'ദാവൂദ് ഇബ്രാഹിമിന് കൈകൊടുത്ത് നിൽക്കുന്ന അമിതാഭ് ബച്ചൻ';ചിത്രത്തിന് പിന്നിൽ

ദില്ലി; 'അധോലോക നായകൻ ദാവൂദ് ഇബ്രാഹിമിനൊപ്പം കൈ കൊടുത്ത് നിൽക്കുന്ന അമിതാഭ് ബച്ചൻ' എന്ന പ്രചരണത്തോടെ സോഷ്യൽ മീഡിയയില് ഒരു ചിത്രം വ്യാപകമായി പ്രചരിക്കുന്നുണ്ട്. ആദ്യം ഫേസ്ബുക്കിലായിരുന്നു ഇത്തരത്തിലൊരു ചിത്രം പ്രചരിച്ചത്. ഇപ്പോൾ അത് ട്വിറ്ററിലും വൈറലായിട്ടുണ്ട്. എന്നാൽ പ്രചരിക്കുന്ന ചിത്രത്തിലെ സത്യാവസ്ഥാ മറ്റൊന്നാണ്.

'ആരാണ് അമിതാഭ് ബച്ചനൊപ്പം നിൽക്കുന്നയാൾ? ഭീകരവാദിയായ ദാവൂദ് ഇബ്രാഹിം ആണോ? ദാവൂദുമായി അമിതാഭ് ബച്ചൻ ഇപ്പോഴും ബന്ധം പുലർത്തുന്നുണഅടോ? ഈ ചിത്രം ഫേസ്ബുക്കിൽ നിന്നാണ് ലഭിച്ചത്. ഇതിന്റെ യാഥാർത്ഥ്യം തനിക്ക് അറിയില്ല' എന്ന കുറിപ്പോടെയാണ് ചിത്രം ട്വിറ്ററിൽ പങ്കുവെയ്ക്കപ്പെട്ടത്.

ബോളിവുഡ് ഇന്‍ഡസ്ട്രിക്കെതിരെയുള്ള കങ്കണയുടെ ആരോപണങ്ങളില്‍ നടിയും എംപിയുമായ ജയ ബച്ചൻ പാർലമെന്റിൽ പ്രസംഗിച്ചിരുന്നു. നിങ്ങള്‍ ഏത് പാത്രത്തില്‍ നിന്നാണോ കഴിക്കുന്നത്, ആ പാത്രത്തില്‍ തന്നെ ഓട്ട വീഴ്ത്താന്‍ ശ്രമിക്കുന്നു എന്നായിരുന്നു ജയ പ്രതികരിച്ചത്. ഇതിന് പിന്നാലെയാണ് ബച്ചൻ കുടുംബത്തിനെ കുറിച്ചുള്ള പ്രചരണങ്ങൾ സോഷ്യൽ മീഡിയിൽ സജീവമായിരിക്കുന്നത്.

റിവേഴ്സ് ഇമേജ് പരിശോധനയിൽ അമിതാഭ് ബച്ചനൊപ്പം ഉള്ളത് ദാവൂദ് അല്ലെന്ന് വ്യക്തമായി. രാജീവ് ഗാന്ധി സീ ലിങ്കിന്റെ കമ്മീഷനിംഗ് ചടങ്ങിൽ മഹാരാഷ്ട്ര മുൻ മുഖ്യമന്ത്രി അശോക് ചവാനുമായി ബച്ചൻ നിൽക്കുന്ന ചിത്രമാണ് വ്യാജ കുറിപ്പോടെ പ്രചരിക്കുന്നത്.

English summary

No Amitabh Bachchan not shaking hands with Dawood Ibrahim';