ഇന്ത്യന് വിലയ്ക്ക് വിദേശിയെ നുകരാം...2
ഇന്ത്യയില് മദ്യത്തിനനുകൂലമായ സാമൂഹ്യസാഹചര്യവും ഒരുങ്ങിവരികയാണെന്നതാണ് മറ്റൊരു കണ്ടെത്തല്. ഇത്രയും കാലം മദ്യം വിഷമാണെന്നാണ് ഇന്ത്യക്കാര് പൊതുവെ കരുതിയിരുന്നതെങ്കിലും അധികം വൈകാതെ മദ്യത്തിന് സാമൂഹ്യഅംഗീകാരം ലഭിക്കുമെന്നും പഠനം പറയുന്നു. ഇതിന് കാരണം ഇന്ത്യയില് അതിവേഗം വളരുന്ന നഗരവല്ക്കരണമാണ്.
ഇന്ത്യയില് ഒരു വര്ഷം ഉപയോഗിക്കുന്ന ബ്രാന്റില്ലാത്ത നാടന് വിദേശമദ്യത്തിന്റെ അളവെത്രയെന്നോ? ഈയിനത്തില്പെട്ട 240 കോടി മദ്യക്കുപ്പികളാണ് ഇന്ത്യക്കാര് ഒരു വര്ഷം കുടിച്ചുവലിച്ചെറിയുന്നത്. ബ്രാന്റോഡുകൂടിയ ഇന്ത്യന്നിര്മ്മിത വിദേശമദ്യം എത്രയാണ് ഇന്ത്യക്കാര് ഒരു വര്ഷം ഉപയോഗിക്കുന്നത്? കണക്കുകള് പ്രകാരം ഇത് 84കോടി മദ്യക്കുപ്പികളാണ്.
ഇന്ത്യയില് വിദ്യാര്ത്ഥികളും ഔദ്യോഗികജീവിതത്തിന് തുടക്കമിടുന്ന ചെറുപ്പക്കാരും ബിയറിലാണ് അവരുടെ മദ്യപാനം തുടങ്ങുന്നത്. പണം കൂടുതല് കിട്ടിത്തുടങ്ങുന്നതനുസരിച്ച് അവര് ആദ്യം വിസ്കിയിലേക്ക് മാറുന്നു. ഏറ്റവുമൊടുവില് എല്ലാവരും ചെന്നെത്തുന്നത് സ്കോച്ച് വിസ്കിയിലാണ്.
ഇന്ത്യയെ വിസ്കി കുടിയന്മാരുടെ നാടെന്നാണ് ഇവരുടെ പഠനത്തില് വിളിക്കുന്നത്. കാരണം ഇന്ത്യയില് വിറ്റഴിയുന്ന മദ്യത്തില് 60 ശതമാനവും വിസ്കിയാണ്. ആന്ധ്രക്കാരാണ് വിസ്കിയുടെ ആശാന്മാര്. പഞ്ചാബ്, ഹരിയാന, രാജസ്ഥാന് എന്നീ രാജ്യങ്ങള് ഇതിനു പിറകേ വരും. ഗോവയും കേരളവും മേഘാലയവും വിസ്കികുടിയന്മാരുടെ പട്ടികയില് ഏറ്റവും താഴെത്തട്ടിലാണ്.
2