• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഫേസ്ബുക്ക് ആപ്പുകൾ വിവരങ്ങൾ ചോർത്തുന്നത് എങ്ങനെ? അതെങ്ങനെ തടയാം? നിഖിൽ നാരായണൻ എഴുതുന്നു!

  • By Desk

നിഖിൽ നാരായണൻ

ഒരു ബഹുരാഷ്ട്ര കമ്പനിയിൽ സോഷ്യൽ മീഡിയ മാർകറ്റിങ്ങിന്റെ തലവനാണ്. അഭിപ്രായങ്ങൾ വ്യക്തിപരം.

അമേരിക്കൻ തിരഞ്ഞെടുപ്പിൽ ട്രംപിനെ ജയിപ്പിക്കാനും, ബ്രിട്ടന്റെ യൂറോപ്യൻ യൂനിയനിൽ നിന്നുള്ള 'ഇറങ്ങിപ്പോക്ക്'-ലും സ്വാധീനം ചെലുത്താൻ ഫേസ്ബുക്ക് ഉപയോക്താക്കളുടെ വിവരങ്ങൾ ചോർത്തി മനസ്സിലാക്കി, അവരെ ടാർഗറ്റ് ചെയ്യാൻ പ്രൊപ്പഗാണ്ട കാമ്പെയിനുകൾ നടത്തി വിജയിച്ച ഒരു കമ്പനിയെക്കുറിച്ചുള്ള വാർത്ത ഇക്കഴിഞ്ഞ ദിവസം പുറത്ത് വരികയുണ്ടായി.

കേംബ്രിഡ്ജ് അനലിറ്റിക്ക എന്ന ഈ കമ്പനിയുമായി രാഹുൽ ഗാന്ധി/ഇന്ത്യൻ നാഷണൽ കോൺഗ്രസ് അടുത്ത ഇലക്ഷൻ ജയിക്കാൻ സഹായം തേടിപ്പോയി എന്ന നവമ്പർ മാസത്തിലെ വാർത്ത, ഈ അവസരത്തിൽ ഞെട്ടലോടെ വേണം നമ്മൾ കാണാൻ. (2010-ലെ ബിഹാർ വിജയത്തിലും ഇവർക്ക് പങ്കുണ്ടായിരുന്നു എന്നവർ തുറന്ന് സമ്മതിക്കുന്നു. അപ്പോൾ ഫേസ്ബുക്ക് വച്ചുള്ള പരിപാടി ആയിരുന്നില്ല എന്ന് അനുമാനിക്കാം, കാരണം അന്ന് ഫേസ്ബുക്ക് ഇത്രയൊന്നും വലുതല്ലല്ലോ)

ആപ്പുകളും കാമ്പെയിനുകളും

ആപ്പുകളും കാമ്പെയിനുകളും

ഈ കേംബ്രിഡ്ജ് അനലിറ്റിക്ക എന്ന കമ്പനി‌ വിവരങ്ങൽ എങ്ങിനെ ചോർത്തി എന്നറിയുമോ? ഫേസ്ബുക്കിൽ thisisyourdigitallife എന്നൊരു 'തമാശ' അപ്പ് ഉണ്ടാക്കി. അത് നിരവധിപ്പേർ ഉപയോഗിച്ചു. അത് ഉപയോഗിക്കാൻ അവർ തങ്ങളുടെ വിവരങ്ങൾ ഈ ആപ്പിന് കൊണ്ടുത്തു. തങ്ങളുടെ ഫേസ്ബുക്ക് ചങ്ങാതിമാരുടെ വിവരങ്ങൾ അടക്കം. ഇതെല്ലാം അപഗ്രഥിച്ച് മുകളിൽ പറഞ്ഞ ഫേസ്ബുക്ക് കാമ്പെയിനുകൾ നടത്തി, ട്രമ്പിനെ വിജയിപ്പിക്കുകയും, ബ്രെക്സിറ്റിന് 'യെസ്' പറയിപ്പിക്കുകയും ചെയ്തു.

നിങ്ങൾ എന്തിന് പേടിക്കണം?

നിങ്ങൾ എന്തിന് പേടിക്കണം?

ഒന്ന്, ഒരു പയറ്റി തെളിഞ്ഞ ഈ പരിപാടി ഉപയോഗിക്കാൻ കോൺഗ്രസ് (നാളെ ഇത് മറ്റൊരു പാർട്ടി ആയിരിക്കാം. ഇത് അത് കൊണ്ട് ഇന്റിക്കേറ്റീവ് മാത്രം) ഈ കമ്പനിയുമായി‌ സംവാദത്തിൽ ആയിരുന്നു. രണ്ട്, നിങ്ങളിൽ പലരും ഇത്തരം വിവരം-കക്കുന്ന ആപ്പുകൾ തമാശയ്ക്ക് ഉപയോഗിക്കുന്നു. അത് ചെയ്യുന്നത് വഴി ഒരു പക്ഷെ കേംബ്രിഡ്ജ് അനലിറ്റിക്കയ്ക്കോ അത് പോലെയുള്ള കമ്പനികൾക്കോ നിങ്ങളുടെയും നിങ്ങളുടെ ചങ്ങാതിമാരുടെയും വിവരങ്ങൾ കൊടുക്കുകയാണ്. ഇനിയെങ്കിലും ഇത്തരം ഗെയിമുകൾ ഫേസ്ബുക്കിൽ കളിക്കാതിരിക്കുക. അത് കൂടാതെ Facebook.com/settings എന്ന ലിങ്കിൽ പോയി Apps എന്നതിൽ പോവുക. ഇങ്ങനെ നിങ്ങൾ പണ്ട് കളിച്ച കളികളൊക്കെ അവിടെ Apps, Websites and Plugins എന്നതിൽ കാണും.

ആപ്പ് പട്ടികയിൽ നിന്ന്‌ നീക്കം ചെയ്യുക

ആപ്പ് പട്ടികയിൽ നിന്ന്‌ നീക്കം ചെയ്യുക

സംശയം തോന്നുന്നവയേ ഒക്കെ ആ ആപ്പ് പട്ടികയിൽ നിന്ന്‌ നീക്കം ചെയ്യുക. നിങ്ങൽ അതിന് സമ്മതം കൊടുത്ത ദിവസം തൊട്ട് ഇവർ നിങ്ങളുടെ ഒരോ ഫേസ്ബുക്ക്‌ നിമിഷവും (നിങ്ങൾ ഏതൊക്കെ സമ്മതം കൊടുത്തു എന്ന് അനുസരിച്ച്) ഒപ്പിയെടുക്കയായിരുന്നു ഓർക്കുക. കഴിഞ്ഞില്ല. നിങ്ങളുടെ സുഹൃത്തുക്കൾ ഇതുപോലെയുള്ള അപ്പ് കളിച്ച് ആപ്പ് വയ്ക്കുന്നതിൽ നിന്ന് ഇനിയെങ്കിലും രക്ഷ നേടുക. നിങ്ങളുടെ ചങ്ങാതി സ്വന്തം വിവരം മാത്രമല്ല ഇത്തരം കളി കളിച്ച് പങ്ക് വയ്ക്കുന്നത്, നിങ്ങളുടെ കുറേ വിവരങ്ങൾ കൂടി ഈ ഡാറ്റ കള്ളന്മാർക്ക് സമർപ്പിക്കുകയാണ്. അതിൽ നിന്ന് രക്ഷ നേടാൻ Apps Others Use ൽ പോയി എല്ലാം ഓഫ് ആക്കുക. സൂക്ഷിച്ചാൽ ദു:ഖിക്കേണ്ട.

ഇന്ത്യയിലും പ്രവര്‍ത്തനം ഉണ്ട്

ഇന്ത്യയിലും പ്രവര്‍ത്തനം ഉണ്ട്

ഇപ്പോൾ വന്ന വാർത്തകൾ‌ പ്രകാരം കേംബ്രിഡ്ജ് അനലിറ്റിക്കയുടെ മാതൃ സ്ഥാപനമായ SCL-ന് ഇന്ത്യയിൽ SCL India ആയും ഒവ്ലീനൊ എന്ന പേരിലും പ്രവർത്തനം ഉണ്ട്. SCL India / Ovleno എന്നീ കമ്പനികളുടെ പുറത്ത്പറയപ്പെടുന്ന ജോലി തിരഞ്ഞെടുപ്പ് സമയത്തുള്ള കമ്മ്യൂണിക്കേഷൻ എന്നതാണ്. അതിൽ ഫോണൂം, വാട്സാപ്പും ഒക്കെ വഴിയുള്ള‌ മാർക്കറ്റിങ്ങ് തോട്ടു ഫേസ്ബുക്ക് വിവര ശേഖരണം, അതിന്റെ അപഗ്രഥനം, അത് ഉപയോഗിച്ചുള്ള പരസ്യങ്ങൾ ഇവയെല്ലാം കാണുമെന്ന് നമുക്ക് അനുമാനിക്കാം.

രാഷ്ട്രീയക്കാരും ഈ സേവനം തേടുന്നുണ്ട്

രാഷ്ട്രീയക്കാരും ഈ സേവനം തേടുന്നുണ്ട്

ബി ജെ പി, കോൺഗ്രസ്, ജെ ഡി യു, ഐ സി ഐ സി ഐ ബാങ്ക്, എയർട്ടെൽ എന്നിവ ഈ ഒവ്ലീനോയുടെ ക്ലയന്റ് ആയിരുന്നു എന്ന് അവരുടെ സൈറ്റിൽ പറയുന്നു. ഇത് കൂടാതെ അവിടെയുള്ള ഒരു‌ സീനിയർ ഉദ്യോഗസ്ഥൻ ബി‌ ജെ പിയുടെ നാല് തിരഞ്ഞെടുപ്പ് വിജയങ്ങളിൽ തന്റെ കമ്പനിക്ക് വലിയ പങ്ക് ഉണ്ടായിരുന്നു എന്നത് തന്റെ ലിങ്ക്ഡിൻ പ്രൊഫൈലിൽ കുറിച്ചിരിക്കുന്നത് വിവാദങ്ങൾക്ക് കൊഴുപ്പ് കൂട്ടുന്നു. ഒരു കാര്യം മാത്രം പച്ച വെള്ളം പോലെ സ്പഷ്ടമാണ്. നമ്മുടെ രാഷ്ട്രീയക്കാരും ഇവരുടെ സേവനം തേടിയിട്ടുണ്ട്, തേടുന്നുണ്ട്.

ഒടുവില്‍ കുറ്റസമ്മതം നടത്തി സുക്കര്‍ ബര്‍ഗ്... ഇനി? ആശങ്കയോടെ ഉപഭോക്താക്കള്‍!!

കേംബ്രിഡ്ജ് അനലിറ്റിക്ക: കോണ്‍ഗ്രസിനെ പഴിചാരി കേന്ദ്രസര്‍ക്കാര്‍, രാഹുലിനും ഫേസ്ബുക്കിന് താക്കീത്!

English summary
Cambridge Analytica and data mining: Nikhil Narayanan writes what you need to know about Facebook.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more