പ്രധാനമന്ത്രി ഇന്ന് രാത്രി രാജ്യത്തെ അഭിസംബോധന ചെയ്യുന്നുണ്ടോ? പ്രചാരണത്തിലെ സത്യാവസ്ഥ ഇതാണ്

Updated: Wednesday, March 24, 2021, 16:08 [IST]

ദില്ലി: കോവിഡ് -19 ന്റെ വ്യാപനം തടയുന്നതിന് 2020 മാര്‍ച്ച് 24 ന് പ്രധാനമന്ത്രി നരേന്ദ്ര മോദി 21 ദിവസത്തേക്ക് രാജ്യത്ത് ലോക്ക് ഡൗണ്‍ പ്രഖ്യാപിച്ചു. ലോക്ക് ഡൗണ്‍ പ്രഖ്യാപനം നടന്ന് ഒരു വര്‍ഷം പിന്നിടുമ്പോള്‍, ഇന്ന് ഇന്റര്‍നെറ്റില്‍ ഏറ്റവുമധികം തിരഞ്ഞ പദങ്ങളിലൊന്നാണ് പ്രധാനമന്ത്രി നരേന്ദ്ര മോദി ഇന്ന് രാത്രി രാജ്യത്തെ അഭിസംബോധന ചെയ്യുന്നത്.

പ്രധാനമന്ത്രി ഇന്ന് രാത്രി രാജ്യത്തെ അബിസംബോധന ചെയ്യുന്നെന്ന് പറഞ്ഞ് ചില വാര്‍ത്തകളും സോഷ്യല്‍ മീഡിയയില്‍ പ്രചരിക്കരുന്നുണ്ട്. എന്നാല്‍ ഇതെല്ലാം വ്യാജമാണെന്നാണ് റിപ്പോര്‍ട്ടുകള്‍. പ്രധാനമനവ്ത്രി ഇന്ന് രാജ്യത്തെ അഭിസംബോധന ചെയ്യുന്നില്ല. ഇന്ന് രാത്രി പ്രധാനമന്ത്രി രാജ്യത്തെ അഭിസംബോധന ചെയ്യുന്നതിനെക്കുറിച്ച് ഒരു വിവരവും പുറത്തുവന്നിട്ടില്ല.

പ്രധാനമന്ത്രി തിരഞ്ഞെടുപ്പ് പ്രചാരണത്തിന്റെ ഭാഗമായി ഇപ്പോള്‍ പശ്ചിമബംഗാളിലാണുള്ളത്. മൂന്നോളം റാലികളില്‍ അദ്ദേഹം പങ്കെടുക്കുന്നുമുണ്ട്. രാജ്യത്തെ അഞ്ച് സംസ്ഥാനങ്ങളിലാണ് വരാനിരിക്കുന്ന ദിവസങ്ങളില്‍ തിരഞ്ഞെടുപ്പിനെ നേരിടാന്‍ പോകുന്നത്. അസം, പശ്ചിമബംഗാള്‍, കേരളം, തമിഴ്‌നാട്, കേന്ദ്ര ഭരണ പ്രദേശമായ പുതുച്ചേരി എന്നിവിടങ്ങളിലാണ് തിരഞ്ഞെടുപ്പ് നടക്കുന്നത്.

കോവിഡ് ലോക്ക്ഡൗണ്‍ പ്രഖ്യാപിച്ചിട്ട് ഒരു വര്‍ഷം, കാണാം കഴിഞ്ഞു പോയ ചിത്രങ്ങള്‍

ഇന്ന് രാത്രി പ്രധാനമന്ത്രി രാജ്യത്തെ അഭിസംബോധന ചെയ്യുന്ന വാര്‍ത്ത ശരിയല്ല. ചൊവ്വാഴ്ച ആഭ്യന്തര മന്ത്രാലയം പുതിയ മാര്‍ഗ്ഗനിര്‍ദ്ദേശങ്ങള്‍ പുറപ്പെടുവിച്ചിരുന്നു. കൊവിഡിന്റെ വ്യാപനം തടയുന്നതിനായി സംസ്ഥാനങ്ങളും കേന്ദ്ര ഭരണപ്രദേശങ്ങളും സ്ഥിതിഗതികള്‍ വിലയിരുത്തുന്നതിനെ അടിസ്ഥാനമാക്കി ജില്ലാ / ഉപജില്ല, നഗരം / വാര്‍ഡ് തലങ്ങളില്‍ പ്രാദേശിക നിയന്ത്രണങ്ങള്‍ ഏര്‍പ്പെടുത്താമെന്ന് മാര്‍ഗ്ഗനിര്‍ദ്ദേശങ്ങളില്‍ പറഞ്ഞിരുന്നു. അയല്‍രാജ്യങ്ങളുമായുള്ള ഉടമ്പടി പ്രകാരം കര അതിര്‍ത്തി കടന്നുള്ള വ്യാപാരമുള്‍പ്പെടെ, വ്യക്തികളുടെയും ചരക്കുകളുടെയും അന്തര്‍-സംസ്ഥാന നീക്കത്തിനും യാതൊരു നിയന്ത്രണവുമില്ല.

ഹോട്ട് ലുക്കിൽ നടൻ ചേതന പാണ്ഡെ, കടൽതീരത്തുള്ള ചിത്രങ്ങൾ വൈറൽ