• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എങ്ങോട്ടും ചായാനൊരുങ്ങി പീരുമേട്

  • By desk

ഇടതു മേല്‍ക്കോയ്മാ ചരിത്രം അവകാശപ്പെടാവുന്ന പീരുമേട്ടില്‍ ഹാട്രിക് ജയം തേടുന്ന സിപിഐയിലെ ഇഎസ് ബിജിമോള്‍, സിറിയക്ക് തോമസ് എന്ന കോണ്‍ഗ്രസിലെ കന്നിക്കാരനു മുന്നില്‍ വിയര്‍ക്കുന്നു. ഇതുവരെയുള്ള 11 തിരഞ്ഞെടുപ്പുകളില്‍ ഏഴ് തവണ എല്‍ഡിഎഫും നാലു തവണ യുഡിഎഫും വിജയിച്ചത് പിന്നാമ്പുറം.

മൂന്നു തവണ പീരുമേടിനെ പ്രതിനിധീകരിച്ച പരേതനായ കെകെ തോമസിന്റെ മകനും ജില്ലാ പഞ്ചായത്തംഗവും ഡിസിസി ജനറല്‍ സെക്രട്ടറിയുമായ സിറിയക് തോമസ്, ബിജിമോള്‍ക്ക് അക്ഷരാര്‍ഥത്തില്‍ വെല്ലുവിളി. അതേ സമയം കോണ്‍ഗ്രസിലെ ഗ്രൂപ്പിസം യുഡിഎഫ് ക്യാംപില്‍ ആശങ്ക പരത്തുന്നു.

അതി സമ്പന്നനായ എഐഎഡിഎംകെ സ്ഥാനാര്‍ഥി അബ്ദുള്‍ ഖാദറിന്റെ സാന്നിധ്യം തമിഴ് തോട്ടം മേഖലയെ എങ്ങനെ കൈയിലെടുക്കുമെന്ന് പറയാനാകില്ല. ബിജെപി നേതാവ് കെ കുമാറാണ് എന്‍ഡിഎ സ്ഥാനാര്‍ത്ഥി. ത്രിതല പഞ്ചായത്ത് തിരഞ്ഞെടുപ്പില്‍ ജില്ലാ പഞ്ചായത്ത് ഡിവിഷനുകളില്‍ ലഭിച്ച 16,200 വോട്ട് ബിജെപിക്ക് ആത്മവിശ്വാസം നല്‍കുന്നു. ആര്‍ക്കും 10,000 ത്തിന് മുകളില്‍ ഭൂരിപക്ഷം നല്‍കിയിട്ടില്ലാത്ത പീരുമേട് എങ്ങനെയും ചായാം. കഴിഞ്ഞ തവണ ബിജിമോളുടെ ഭൂരിപക്ഷം 4,777.

മൂന്നാം തവണയും ബിജിമോള്‍ക്ക് അവസരം നല്‍കുന്നതിനെതിരെ സിപിഐയില്‍ നിന്ന് തന്നെ തുടക്കത്തില്‍ എതിപ്പുണ്ടായിരുന്നു. എന്നാല്‍ നേതൃത്വം ഇടപെട്ടാണ് ഒടുവില്‍ പ്രതിഷേധക്കാരെ തണുപ്പിച്ചത്.

English summary
Assembly Election 2016: Idukki round up... who will get the chance ?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X