• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഗോവയിലെ മികച്ച അഞ്ച് പഞ്ച നക്ഷത്ര ഹോട്ടലുകള്‍

  • By Pratheeksha

സ്വദേശികളുടെയും വിദേശികളുടെയും ഇഷ്ട വിനോദ സഞ്ചാരകേന്ദ്രവും ബീച്ച് ടൂറിസത്തില്‍ ലോകത്തിലെ തന്നെ മികച്ച ടൂറിസ്റ്റ് കേന്ദ്രങ്ങളില്‍ ഒന്നുമാണ് ഗോവ. സഞ്ചാരികള്‍ക്കു മികച്ച സേവനം കാഴ്ച്ച വയ്ക്കുന്ന ഒട്ടേറെ പഞ്ച നക്ഷത്രഹോട്ടലുകള്‍ ഗോവയിലുണ്ട്. ഇന്റര്‍നെറ്റ് വഴി ഹോട്ടല്‍ ബുക്ക് ചെയ്താണ് പലരുമെത്തുന്നത്. പല പഞ്ചനക്ഷത്ര ഹോട്ടലുകള്‍ക്കു

സഞ്ചാരികളുടെ പ്രതീക്ഷകള്‍ക്കൊത്ത് ഉയരാന്‍ സാധിക്കാറില്ലെന്നതാണ് വാസ്തവം. അവധിക്കാലം നല്ല ഒരനുഭവമാക്കി മാറ്റാന്‍ യാത്രക്കാരെ സഹായിക്കുന്ന ഗോവയിലെ അഞ്ച് പഞ്ച നക്ഷത്ര ഹോട്ടലുകള്‍ ഇതാണ്

1. സിഡാഡെ ഡി ഗോവ -Cidade De Goa

പോര്‍ച്ചുഗീസ് ഗ്രാമത്തിലെത്തിയ പ്രതീതിയായിരിക്കും സിഡാഡി ഡി ഗോവയിലെത്തിയാല്‍.40 ഏക്കറില്‍ വ്യാപിച്ചു കിടക്കുന്ന ഹോട്ടല്‍ സഞ്ചാരികള്‍ ഏറെ ഇഷ്ടപ്പെടുന്നത്് അതിന്റെ വ്യത്യസ്തത കൊണ്ടാണ് . ലോക രാജ്യങ്ങളിലെ വിവിധ രുചികള്‍ പരിചയപ്പെടുത്തുന്നതൊടൊപ്പം ഗോവന്‍ പരമ്പരാഗത ഭക്ഷണവും ആവശ്യക്കാര്‍ക്കു ലഭിക്കും. ബാര്‍, സ്പ, മസാജ് സെന്റര്‍ തുടങ്ങിയവ ഉള്‍പ്പെടെ ഒട്ടേറെ വിനോദോപാദികളാണ് ഹോട്ടലില്‍ യാത്രക്കാരെ കാത്തിരിക്കുന്നത്.

2. താജ് എ്കസോട്ടിക്ക ഗോവ -Taj Exotica Goa

എല്ലാ അത്യാധുനിക സൗകര്യങ്ങളോടും കൂടി 56 ഏക്കറില്‍ വ്യാപിച്ചു കിടക്കുന്ന താജ് എക്‌സോട്ടിക്ക വിനോദ സഞ്ചാരികള്‍ക്ക് നല്ലൊരു അനുഭവമായിരിക്കും. ഗോവയിലെ ബെനൗലിം ബീച്ചിനു സമീപത്തുളള ഹോട്ടല്‍ സഞ്ചാരികള്‍ക്ക് ഏറെ പ്രിയമാകുന്നത് വൈവിധ്യമാര്‍ന്ന രുചികളെ പരിചയപ്പെടുത്തുന്നതു കൊണ്ടാണ്. സഞ്ചാരികളുടെ ഇഷ്ടത്തിനനുസരിച്ച് ലോക രാജ്യങ്ങളിലെ പേരുകേട്ട ഭക്ഷണങ്ങള്‍ മുതല്‍ പരമ്പരാഗത ഇന്ത്യന്‍ ഭക്ഷണങ്ങള്‍ വരെ ഇവിടെ ലഭിക്കും. സാഹസികത ഇഷ്ടപ്പെടുന്നവര്‍ ബീച്ചില്‍ നിന്ന് മീറ്ററുകള്‍ നടന്നാല്‍ മതി. അഡ്വെന്‍ജര്‍ സ്‌പോര്‍ട്സിന്റെ വിശാല ലോകമാണ് വരവേല്‍ക്കുക. ബാര്‍ ഉള്‍പ്പെടെയുളള സൗകര്യങ്ങള്‍ വേറെയും.

3. നോവോട്ടെല്‍ ഗോവ ഷ്‌റെം ഹോട്ടല്‍- Novotel Goa Shrem Hotel

മറ്റു സൗകര്യങ്ങള്‍ക്കു പുറമേ നോവോട്ടെല്‍ ഇവിടയെത്തുന്ന സഞ്ചാരികള്‍ക്ക് യോഗ ധ്യാനം എന്നിവയ്ക്കുളള സൗകര്യങ്ങളൊരുക്കുന്നു. പ്രകൃതിരമണീയമായ അന്തരീക്ഷമാണ് ഹോട്ടലിന്. കായിക വിനോദമായ സോര്‍ബിങിനും ഇവിടെസൗകര്യമുണ്ട്. ,ബാര്‍, സ്പ തുടങ്ങിയവ വേറെയും .

4. ഗ്രാന്‍ഡ് ഹയാത്ത് ഗോവ - Grand Hyatt Goa

17ാം നൂറ്റാണ്ടിലെ ഇന്‍ഡോ -പോര്‍ച്ചു ഗീസ് സമ്മിശ്ര അന്തരീക്ഷമാണ് ഗ്രാന്‍ഡ് ഹയാത്തിലെത്തുന്നവരെ വരവേല്‍ക്കുക. ഹോട്ടലിനകത്തും പുറത്തും നീന്തല്‍ക്കുളം, ഒട്ടേറെ ഹോട്ടലുകള്‍ ,ബാര്‍ തുടങ്ങിയ സൗകര്യങ്ങളും ഇവിടെ ലഭ്യമാണ്.

5. ഹോളിഡേ ഇന്‍ റിസോര്‍ട്ട് ഗോവ- Holiday Inn Resort Goa

കുട്ടികള്‍ക്കായി പ്രത്യേക സോണുകളാണ് ഹോളിഡേ ഇന്നിന്റെ പ്രത്യേകത. കൂടാതെ സോര്‍ബിങ് ,ടേബിള്‍,ടെന്നിസ് ലോണ്‍ ടെന്നിസ് എന്നിവയ്ക്കും ഇവിടെ സൗകര്യമുണ്ട്. പ്രകൃതി രമണീയ അന്തരീക്ഷമാണ് ഹോട്ടലിനു ചുറ്റും. ബീച്ചിനു സമീപത്താണെന്നതും ഹോട്ടലിനെ യാത്രക്കാര്‍ക്കു പ്രിയപ്പെട്ടതാക്കുന്നു.

English summary
Here're the top 5-star hotels in Goa that you should book for your next holiday.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X