ദുബായ് തീരത്ത് ഷാരൂഖ് ഖാന്റെ 18000 കോടിയുടെ വമ്പന് പദ്ധതി: ആഢംബരത്തിന്റെ അവസാന വാക്കാകുമോ?
സിനിമ മേഖലയുമായി ബന്ധപ്പെട്ടും അല്ലാതെ നിരവധി ബിസിനസ്സുകള് നടത്തുന്നവരാണ് ബോളിവുഡ് സൂപ്പർസ്റ്റാർ ഷാരൂഖ് ഖാനും ഭാര്യ ഗൗരി ഖാനും. ദമ്പതിമാരുടെ ബിസിനസ്സില് ഏറ്റവും ലാഭകരം അവരുടെ പ്രൊഡക്ഷൻ ഹൗസായ റെഡ് ചില്ലീസ് എന്റർടൈൻമെന്റ് ആണെന്നതില് ആർക്കും സംശയമില്ല. എന്നാല് ഇരുവർക്കും ദുബായില് അധികം പേർക്കും അറിയാത്ത മറ്റൊരു ബിസിനസുണ്ട്. അതേക്കുറിച്ചാണ് ഇവിടെ പറയാന് പോവുന്നത്,
ദുബായ് ബീച്ച് മേഖലയില് ആഢംബര പാർപ്പിട സമുച്ചയം എന്ന ബൃഹത്തായ പദ്ധതി ആരംഭിക്കുന്നതിനായി യുണൈറ്റഡ് അറബ് എമിറേറ്റ്സ് ആസ്ഥാനമായി പ്രവർത്തിക്കുന്ന ഒരു റിയൽ എസ്റ്റേറ്റ് സ്ഥാപനവുമായി ചേർന്ന് ശതകോടിക്കണക്കിന് രൂപയുടെ പുതിയ ബിസിനസ്സ് സംരംഭം 2008-ൽ ഷാരൂഖ് ഖാൻ പ്രഖ്യാപിച്ചിരുന്നു. തുടർന്ന് 2012-ൽ സിഗ്നേച്ചർ ബീച്ച് ഫ്രണ്ട് റെസിഡൻഷ്യൽ പ്രോജക്റ്റി അദ്ദേഹം തുടക്കം കുറിക്കുകയും ചെയ്തു.
ഈ പ്രദേശത്തിന് എസ്ആർകെ ബൊളിവാർഡ് എന്നാണ് പേരിട്ടിരിക്കുന്നതെന്നും റിപ്പോർട്ടുകള് വ്യക്തമാക്കുന്നു. റാസൽഖൈമയിലെ ഡാന ദ്വീപുകളിൽ ദുബായിലെ ഒരു പോഷ് ഏരിയയിലാണ് എസ്ആർകെ ബൊളിവാർഡ് സ്ഥിതി ചെയ്യുന്നത്. ബ്രാഡ് പിറ്റ്, ബോറിസ് ബെക്കർ, ടൈഗർ വുഡ്സ് തുടങ്ങിയ പ്രമുഖരും സമാനമായ ഡീലുകളില് ഏർപ്പെട്ട സമയത്ത് തന്നെയാണ് ഷാരൂഖ് ഖാനും ഈ കരാറില് ഏർപ്പെട്ടിരിക്കുന്നത്.
ദുബായിലെ ഏറ്റവും ആഡംബര പ്രദേശങ്ങളില് ഒന്നായ ബീച്ച് ഫ്രണ്ട് ഏരിയയിലെ 10 റെസിഡൻഷ്യൽ കെട്ടിടങ്ങളുടെ ഒരു കൂട്ടമാണ് ഷാരൂഖ് ഖാൻ ബൊളിവാർഡ്. ഈ പ്രോജക്റ്റിന് 2.17 മില്യൺ യുഎസ് ഡോളറാണ് ചെലവ്. അതായത് 18000 കോടി രൂപയിലധികം ഇന്ത്യന് രൂപ വരും. റെസിഡൻഷ്യൽ ഏരിയയുടെ പ്ലാൻ രൂപകൽപ്പന ചെയ്യാൻ ബോളിവുഡ് സൂപ്പർസ്റ്റാർ ലോസ് ഏഞ്ചൽസ് കേന്ദ്രമായി പ്രവർത്തിക്കുന്ന ആർക്കിടെക്റ്റ് ടോണി ആശായിയെയാണ് ചുമതലപ്പെടുത്തിയിരിക്കുന്നത്.
പ്രശസ്ത ഇന്റീരിയർ ഡിസൈനർ കൂടിയായ ഭാര്യ ഗൗരി ഖാൻ തന്നെയാണ് കെട്ടിടങ്ങളുടെയും വീടുകളുടെയും ഇന്റീരിയറുകൾ തയ്യാറാക്കിയിരിക്കുന്നത്. ആകെയുള്ള പത്ത് കെട്ടിടങ്ങളില് 1 ബിഎച്ച്കെ, 2 ബിഎച്ച്കെ വീടുകളാണ് അടങ്ങിയിരിക്കുന്നത്. ഇതുകൂടാതെ, ആഡംബര ഭവനങ്ങളിൽ മറ്റ് സവിശേഷമായ ആധുനിക സൌകര്യങ്ങളുമുണ്ട്. മറൈൻ സ്പോർട്സ്, വിനോദ സൗകര്യങ്ങൾ എന്നിവയും ഈ പദ്ധതിയുടെ ഭാഗമാണ്.
അതേസമയം, ആറ്റ്ലീ കുമാർ- ഷാരൂഖ് ഖാന് കൂട്ടുകെട്ടില് പിറഞ്ഞ ജവാന് എന്ന ചിത്രം ബോക്സ് ഓഫീസില് റെക്കോർഡുകള് തിരുത്തി മുന്നേറുകയാണ്. സെപ്റ്റംബര് 7 ന് റിലീസ് ചെയ്യപ്പെട്ട ചിത്രം ഒക്ടോബര് 3 വരെയുള്ള കണക്കനുസരിച്ച് 1100 കോടി നേടിയെന്നാണ് റിപ്പോർട്ടുകള് വ്യക്തമാക്കുന്നത്. ഷാരൂഖ് ഖാന്റെ തന്നെ റെഡ്ചില്ലീസാണ് ചിത്രത്തിന്റെ നിർമ്മാതാക്കള്.
ഇതോടെ ഷാരൂഖ് ഖാന്റെ കരിയറിലെ ഏറ്റവും കൂടുതല് കളക്ഷന് നേടിയ ചിത്രമായി ജവാന് മാറുകയും ചെയ്തു. ഒന്നാം സ്ഥാനത്തുണ്ടായിരുന്ന പഠാനെ മറികടന്നാണ് ഈ നേട്ടം. 1050 കോടി ആയിരുന്നു പഠാന്റെ ലൈഫ് ടൈം ഗ്ലോബല് ബോക്സ് ഓഫീസ് കളക്ഷന്. അതേസമയം 1000 കോടി ക്ലബ്ബില് ഇടം നേടിയ രണ്ട് ചിത്രങ്ങളുള്ള ഏക ബോളിവുഡ് താരമായും ഷാരൂഖ് ഖാന് മാറി.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google