെളിപ്പെടുത്തി പൃഥ്വിരാജ്
പൃഥ്വിരാജ് സുകുമാരൻ, ബേസിൽ ജോസഫ്, അനശ്വര രാജന്, നിഖില വിമല് എന്നിവരെ പ്രധാന കഥാപാത്രങ്ങളാക്കി വിപിൻദാസ് സംവിധാനം ചെയ്യുന്ന ചിത്രമാണ് 'ഗുരുവായൂരമ്പലനടയിൽ'. ജയ ജയ ജയ ജയ ഹേ എന്ന സൂപ്പർ ഹിറ്റ് ചിത്രത്തിന് ശേഷം വിപിന്ദാസ് ഒരുക്കുന്ന ചിത്രം കോമഡിക്ക് പ്രാധാന്യം നല്കുന്ന കുടുംബ ചിത്രമാണ്. പ്രമോഷന്റെ ഭാഗമായി നല്കിയ അഭിമുഖങ്ങളില് സിനിമയെക്കുറിച്ചും കുടുംബത്തിന്റെ പ്രാധാന്യത്തെക്കുറിച്ചുമെല്ലാം പൃഥ്വിരാജ് തുറന്ന് സംസാരിക്കുന്നുണ്ട്.
കല്യാണം കഴിയുന്നതോടെ ആളുകളില് വളരെ വലിയ മാറ്റം സംഭവിക്കുന്നില്ലെന്നാണ് പൃഥ്വിരാജ് പറയുന്നത്. കല്യാണം കഴിഞ്ഞപ്പോള് എനിക്ക് വലിയ മാറ്റം സംഭവിച്ചിരുന്നില്ല. ഒരു അച്ഛനായതിന് ശേഷമാണ് എനിക്ക് വലിയ മാറ്റം സംഭവിച്ചത്. അതായത് പ്രണയിക്കുന്ന രണ്ടുപേർ വിവാഹിതരായാല് നാളെ രാവിലെ പെട്ടെന്ന് ജീവിതം മാറാന് പോകുന്നില്ലെന്നും താരം പറയുന്നില്ല.
ഐ ലവ് യൂ മൈ ഡാർലിങ് എന്നൊക്കെ നിങ്ങള് എത്ര തവണ പരസ്പരം പറഞ്ഞാലും നിങ്ങള് നിങ്ങളേക്കാള് കൂടുതലായി ഈ ലോകത്ത് ഒരാളെ സ്നേഹിക്കുക ഒരു മകനോ മകളോ ഉണ്ടാകുമ്പോഴാണ്. എന്റെ മകളെ സുപ്രിയ പ്രസവിച്ചിട്ട് അവളെ കയ്യില് എടുക്കുമ്പോഴാണ് ഒരാളെ എനിക്ക് ഇങ്ങനെ സ്നേഹിക്കാന് കഴിയുമെന്ന് ഞാന് തന്നെ തിരിച്ചറിയുന്നത്. ആ സമയത്താണ് നിങ്ങള്ക്ക് ശരിക്കുമുള്ള മാറ്റം സംഭവിക്കുക.
സുപ്രിയ ഗർഭിണി ആയപ്പോള് ഞാന് ഏറ്റവും കൂടുതല് ആഗ്രഹിച്ചത് പെണ്കുട്ടിയായിരിക്കണേ എന്നായിരുന്നു. എന്റെ കുടുംബത്തില് ഞാനും ചേട്ടനും മാത്രമാണല്ലോ ഉള്ളത്. കസിന്സായി പെണ്കുട്ടികളുണ്ട്. അവരെല്ലാവരും എന്റെ മൂത്തവരാണ്. എന്റെ ജനറേഷനില് കുടുംബത്തിലെ ഏറ്റവും ഇളയത് ഞാനാണ്. അതുകൊണ്ട് തന്നെ ഒരു പെങ്ങള് ഉണ്ടായിരുന്നെങ്കില് എന്ന് ഞാന് ആലോചിക്കാറുണ്ട്.
ഞാന് ചെയ്തിട്ടുള്ള കഥാപാത്രങ്ങളിലൂടെയാണ് പെങ്ങള് ബന്ധം അറിയുന്നത്. പെങ്ങളെക്കുറിച്ച് കൂടുതല് പറയുന്നതായി ഞാന് ചെയ്ത ചിത്രം കൂടെയാണ്. അതുകൊണ്ടാണ് ഇന്ന് അച്ചു ഒരു പെങ്ങളേപ്പോലെ ആയത്. ഈ സിനിമയില് അനശ്വരയാണ് എന്റെ പെങ്ങള്. സത്യത്തില് ഒരു ചേട്ടന്റേയും അനിയത്തിയുടേയും കഥയല്ല ഈ സിനിമ. ഒരു അളിയനും അളിയനും തമ്മിലുള്ള കഥയാണ് ഈ സിനിമയെന്നും പൃഥ്വിരാജ് കൂട്ടിച്ചേർക്കുന്നു.
അതേസമയം, പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോൻ, ഇഫോർ എന്റർടെയ്ൻമെന്റിന്റെ ബാനറിൽ മുകേഷ് ആർ മേത്ത , സിവി സാരഥി എന്നിവർ ചേർന്നാണ് ചിത്രം നിർമ്മിക്കുന്നത്. കുഞ്ഞിരാമായണം എന്ന ചിത്രം എഴുതിയ ദീപു പ്രദീപാണ് രചന രചന. ജഗദീഷ്, രേഖ, ഇർഷാദ്, സിജു സണ്ണി, സഫ്വാൻ, കുഞ്ഞികൃഷ്ണൻ മാസ്റ്റർ, മനോജ് കെയു തുടങ്ങിയവർക്ക് പുറമെ തമിഴ് നടൻ യോഗി ബാബു ചിത്രത്തിലൊരു പ്രധാന വേഷം ചെയ്യുന്നുണ്ട്. നീരജ് രവിയാണ് ഗുരുവായർ അമ്പലനടയുടെ ഛായാഗ്രഹണം നിർവ്വഹിക്കുന്നത്.
Click it and Unblock the Notifications
Sign in with Google