ഒരു സിനിമക്ക് വിക്രമിന് ലഭിക്കുന്ന വരുമാനം എത്രയെന്നറിയാമോ? താരത്തിന്റെ ആസ്തി കേട്ടാല് കണ്ണുതള്ളും
വൈവിധ്യമാര്ന്ന വേഷങ്ങളാല് തമിഴ് സിനിമാ ലോകത്ത് താരപദവി ഉറപ്പിച്ച നടനാണ് വിക്രം. തമിഴ് കൂടാതെ മലയാളം, തെലുങ്ക്, ഹിന്ദി സിനിമകളില് വിക്രം അഭിനയിച്ചിട്ടുണ്ട്. മൂന്ന് പതിറ്റാണ്ടിലേറെ നീളുന്ന അഭിനയജീവിതത്തില് ദേശീയ അവാര്ഡും ഫിലിംഫെയര് അവാര്ഡുകളും ഉള്പ്പെടെ നിരവധി അംഗീകാരങ്ങള് വിക്രമിനെ തേടിയെത്തിയിട്ടുണ്ട്. കരിയറിന്റെ തുടക്കത്തില് നിരവധി വെല്ലുവിളികള് നേരിട്ട താരമാണ് വിക്രം.
എന്നാല് അചഞ്ചലമായ അഭിനിവേശവും അര്പ്പണബോധവും അദ്ദേഹത്തെ നടന് എന്ന നിലയിലും താരം എന്ന നിലയിലും തമിഴ് സിനിമാ ലോകത്ത് ഉറപ്പിച്ച് നിര്ത്തി. ഒരു മോഡലായാണ് വിക്രം തന്റെ കരിയര് ആരംഭിച്ചത്. ചോള ടീ, ടിവിഎസ് എക്സല് എന്നിവയുള്പ്പെടെ നിരവധി പരസ്യങ്ങളില് അദ്ദേഹം അഭിനയിച്ചിട്ടുണ്ട്. എന് കാതല് കണ്മണി എന്ന ചിത്രത്തിലൂടെയാണ് സിനിമയിലേക്കെത്തുന്നത്.
അധികം വൈകാതെ തെലുങ്കിലും മലയാളത്തിലും ശ്രദ്ധിക്കപ്പെട്ട വേഷങ്ങള് വിക്രമിന് ലഭിച്ചു. മലയാളത്തിലെ മള്ട്ടി സ്റ്റാര് ചിത്രമായ ധ്രുവത്തില് മമ്മൂട്ടി, സുരേഷ് ഗോപി, ജയറാം എന്നിവര്ക്കൊപ്പം മികച്ച വേഷം തന്നെ വിക്രമിനും ലഭിച്ചു. സിനിമകളിലെ അഭിനയത്തിന് നിരവധി അവാര്ഡുകള് താരത്തിന് ലഭിച്ചിട്ടുണ്ട്. സേത്ത് (1999), 'ഹില് (2001), 'ജെമിനി (2002), 'ധൂല് (2004),' സേ (2003), 'പിതാമഗന് (2003), 'അന്യന് (2005) എന്നീ ചിത്രങ്ങള് തമിഴില് വിക്രമിന്റെ താരമൂല്യം ഉയര്ത്തി.
2023-ലെ കണക്കനുസരിച്ച് വിക്രമിന് ഏകദേശം 148 കോടി രൂപയുടെ ആസ്തിയുണ്ട്. വിനോദ വ്യവസായത്തില് മികച്ച വരുമാനം നേടുന്ന ഒരാളാണ് വിക്രം. അദ്ദേഹത്തിന്റെ വരുമാനത്തിന്റെ ഭൂരിഭാഗവും സിനിമകള്, ബ്രാന്ഡ് അംഗീകാരങ്ങള്, ടിവി പരസ്യങ്ങള് എന്നിവയില് നിന്നാണ്. റിപ്പോര്ട്ടുകള് പ്രകാരം ഒരു സിനിമയ്ക്ക് 10-12 കോടി രൂപയും ടിവി പരസ്യങ്ങള്ക്ക് 1.5 കോടി രൂപയുമാണ് താരത്തിന് ലഭിക്കുന്നത്.
ചെന്നൈയിലെ ബസന്റ് നഗര് പരിസരത്ത് വിക്രമിന് മനോഹരമായ ഒരു വീടുണ്ട്. രാജ്യത്തിന്റെ വിവിധ ഭാഗങ്ങളിലായി നിരവധി സ്വത്തുക്കളും അദ്ദേഹത്തിനുണ്ട്. ആഡംബര കാറുകളുടെ ശേഖരമാണ് വിക്രമിന്റെ ഗ്യാരേജിലുള്ളത്. ഏകദേശം 86 ലക്ഷം രൂപ വിലയുള്ള ടൊയോട്ട ലാന്ഡ് ക്രൂയിസര് പ്രാഡോ, 80 ലക്ഷം രൂപ വിലയുള്ള ഔഡി ക്യു7 ക്വാട്രോ, 47 ലക്ഷം രൂപ വിലയുള്ള ഔഡി എ4, 2.75 കോടി രൂപ വിലവരുന്ന ഔഡി എ8, 308 കോടി രൂപയുടെ പോര്ഷെ 911 ടര്ബോ എന്നിവ വിക്രമിനുണ്ട്.
വിവിധ ജീവകാരുണ്യ പ്രവര്ത്തനങ്ങളിലും വിക്രം സജീവമാണ്. വൈകല്യമുള്ള കുട്ടികളുടെ പുനരധിവാസത്തിനായി പ്രവര്ത്തിക്കുന്ന സ്പാസ്റ്റിക്സ് സൊസൈറ്റി ഓഫ് ഇന്ത്യ ഉള്പ്പെടെ നിരവധി എന്ജിഒകളെയും ചാരിറ്റബിള് ഓര്ഗനൈസേഷനുകളെയും അദ്ദേഹം പിന്തുണക്കുന്നുണ്ട്. കേരളം ആസ്ഥാനമായുള്ള എന്ജിഒയായ ഡയാലിസിസ് ഇന്ത്യന് ഫൗണ്ടേഷനുമായും വിക്രം ബന്ധപ്പെട്ടിരിക്കുന്നു.
2015-ല്, പ്രധാനമന്ത്രിയുടെ ദത്തെടുക്കല് ഗ്രാമം പദ്ധതി പ്രകാരം വിക്രം തമിഴ്നാട്ടിലെ സേലം ജില്ലയിലെ കുപ്പത്തൂര് എന്ന ഗ്രാമം ദത്തെടുത്തു. അതിനുശേഷം അദ്ദേഹം ഗ്രാമത്തിന്റെ വികസനത്തിലും ശുദ്ധമായ കുടിവെള്ളം, ശുചീകരണ സൗകര്യങ്ങള്, റോഡ് നിര്മ്മാണം തുടങ്ങിയ അടിസ്ഥാന സൗകര്യങ്ങള് പ്രദാനം ചെയ്യുന്നതിലും സജീവമായി ഇടപെട്ടു. ഗ്രാമത്തിലെ കുട്ടികളുടെ വിദ്യാഭ്യാസത്തിനും അദ്ദേഹം സഹായം നല്കി.
ഇതിന് പുറമെ പ്രകൃതിദുരന്തങ്ങളില് ദുരിതാശ്വാസ പ്രവര്ത്തനങ്ങളെ പിന്തുണയ്ക്കുന്നതിനും വിക്രം സജീവമായി ഇടപെട്ടിട്ടുണ്ട്. കേരളത്തിലെ വെള്ളപ്പൊക്കം, ചെന്നൈ വെള്ളപ്പൊക്കം, ആന്ധ്രാപ്രദേശിലെ ഹുദ്ഹുദ് ചുഴലിക്കാറ്റ് എന്നിവയുടെ ഇരകള്ക്കുള്ള ദുരിതാശ്വാസ ഫണ്ടിലേക്ക് അദ്ദേഹം സംഭാവന ചെയ്തിട്ടുണ്ട്.
Click it and Unblock the Notifications
Sign in with Google