സൂക്ഷിക്കുക; സ്റ്റാഫ് സെലക്ഷന്‍ കമ്മിഷന്റേതെന്ന രീതിയില്‍ പ്രചരിക്കുന്ന ട്വിറ്റര്‍ അക്കൗണ്ട് വ്യാജമാണ്

Updated: Tuesday, February 23, 2021, 12:34 [IST]

ദില്ലി: സ്റ്റാഫ് സെലക്ഷന്‍ കമ്മിഷന്റെതെന്ന പേരില്‍ പ്രചരിക്കുന്ന ട്വിറ്റര്‍ അക്കൗണ്ട് വ്യാജം. സ്റ്റാഫ് സെലക്ഷന്റെ ഔദ്യോഗിക അക്കൗണ്ടെന്ന പേരില്‍ കുറച്ച് ദിവസങ്ങളാണ് ഒരു ട്വിറ്റര്‍ അക്കൗണ്ട് സോഷ്യല്‍ മീഡിയയില്‍ പ്രചരിക്കുന്നത്. എന്നാല്‍ ഇത് വ്യാജമാണെന്ന് അറിയിച്ച് ബന്ധപ്പെട്ട അധികൃതര്‍ രംഗത്തെത്തുകയായിരുന്നു.

സെക്രട്ടേറിയറ്റിന് മുന്നില്‍ സമരം ചെയ്യുന്ന പിഎസ്‌സി ഉദ്യോഗാര്‍ത്ഥികളെ പിന്തുണച്ചുള്ള യൂത്ത് കോണ്‍ഗ്രസ് സമരപന്തലില്‍ നിന്നുള്ള ചിത്രങ്ങള്‍

7569 പേരാണ് ഈ അക്കൗണ്ട് ട്വിറ്ററില്‍ ഫോളോ ചെയ്യുന്നത്. 15 പേരെ ഈ അക്കൗണ്ട് ഫോളവിംഗും ചെയ്യുന്നുണ്ട്. കൂടാതെ സ്റ്റാഫ് സെലക്ഷന്‍ കമ്മിഷനുമായി ബന്ധപ്പെട്ട നിരവധി ട്വീറ്റുകളും ഈ അക്കൗണ്ടില്‍ നിന്ന് ട്വീറ്റ് ചെയ്യുന്നുണ്ട്. എസ്എസ്സി എംടിഎസ് അപ്‌ഡേറ്റുമായി ബന്ധപ്പെട്ട ഒരു ട്വീറ്റാണ് അവസാനമായി ഈ അക്കൗണ്ടില്‍ പ്രത്യക്ഷപ്പെട്ടത്. ഈ ട്വിറ്റര്‍ ഹാന്‍ഡിലില്‍ ധാരാളം ഇന്‍ട്രാക്ഷനുകളും നടക്കുന്നുണ്ട്.

എന്നാല്‍ ഇത് വ്യാജ അക്കൗണ്ടാണെന്നാണ് അധികൃതര്‍ പറയുന്നത്. കൂടാതെ സ്റ്റാഫ് സെലക്ഷന്‍ കമ്മിഷന് ട്വിറ്ററില്‍ അക്കൗണ്ടില്ലെന്നും അധികൃതര്‍ വ്യക്തമാക്കി.