രണ്ബീറിന്റെ ഗര്ജനം, ബോളിവുഡില് അമ്മാനമാടി ആനിമല്; രണ്ടാം ദിനത്തില് കളക്ഷന് ഇത്ര
ബോളിവുഡിലെ റെക്കോര്ഡുകളെല്ലാം തകര്ത്ത് രണ്ബീര് കപൂറിന്റെ ആനിമല്. ചിത്രം സ്ത്രീവിരുദ്ധതയുടെ പേരില് വിമര്ശിക്കപ്പെടുമ്പോഴും കളക്ഷന് റെക്കോര്ഡിടുകയാണ്. രണ്ടാം ദിനത്തില് 56 കോടിയാണ് ഹിന്ദിയില് നിന്ന് മാത്രമായി ചിത്രം കളക്ട് ചെയ്തിരിക്കുന്നത്. രണ്ട് ദിവസം കൊണ്ട് ഹിന്ദിയില് നിന്ന് മാത്രമായി 108.50 കോടിയാണ് ചിത്രം കളക്ട് ചെയ്തിരിക്കുന്നതെന്ന് ബോക്സോഫീസ് ഇന്ത്യ റിപ്പോര്ട്ട് ചെയ്തു.
മള്ട്ടിപ്ലെക്സിലും, സിംഗിള് സ്ക്രീനുകളിലും ഒരുപോലെ ചിത്രത്തിന് കൂടുതല് കളക്ഷന് ലഭിച്ചിരിക്കുകയാണ്. മൂന്നാം ദിനമായ ഞായറാഴ്ച്ച ചിത്രം കൂടുതല് റെക്കോര്ഡുകള് സ്വന്തമാക്കും. രാജസ്ഥാന്, സെന്ട്രല് ഇന്ത്യ, മഹാരാഷ്ട്ര, ഗുജറാത്ത് എന്നിങ്ങനെയുള്ള മാസ് മാര്ക്കറ്റുകളിലും രണ്ബീര് ചിത്രം തരംഗം സൃഷ്ടിച്ചിരിക്കുകയാണ്.
അതേസമയം തെലുങ്ക് ഡബ്ബിംഗും ഗംഭീര കളക്ഷനാണ് നേടുന്നത്. ആദ്യ ദിനം തെലുങ്ക് വേര്ഷനില് നിന്ന് മാത്രമായി 9.25 കോടിയാണ് ചിത്രം കളക്ട് ചെയ്തത്. രണ്ടാം ദിനം 6.50 കോടിയും ആനിമല് കളക്ട് ചെയ്തു. മൊത്തം 15.75 കോടിയാണ് ചിത്രം കളക്ട് ചെയ്തിരിക്കുന്നത്. എല്ലാ ഭാഷകളില് നിന്നുമായി 17.25 കോടിയാണ് ഡബ്ബ് വേര്ഷനുകളില് നിന്നായി ലഭിച്ചത്. എല്ലാ ഫോര്മാറ്റിലുമായി ആദ്യ ദിനം 62.50 കോടിയാണ് കളക്ഷന്.
രണ്ടാം ദിനം 63.25 കോടിയും ലഭിച്ചു. മൊത്തം രണ്ട് ദിനം കൊണ്ട് എല്ലാ ഭാഷകളിലുമായി 125.75 കോടിയാണ് ചിത്രം കളക്ട് ചെയ്തത്. പഠാനും, ജവാനും പിന്നിലാണ് കളക്ഷന്. പക്ഷേ ഇത് രണ്ടും ഷാരൂഖ് ഖാന് ചിത്രങ്ങളാണ്. ഇനി വാരാന്ത്യത്തില് ഈ രണ്ട് ചിത്രങ്ങളെയും ഇന്ത്യയില് മറികടക്കാന് സാധ്യതയുണ്ട്. 170 കോടിക്ക് മുകളില് വീക്കെന്ഡില് ചിത്രം കളക്ട് ചെയ്യുമെന്നും ബോക്സോഫീസ് ഇന്ത്യ റിപ്പോര്ട്ട് ചെയ്തു.
അതേസമയം രണ്ബീര് ചിത്രം അതിവേഗം നൂറു കോടി നേടുന്ന രണ്ടാമത്തെ ചിത്രമെന്നാണ് സാക്നില്ക്ക് റിപ്പോര്ട്ട് ചെയ്യുന്നത്. ഒന്നാം സ്ഥാനത്ത് ഷാരൂഖ് ഖാന്റെ തന്നെ പഠാനാണ് ഉള്ളത്. കഴിഞ്ഞ മാസം ദീപാവലിക്ക് റിലീസ് ചെയ്ത ടൈഗര് ത്രീയുടെ കളക്ഷന് ചിത്രം അഞ്ച് ദിവസം കൊണ്ട് മറികടക്കുമെന്നാണ് സൂചന. തിങ്കളാഴ്ച്ച മികച്ച രീതിയില് തന്നെ ചിത്രം കളക്ട് ചെയ്യുമെന്നും ബോക്സോഫീസ് ഇന്ത്യ പറയുന്നു.
അതിവേഗം നൂറ് കോടി നേടിയ ചിത്രങ്ങളില് സല്മാന് ഖാന്റെ ടൈഗര് ത്രീ, യഷിന്റെ കെജിഎഫ് ചാപ്റ്റര് 2 എന്നിവയാണ് ആദ്യ അഞ്ചില് ഉള്ളത്. അതേസമയം രണ്ബീര് ചിത്രം ഹോളിഡേ റിലീസ് അല്ല എന്നതും കളക്ഷന്റെ നേട്ടം വര്ധിപ്പിക്കുന്നു. ടൈഗര് ത്രീ രണ്ട് ദിവസം കൊണ്ട് 101 കോടിയാണ് കളക്ട് ചെയ്തത്. യഷിന്റെ കെജിഎഫ് രണ്ടാം ഭാഗം രണ്ട് ദിവസം 100.74 കോടിയും കളക്ട് ചെയ്തിരുന്നു.
ടൈഗറും, കെജിഎഫും ഫ്രാഞ്ചൈസി ചിത്രങ്ങളാണ്. എന്നാല് ആനിമല് ഇതൊന്നുമില്ലാതെയാണ് ബംപര് കളക്ഷന് സ്വന്തമാക്കിയിരിക്കുന്നത്. രണ്ബീര് കപൂറിന്റെ കരിയറിലെ ഏറ്റവും വലിയ വിജയമായി ചിത്രം മാറുമെന്നാണ് സൂചന. സഞ്ജുവാണ് രണ്ബീറിന്റെ കരിയറിലെ ഏറ്റവും വലിയ വിജയം. വേള്ഡ് വൈഡ് 500 കോടിയിലേറെ ചിത്രം നേടിയിരുന്നു. രണ്ടാം സ്ഥാനത്ത് ബ്രഹ്മാസ്ത്രയാണ്. ചിത്രം 400 കോടിയിലേറെ ആഗോള തലത്തില് കളക്ട് ചെയ്തിരുന്നു. ആനിമല് 700 കോടി മുതല് 1000 കോടി വരെ നേടാമെന്നാണ് ആരാധകര് പ്രവചിക്കുന്നത്.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google