Year Ender 2024: മഞ്ഞുമ്മലും ആവേശവും അല്ല... 2024 ല് വമ്പന് ലാഭം നേടിയത് ആ സിനിമ, ലഭിച്ചത് 745% അധികം!!
ബോക്സോഫീസ് കളക്ഷന്റെ കാര്യത്തില് നിരവധി സിനിമകള് വിജയപട്ടികയില് ഇടം നേടിയ വര്ഷമായിരുന്നു മലയാളത്തെ സംബന്ധിച്ചിടത്തോളം 2024. ജയറാം നായകനായി എത്തിയ എബ്രഹാം ഓസ്ലര് ആയിരുന്നു 2024 ലെ മലയാളത്തിലെ ആദ്യത്തെ സൂപ്പര്ഹിറ്റ്. ഏറെ നാളുകള്ക്ക് ശേഷമായിരുന്നു ജയറാമിന്റെ ഒരു സിനിമ ബോക്സോഫീസില് മികച്ച വിജയം നേടുന്നത്. 40 കോടിയോളം രൂപയാണ് ഓസ്ലര് കളക്ട് ചെയ്തത്.
ജയറാമിന്റെ കരിയറിലെ തന്നെ ഏറ്റവും കൂടുതല് കളക്ഷന് കിട്ടിയ മലയാള സിനിമയും ഇത് തന്നെ. ജയറാം തുടക്കമിട്ട ബോക്സോഫീസ് കുതിപ്പ് മറ്റ് താരങ്ങളും ഏറ്റെടുക്കുന്ന കാഴ്ചയായിരുന്നു പിന്നീട് കണ്ടത്. ഇതില് വലിയ ഹൈപ്പില്ലാതെ എത്തിയ മഞ്ഞുമ്മല് ബോയ്സ് മലയാളത്തില് ആദ്യമായി 200 കോടി ക്ലബില് നേടുന്ന ചിത്രം എന്ന നേട്ടവും സ്വന്തമാക്കി. ഈ വര്ഷത്തെ എന്നല്ല എക്കാലത്തേയും വലിയ ഹിറ്റ് ആണ് മഞ്ഞുമ്മല് ബോയ്സ് നേടിയത്.
ആടുജീവിതം (160 കോടി), ആവേശം (154.60 കോടി) എന്നിവ നേടി കളക്ഷനില് രണ്ട്, മൂന്ന് സ്ഥാനങ്ങളും സ്വന്തമാക്കി. എന്നാല് 2024 ല് മലയാളത്തില് പുറത്തിറങ്ങിയ ഏറ്റവും ലാഭകരമായ ചിത്രം ഏതാണ് എന്ന് ചോദിച്ചാല് ഇതൊന്നുമല്ല എന്നാണ് ഉത്തരം. പുത്തന് താരോദയങ്ങളായ നസ്ലനും മമിത ബൈജുവും ഒന്നിച്ച പ്രേമലു ആണ് ഈ വര്ഷം മലയാളത്തില് പുറത്തിറങ്ങിയ ഏറ്റവും ലാഭകരമായ ചിത്രം.
ബോക്സോഫീസ് കളക്ഷനില് നാലാം സ്ഥാനത്താണ് പ്രേമലുവെങ്കിലും ലാഭകരമായ ചിത്രം എന്നതില് ഒന്നാം സ്ഥാനത്താണ് ഈ ചിത്രം. വെറും ഒമ്പത് കോടി ബജറ്റില് ഒരുങ്ങിയ പ്രേമലു ലോകത്ത് എല്ലായിടത്ത് നിന്നും കളക്ട് ചെയ്തത് 136 കോടി രൂപയാണ്. അതായത് ബോക്സ് ഓഫീസില് 745.5% ലാഭമാണ് പ്രേമലു നേടിയത്. ഇന്ത്യയില് നിന്ന് മാത്രം 76.10 കോടി രൂപയാണ് ചിത്രം കളക്ട് ചെയ്തത്.
പട്ടികയില് രണ്ടാം സ്ഥാനത്ത് മഞ്ഞുമ്മല് ബോയ്സാണ്. 20 കോടി ബജറ്റില് ഒരുക്കിയ ഈ ചിത്രം 610 ശതമാനം ലാഭം നേടി. കിഷ്കിന്ധ കാണ്ഡം- 493.5%, വാഴ: 369.2%, സൂക്ഷ്മദര്ശിനി: 179.2%, തലവന്: 135%, അജയന്റെ രണ്ടാം മോഷണം -113.33%, എബ്രഹാം ഓസ്ലര് 110% എന്നിങ്ങനെയാണ് ഏറ്റവും കൂടുതല് ലാഭം നേടിയ മറ്റ് ചിത്രങ്ങള്. ഇവ കൂടാതെ വേറേയും ഒരുപാട് സിനിമകള് അവരുടെ ബജറ്റ് തിരിച്ചുപിടിക്കുകയും വിജയിക്കുകയും ചെയ്തു.
അന്വേഷിപ്പിന് കണ്ടെത്തും, ഭ്രമയുഗം, ആടുജീവിതം, വര്ഷങ്ങള്ക്കുശേഷം, ആവേശം, ഗുരുവായൂര് അമ്പലനടയില്, പണി എന്നിവ ഈ വര്ഷത്തെ സൂപ്പര്ഹിറ്റുകളാണ്. ഏറ്റവും ഒടുവില് പുറത്തിറങ്ങിയ മാര്ക്കോയ്ക്കും മികച്ച അഭിപ്രായമാണ് ആദ്യ ദിവസം തന്നെ ലഭിക്കുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google