ഇനിയും ഒരുപാടോർമകൾ നമുക്ക് സൃഷ്ടിക്കണം: രമ്യ നമ്പീശനെ ചേർത്തുപിടിച്ച് രാഹുല്‍, മറുപടിയുമായി നടിയും

നടി രമ്യ നമ്പീശന്റെ സഹോദരനും സംഗീത സംവിധായകനുമായ രാഹുല്‍ സുബ്രഹ്മണ്യന്‍ അടുത്തിടെയാണ് വിവാഹിതനായത്. ഡെബി സൂസൻ ചെമ്പകശേരിയാണ് വധു. വിവാഹ ശേഷം സുഹൃത്തുക്കള്‍ക്കായി കൊച്ചിയില്‍ സല്‍ക്കാരവും ഒരുക്കിയിരുന്നു. ജയസൂര്യ, ജോമോൾ, ഭാവന, ശിൽപ ബാല, മൃദുല മുരളി, ഷഫ്ന, വിനീത്, അഭയ ഹിരൺമയി, ഇന്ദ്രൻസ് തുടങ്ങിയ നിരവധി താരങ്ങള്‍ സല്‍ക്കാരത്തില്‍ പങ്കെടുക്കുകയും ചെയ്തിരുന്നു.

2013ൽ പുറത്തിറങ്ങിയ 'മങ്കിപെൻ' എന്ന ചിത്രത്തിനു സംഗീതമൊരുക്കിയാണ് രാഹുൽ സിനിമാ സംഗീത മേഖലയിലേക്ക് ചുവടുവെക്കുന്നത്. പിന്നീട് മേപ്പടിയാന്‍, ഹോം തുടങ്ങിയ ഹിറ്റ് ചിത്രങ്ങള്‍ക്ക് അടക്കം രാഹുല്‍ സംഗീതം ഒരുക്കിയിട്ടുണ്ട്. അതേസമയം വിവാഹ ദിനത്തില്‍ സഹോദരി രമ്യക്കൊപ്പം എടുത് ഫോട്ടോ പങ്കുവെച്ചുകൊണ്ട് രാഹുല്‍ പങ്കുവെച്ച ഒരു കുറിപ്പാണ് ഇപ്പോള്‍ ശ്രദ്ധേയമായി പോകുന്നത്.

ഇതിലും മികച്ചൊരു സഹോദരിയെ എനിക്ക് വേറെ കിട്ടാനില്ല. നമുക്ക് ഇരുവർക്കും ഒരുപാട് ഓർമകൾ സൃഷ്ടിച്ചെടുക്കാനുണ്ടെന്നും രാഹുൽ സുബ്രഹ്മണ്യൻ കുറിച്ചു. അതേസമയം, സഹോദരന്റെ കുറിപ്പിന് തഴെ കമന്റുമായി രമ്യ നമ്പീശനും രംഗത്ത് വന്നിട്ടുണ്ട്. 'കരയിപ്പിക്കല്ലേ കുഞ്ഞേ' എന്നാണ് കുറിപ്പിനു താഴെ രമ്യ നമ്പീശൻ രേഖപ്പെടുത്തിയ കമന്റ്. രാഹുലിന്റെ കുറിപ്പിന്റെ പൂർണ്ണ രൂപം ഇങ്ങനെ..

എൻ്റെ പ്രിയ സഹോദരി, എൻ്റെ കരുത്ത്, എൻ്റെ ഹൃദയത്തിന്റെ സൂക്ഷിപ്പുകാരി.. എൻ്റെ നന്ദിയും സ്നേഹവും പ്രകടിപ്പിക്കാൻ ഞാൻ എവിടെ തുടങ്ങണമെന്ന് പോലും അറിയില്ല? നിങ്ങളുടെ അചഞ്ചലമായ പിന്തുണയും സ്നേഹവും എൻ്റെ ജീവിതത്തിൽ സ്ഥിരമായ ശക്തിയാണ്. എന്റെ എല്ലാ ഉയർച്ച താഴ്ചകളിലും നിങ്ങൾ എൻ്റെ വഴികാട്ടിയാണ്. എപ്പോഴും കൂടെയുള്ളതിനാൽ ഞാൻ എന്നും നന്ദിയുള്ളവനാണ്.

എൻ്റെ ജീവിതത്തിലെ ഈ പുതിയ അധ്യായത്തിനായി ഞാൻ തയ്യാറെടുക്കുമ്പോൾ, എൻ്റെ വിവാഹം, എനിക്ക് സന്തോഷവും പരിഭ്രാന്തിയുമുണ്ട്. എന്നാൽ വിവാഹ ഒരുക്കത്തിന്റെ ഓരോ ഘട്ടത്തിലും എന്നെ പിന്തുണയ്ക്കാൻ ചേച്ചി ഉണ്ടായിരുന്നു എന്നത് വലിയ ആശ്വാസമായിരുന്നു. ചേച്ചിയുടെ പ്രോത്സാഹനവും ഉപദേശവും സ്നേഹവുമാണ് എന്റെ ഈ ലോകത്തെ അർത്ഥമാക്കുന്നു.

എല്ലാ കുരുത്തക്കേടുകള്‍ക്കും എൻ്റെ പങ്കാളിയായതിന് എൻ്റെ ഉറ്റ സുഹൃത്തിനും നന്ദി. ഇതിലും മികച്ച ഒരു സഹോദരിയെ എനിക്കിനി കിട്ടാനില്ല. ഇനിയും നമുക്കൊരുമിച്ച് ഒരുപാടോർമകൾ സൃഷ്ടിക്കണം. ഒരുപാട് ചിരി നിമിഷങ്ങൾ പങ്കിടണം, ഒരുപാട് സാഹസികതകൾ ചെയ്യണം. ചേച്ചിയെ ഞാൻ ഒരുപാട് സ്നേഹിക്കുന്നു. അത് അത് വാക്കുകൾ കൊണ്ടു വിവരിക്കാനാവില്ല. എന്റെ എല്ലാമെല്ലാം ആയതിനു നന്ദി.