![Oneindia App Download](/images/oneindia-pwa-banner-300x250.jpg)
മുസ്ലീങ്ങള് റാഞ്ചിയിലെ ക്ഷേത്രത്തിലെ ശിവലിംഗം തകര്ത്തോ? പ്രചരിക്കുന്ന ചിത്രത്തിലെ സത്യമിതാണ്
ദില്ലി: ഒരു ക്ഷേത്രത്തിലെ തകര്ന്ന ശിവലിംഗത്തിന്റെ ചിത്രങ്ങള് കഴിഞ്ഞ ദിവസങ്ങളിലായി സോഷ്യല് മീഡിയയില് വ്യാപകമായി പ്രചരിക്കുകയാണ്. ജാര്ഖണ്ഡിലെ റാഞ്ചിയിലെ ക്ഷേത്രത്തിലെ ഈ ശിവലിംഗം മുസ്ലീങ്ങള് തകര്ത്തെന്ന രീതിയിലാണ് ചിത്രമടക്കം പ്രചരിക്കുന്നത്. ഇതിനോടൊപ്പം ഒരു ട്വീറ്റും പ്രചരിക്കുന്നുണ്ട്. ആ ട്വീറ്റ് ഇങ്ങനെ 'മുസ്ലീങ്ങള് ഇതിലൂടെ എന്താണ് തെളിയിക്കുന്നത്. ഹിന്ദുക്കള് ഉണര്ന്നിട്ടില്ലെങ്കില്, നമ്മള് എല്ലായ്പ്പോഴും അടിമയായി തുടരേണ്ടിവരും'.
![fake fake](https://imagesvs.oneindia.com/ml/img/2020/11/xfake-news1-1605165653-jpg-pagespeed-ic-7azjpodmop-1605291671.jpg)
എന്നാല് സോഷ്യല് മീഡിയയിലൂടെ നടക്കുന്ന ഈ പ്രചരണം പൂര്ണമായും വ്യാജമാണെന്ന് കണ്ടെത്തി. ക്ഷേത്രത്തിലെ ശിവലിംഗ് തകര്ത്തത് മാനസികനില തെറ്റിയ ഒരാളെന്നാണ് വിവരം. ഈ ചിത്രം റിവേഴ്സ് ഇമേജ് സര്ച്ചിലൂടെ പരിശോധനിച്ചപ്പോള് നവംബര് അഞ്ചിന് നടന്ന സംഭവത്തിലേതാണെന്ന് കണ്ടെത്തി. മാനസിക വിഭ്രാന്തിയുള്ള ഒരാള് ഈ ശിവലിംഗം തകര്ക്കുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചിരുന്നു.
ഇയാളെ കുറിച്ച് അന്വേഷിച്ചു വരികയാണെന്നും പ്രദേശത്തുള്ളവരുമായി ഇയാളെ കുറിച്ചുള്ള വിവരങ്ങള് തേടിയെന്നും പൊലീസ് പറയുന്നു. മാനസിക വിഭ്രാന്തിയുള്ള ആളാണിതെന്നും സമീപ വാസികള് പറഞ്ഞതായി പൊലീസ് അറിയിച്ചു.
![](https://malayalam.oneindia.com/img/2020/11/xfake-news1-1605165653-jpg-pagespeed-ic-7azjpodmop-1605291671.jpg)
Fact Check
വാദം
മുസ്ലീങ്ങൾ ക്ഷേത്രത്തിലെ ശിവലിഗം തകർത്തു
നിജസ്ഥിതി
പ്രചരിക്കുന്ന ചിത്രം വ്യാജമാണ്. മാനസിക വിഭ്രാന്തിയുള്ള ഒരാളാണ് ശിവലിഗം തകർത്തത്