• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സച്ചിനും പേസും; പ്രായം തളര്‍ത്താത്ത പ്രതിഭകള്‍

ക്രിക്കറ്റിന് സച്ചിന്‍ തെണ്ടുല്‍ക്കര്‍ എന്താണോ അതാണ് ഇന്ത്യന്‍ ടെന്നീസിന് ലിയാന്‍ഡര്‍ പേസ്. പ്രായം കൂടുന്തോറും വീര്യം കൂടുന്ന വീഞ്ഞിനെപ്പോലെയാണ് ആരാധകരുടെ പ്രിയപ്പെട്ടവരായ ഈ രണ്ട് താരങ്ങളും. റിട്ടയര്‍മെന്റിനെക്കുറിച്ചും വിശ്രമജീവിതത്തെക്കുറിച്ചും സാധാരണ കളിക്കാര്‍ ചിന്തിക്കുന്ന നാല്‍പ്പതുകളില്‍ ഇവര്‍ പറയുന്നത് പ്രായം എന്നത് വെറും അക്കങ്ങള്‍ മാത്രമാണെന്ന്.

പതിറ്റാണ്ടുകള്‍ കടന്ന ഇരുവരുടെയും കരിയര്‍ നോക്കുന്നവരാരും ഇത് വെറും വാക്കുകളാണെന്ന് പറയില്ല. പതിനാലാം ഗ്രാന്‍ഡ്സ്ലാം നേട്ടത്തോടെയാണ് ലിയാന്‍ഡര്‍ പേസ് തന്റെ നാല്‍പതാം വയസ് ആഘോഷിക്കുന്നത്. അത്ര കണ്ട് ഫോമിലല്ലെങ്കിലും സച്ചിന്‍ തെണ്ടുല്‍ക്കര്‍ എന്ന കളിയോളം വളര്‍ന്ന പേരുമാത്രം മതി സച്ചിന്റെ കളികള്‍ക്കായി ആരാധകര്‍ ഇടിച്ചുകേറാന്‍.

കളിയാരാധകരെ ആനന്ദിപ്പിച്ചുകൊണ്ടും വിമര്‍ശകരെ നിശബ്ദരാക്കിയുമാണ് ഈ രണ്ട് പ്രതിഭകളും ഈ കണ്ട വര്‍ഷമൊക്കെയും കളിച്ചത്. സച്ചിന് കിട്ടിയ പ്രാധാന്യം പേസിന് കിട്ടിയിട്ടില്ല എന്ന് പരാതി പറയുന്നവരുണ്ട്. അതിലല്‍പം സത്യമില്ലാതെയുമില്ല. കളിയെ വിപണി നിയന്ത്രിക്കുന്ന പുതിയ കാലത്ത് ക്രിക്കറ്റിന്റെ വാണിജ്യപ്രാധാന്യം ഇന്ത്യയില്‍ ടെന്നീസിനില്ല എന്നത് തന്നെയാണ് ഇതിന് പ്രധാന കാരണം.

ഒട്ടേറെ കയറ്റിറക്കങ്ങള്‍ കണ്ടതായിരുന്നു ലിയാന്‍ഡര്‍ പേസിന്റെ കരിയറെങ്കില്‍ കളിയും പരസ്യവും നല്‍കിയ അമാനുഷിക പരിവേഷത്തിന്റെ സഹായത്തോടെ ഏതാണ്ടൊരു റെഡ് കാര്‍പ്പറ്റ് നടത്തം പോലെയായിരുന്നു സച്ചിന്റെ കളി വര്‍ഷങ്ങള്‍. റിട്ടയര്‍മെന്റിനെക്കുറിച്ച് ലോകമെങ്ങും ചര്‍ച്ചകളില്‍ മുഴുകുമ്പോളും ഞാന്‍ അതിനെക്കുറിച്ച് ചിന്തിച്ചിട്ടില്ല എന്ന മറുപടിയില്‍ സച്ചിന്‍ തന്റെ പ്രതികരണം ഒതുക്കി.

അതുപോലെ തന്നെ തീര്‍ന്നു എന്ന് പലരും പറഞ്ഞിടത്തുനിന്നാണ് യു എസ് ഓപ്പണ്‍ കിരീടവുമായി ലിയാന്‍ഡര്‍ പേസ് വിക്ടറി സ്റ്റാന്‍ഡില്‍ ചിരിച്ചുനില്‍ക്കുന്നത്. ഇനിയേറെയില്ലെങ്കിലും കളിക്കമ്പക്കാര്‍ക്ക് പ്രതീക്ഷയായി കുറച്ചുകാലം കൂടി ഇവര്‍ ഇവിടെയൊക്കെയുണ്ടാവും എന്ന പ്രതീക്ഷയിലാണ് ആരാധകര്‍.

English summary
Sports greats Sachin Tendulkar and Leander Paes say age is only a number when you can achieve heights.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more