'പാകിസ്താൻ പ്രതിഷേധ റാലിക്കിടെ ഇന്ത്യൻ പതാക വീശി'; പ്രചരണത്തിന് പിന്നിലെ യാഥാർത്ഥ്യം ഇതാണ്

ദില്ലി; പാകിസ്ഥാനിലെ ഇമ്രാൻ ഖാൻ സർക്കാരിനെതിരെ കനത്ത പ്രതിഷേധമാണ് തെരുവുകളിൽ ഉയരുന്നത്. പാകിസ്ഥാൻ പീപ്പിൾസ് പാർട്ടി (പിപിപി), പാകിസ്ഥാൻ മുസ്‌ലിം ലീഗ്-നവാസ് (പിഎംഎൽ-എൻ), ജംഇയ്യത്തുൽ ഉലമ-ഇ-ഇസ് ലാം എന്നിവരുടെ നേതൃത്വത്തിലുള്ള 11 പാർട്ടികളുടെ പ്രതിപക്ഷ സഖ്യമാണ് ഇമ്രാൻ ഖാന്റെരാജിയ്ക്കായി പ്രതിഷേധങ്ങൾ നടത്തുന്നത്. ആയിരക്കണക്കിന് പേരാണ് പ്രതിഷേധങ്ങളിൽ അണിനിരക്കുന്നത്.

വിവിധ പാർട്ടികളുടെ കൊടികൾ ഉയർത്തിയും പ്രതിഷേധ മുദ്രാവാക്യങ്ങൾ ഉയർത്തിയും ആണ് ആളുകൾ പ്രതിഷേധത്തിൻറെ ഭാഗമാകുന്നത്. ഇക്കൂട്ടത്തിൽ ഇന്ത്യയുടെ കൊടിയും പറത്തിയെന്നാണ് പ്രചാരണം. ഈ അവകാശം ഉന്നയിച്ച് പ്രതിഷേധ റാലിയുടെ ചിത്രങ്ങളും പങ്കുവെച്ചിട്ടുണ്ട്.

ദാ ഒടുവിൽ കറാച്ചിയിൽ ഇന്ത്യൻ ദേശീയ പതാക ഉയർത്തി. 70 വർഷമായി പാകിസ്താനി പതാകകളാണ് നമ്മുക്ക് നേരെ വീശിയിരുന്നത്, ജയ് ഹിന്ദ് എന്ന കുറിപ്പോടെയാണ് ചിത്രം പ്രചരിക്കുന്നത്. എന്നാൽ പ്രചരിക്കുന്ന കുറിപ്പിലെഅവകാശവാദങ്ങൾ തെറ്റാണ്.പ്രതിഷേധ റാലിയിൽ ഇന്ത്യൻ പതാകയല്ല ഉയർത്തിയത്. പഷ്തുൻഖ്വ മില്ലി അവാമി പാർട്ടിയുടെ പതാകയാണ് യഥാർത്ഥത്തിൽ വീശിയത്. ഇതാണ് വ്യാജ അവകാശവാദത്തോടെപ്രചരിക്കുന്നത്.

English summary

no india flag waved during protetst in pakisthan