ആ ചിത്രം ഇന്ത്യയിലെ അതിഥി തൊഴിലാളികളുടെ അവസ്ഥയോ? സത്യാവസ്ഥയെന്ത്..

ദില്ലി: അതിഥി തൊഴിലാളികളുടെ മടക്കയാത്രകൾക്കിടയിൽ കുഞ്ഞിനെയും ചുമലിൽ തൂക്കിയ നിലയിൽ സൈക്കിൾ ഓടിക്കുന്ന വനിതയുടെ ചിത്രമാണ് ഇപ്പോൾ വ്യാപകമായി പ്രചരിക്കുന്നത്. കൊറോണ വൈറസ് വ്യാപനം തടയുന്നതിനായുള്ള ലോക്ക്ഡൌണിനിടെ സ്വദേശത്തേക്ക് സഞ്ചരിക്കുന്നുവെന്ന പേരിലാണ് ഈ ചിത്രം പ്രചരിക്കുന്നത്.

എന്നാൽ വൈറലായിക്കൊണ്ടിരിക്കുന്ന ഈ ചിത്രം ഇന്ത്യയിൽ നിന്നുള്ളതല്ല. എന്നതാണ് ഇതിന്റെ വസ്തുത. ചിത്രം പരിശോധിച്ചതിൽ നിന്ന് ഈ ചിത്രം ആക്ടീവ് ലൈവ് പിന്ററസ്റ്റിൽ പോസ്റ്റ് ചെയ്തിട്ടുള്ളതാണ്. ചിത്രമാകട്ടെ അയൽരാജ്യമായ നേപ്പാളിൽ നിന്നുള്ളതും. നേപ്പാളിലെ നേപ്പാൽ ഗഞ്ചിൽ നിന്ന് എടുത്തിട്ടുള്ളതാണ് ചിത്രം. പിന്നീട് പല ഉപയോക്താക്കളും ഈ ചിത്രം പോസ്റ്റ് ചെയ്തിട്ടുമുണ്ട്. രാജ്യത്ത് സൈക്കിളും ബൈക്കുമാണ് സാധാരണ ഗതിയിൽ യാത്രയ്ക്കായി ആശ്രയിക്കുന്നത്. പ്രത്യേകിച്ച് ആശയങ്ങളൊന്നുമില്ലാതെ പ്രചരിക്കുന്ന ഈ ചിത്രം ഇന്ത്യയിൽ നിന്നുള്ളതല്ലെന്നും അഭ്യൂഹങ്ങളിൽ വിശ്വസിക്കരുതെന്നുമാണ് പിഐബി നൽകുന്ന നിർദേശം.

ഇന്ത്യയിൽ കൊറോണ വ്യാപനം തടയുന്നതിനായി ലോക്ക്ഡൌൺ പ്രഖ്യാപിച്ചതോടെ അതിഥി തൊഴിലാളികൾ ഏത് വിധേനയും സ്വദേശത്തേക്ക് എത്തുന്നതിനുള്ള ശ്രമാണ് നടത്തുന്നത്. ഇതിനിടെ സൈക്കിളിലും ട്രക്കുകളിലും സൈക്കിളിലും ബൈക്കിലുമായി നിരവധി പേരാണ് യാത്ര തിരിച്ചത്.

English summary

Fake: Image of lady on bi-cycle being passed of as Indian migrant is from Nepal