ദാവൂദ് ഇപ്പോള് എന്ത് ചെയ്യുന്നു
ദാവൂദ് ഇബ്രാഹിം ഇപ്പോള് കറാച്ചിയിലാണ് ഉള്ളത്. ഇന്ത്യയില് അബു സലീമിന് ശിക്ഷ വിധിച്ചതും ശ്യാം കിഷോര് പിടിയിലായതും ദാവൂദിന്റെ നീക്കങ്ങളെ ചെറുതായെങ്കിലും തടസ്സപ്പെടുത്തുന്നുണ്ടെന്നാണ് വിവരും.
ശ്രദ്ധയോടെയാണ് ദാവൂദ് ഇപ്പോള് ഓരോ നീക്കങ്ങളും നടത്തുന്നത്. ഇന്ത്യന് രഹസ്യാന്വേഷണ ഏജന്സികള് ദാവൂദിനെ നിരന്തരം നിരീക്ഷിച്ച് വരികയാണ്. ഫോണ് കോളുകള് ചോര്ത്തിയതില് നിന്ന് നിര്ണായ വിവരങ്ങളാണ് ലഭിച്ചിട്ടുള്ളത്.
രണ്ട് മാസം മുമ്പ് കറാച്ചിയില് റിയല് എസ്റ്റേറ്റ് മേഖലയില് ദാവൂദ് പണം നിക്ഷേപിച്ചതായി ഇത്തരത്തില് കണ്ടെത്തിയിരുന്നു. ഏറ്റവും ഒടുവിലാണ് ദുബായിലെ റിയല് എസ്റ്റേറ്റ് വ്യാപാരം ഫോണ് ചോര്ത്തലിലൂടെ കണ്ടെത്തിയത്.
കറാച്ചിയില് നിന്ന് ദാവൂദ് വിളിച്ചത് ദുബായിലെ യാസിര് എന്ന വ്യക്തിയെ ആണ്. ഈ സംഭാഷണം ആണ് ഇന്ത്യന് രഹസ്യാന്വേഷണ ഏജന്സികള് ചോര്ത്തിയത്.
ദുബായില് പുതിയതായി ഒരു പ്രൊജക്ട് വരാനിരിക്കുന്ന സ്ഥലത്തെക്കുറിച്ചായിരുന്നു ദാവൂദ് ചോദിച്ചത്. ആ സ്ഥലം വാങ്ങുന്നത് ഒരു നല്ല നിക്ഷേപമാണെന്ന് യാസിര് പറഞ്ഞു. 300000 ദിര്ഹം ഇതിനായി അയക്കണം എന്നും യാസിര് ആവശ്യപ്പെട്ടു.
കറാച്ചിയിലുള്ള അലി യാക്കൂബ് വശം ഈ പണം ദുബായില് എത്തിക്കാമെന്നാണ് ദാവൂദ് നല്കിയ ഉറപ്പ്. ഇതോടെ കരാര് ഉറപ്പിച്ചു. കഴിഞ്ഞ ശനിയാഴ്ചയായിരുന്നു ഈ ഫോണ് സംഭാഷണം ഇന്ത്യ ചോര്ത്തിയത്. ഈ പണം പാകിസ്താന് ഏജന്സികളുടെ സഹായത്തോടെ ദാവൂദ് എളുപ്പത്തില് എത്തിച്ചിട്ടുണ്ടാകും എന്നാണ് കരുതുന്നത്.