കമൽഹാസൻ കാൽ തൊട്ട് വണങ്ങുന്ന ചിത്രവുമായി ഹരീഷ് പേരടി; 'കാലിൽ തൊടണോ മുഷ്ടി ചുരുട്ടണോ, ഇതൊക്കെ വ്യക്തിപരം'

Updated: Monday, August 21, 2023, 11:01 [IST]

കൊച്ചി: ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ കാൽതൊട്ടുവണങ്ങുന്ന തമിഴ് സൂപ്പർ സ്റ്റാർ രജനികാന്തിന്റെ വീഡിയോ കഴിഞ്ഞ ദിവസം സോഷ്യൽ മീഡിയയിൽ വലിയ ചർച്ചയായിരുന്നു. ജയിലര്‍ സിനിമയുടെ പ്രത്യേക പ്രദര്‍ശനം ലഖ്നൗവില്‍ നടന്നതിന് പിന്നാലെ യോഗിയുടെ ഔദ്യോഗിക വസതിയിൽ എത്തിയപ്പോഴായിരുന്നു ഇത്. എന്ത് അടിസ്ഥാനത്തിലാണ് തന്നെക്കാൾ പ്രായം കുറവായ യോഗി ആദിത്യനാഥിന്‍റെ കാല്‍ തൊട്ട് രജനി വന്ദിച്ചതെന്നായിരുന്നു ചിലരുടെ ചോദ്യം. തമിഴ് ജനതയുടെ ആത്മാഭിമാനത്തെ പണയം വെയ്ക്കുന്നതിന് തുല്യമായിപ്പോയി നടപടിയെന്നും ചിലർ വിമർശിച്ചു.

ഇതിനിടയിൽ നടൻ കമൽഹാസന്റെ നിലപാടും സോഷ്യൽ മീഡിയയിൽ ചർച്ചയായി. 'ദൈവത്തെ മുൻപിൽ കൊണ്ട് നിർത്തിയാലും കുമ്പിടമാട്ടേൻ' എന്ന് പറയുന്ന കമലഹാസന്റെ വാക്കുകളാണ് ചിലർ പങ്കുവെച്ചത്. 'നാളെ ഏതെങ്കിലും മന്ത്രശക്തിയുള്ള സ്വാമിയാര്‍ ഒരു ദൈവത്തെ കണ്‍മുന്നില്‍ കൊണ്ടുവന്ന് നിര്‍ത്തിയാല്‍, കൈകൊടുത്ത് വരവേല്‍ക്കും പക്ഷെ അവരുടെ മുന്‍പില്‍ കുമ്പിടില്ല' എന്നാണ് മുൻപ് കമൽഹാസൻ പറഞ്ഞത്.

അതേസമയം ഇത്തരം ചർച്ചകൾക്കിടെ ഇപ്പോഴിതാ കമൽഹാസൻ മറ്റൊരാളുടെ കാലിൽ തൊട്ട് വന്ദിക്കുന്ന ചിത്രം പങ്കുവെച്ച് പ്രതികരിക്കുകയാണ് നടൻ ഹരീഷ് പേരടി. 'കൈ കുലക്കണമോ,കാലിൽ തൊടണമോ,സല്യൂട്ട് അടിക്കണമോ,മുഷ്ടി ചരുട്ടി കുലക്കണമോ. ഇതൊക്കെ വ്യക്തിപരമായ തിരഞ്ഞെടുപ്പുകളാണ്', എന്ന് ഹരീഷ് പേരടി ഫേസ്ബുക്കിൽ കുറിച്ചു. താൻ കാൽ തൊട്ട് വന്ദിച്ചവരിൽ സാധാരണ മനുഷ്യരും തന്നെക്കാൾ പ്രായം കുറഞ്ഞവരും കുട്ടികളുമുണ്ടെന്നും പോസ്റ്റിൽ പേരടി പറഞ്ഞു.

പോസ്റ്റിന്റെ പൂർണരൂപം വായിക്കാം-'മനുഷ്യശരീരത്തിലെ തുല്യ പ്രാധന്യമുള്ള രണ്ട് അവയവങ്ങളാണ് കൈയ്യും കാലും. ചെറിയ കുട്ടികൾ പിച്ചവെച്ച് നടക്കാൻ തുടങ്ങിയതിനുശേഷം എത്രയോ കാലം കഴിഞ്ഞാണ്. ഒരു കൈ കൊണ്ട് ഭക്ഷണം കഴിക്കാൻ തുടങ്ങുന്നതും മറു കൈ കൊണ്ട് വിസർജ്ജ്യം കഴുകി കളയുന്നതും. വ്യക്തിത്വം രൂപപെടുന്നതിൽ കാലുകൾക്ക് കൈകളെക്കാൾ കുറച്ച് മൂപ്പ് കൂടുതലാണ്.

ഭൂമിയിൽ ചവുട്ടി നിന്നതിനുശേഷമാണല്ലോ മറ്റൊരാളുടെ കൈ ഒക്കെ പിടിച്ചു കുലുക്കുന്നത്. എന്തായാലും കൈ കുലക്കണമോ,കാലിൽ തൊടണമോ,സല്യൂട്ട് അടിക്കണമോ,മുഷ്ടി ചരുട്ടി കുലക്കണമോ. ഇതൊക്കെ വ്യക്തിപരമായ തിരഞ്ഞെടുപ്പുകളാണ്.

ഞാൻ കാല് തൊട്ട് അനുഗ്രഹം വാങ്ങിയ കുറച്ച് പേർ കെടി സാർ, കുളൂർ മാഷ്, മധു മാസ്റ്റർ, മമ്മുക്ക, ലാലേട്ടൻ, തിലകൻ ചേട്ടൻ, നെടുമുടി വേണുചേട്ടൻ, മാമുക്കോയസാർ, ഭരത് ഗോപിസാർ അങ്ങിനെ കുറെ പേരുണ്ട്. ഇതിൽ അറിയപ്പെടാത്ത ജൂനിയർ ആർട്ടിസ്റ്റുകളും സാധാരണ മനുഷ്യരും എന്നെക്കാൾ പ്രായം കുറഞ്ഞവരും കുട്ടികളുമുണ്ട്.

ജീവിതത്തിന്റെ പ്രതിസന്ധികളിൽ കട്ടക്ക് കൂടെ നിന്ന എന്റെ ഭാര്യ ബിന്ദുവിന്റെ കാലിൽ തൊട്ട് അവളുടെ സമ്മതമില്ലാതെ ഞാൻ അനുഗ്രഹം വാങ്ങിയിട്ടുണ്ട്. ഇത് സത്യമാണ്. കാല് മനുഷ്യശരീരത്തിലെ ഒരു ദളിത് അവയവമല്ല. കാലുകളോടൊപ്പം