മില്ലറിനൊപ്പം ഡിന്നറിന് പോയ പ്രീതി സിന്റ പത്രവാര്ത്തകള് കണ്ട് ഞെട്ടി!
മുംബൈയിലെ ഒരു റസ്റ്ററന്റില് ഡേവിഡ് മില്ലറുമായി ഡിന്നറിനെത്തിയ ബോളിവുഡ് താരം പ്രീതി സിന്റ ഞെട്ടി. ഡിന്നറിനെത്തിയപ്പോഴല്ല, ഡിന്നര് കഴിഞ്ഞ് പുറത്തിറങ്ങിയപ്പോഴാണ് താരം ശരിക്കും ഞെട്ടിയത്. ഡേവിഡ് മില്ലറുമായി പ്രീതി സിന്റ ഡേറ്റിംഗിലാണ് എന്ന് പത്രങ്ങള് അച്ച് നിരത്തിയത് കണ്ടാണ് പ്രീതി സിന്റ ഞെട്ടിയത്.
ഡേവിഡ് മില്ലറുമായി താന് ഡിന്നറിന് പോയി എന്ന കാര്യം ശരിയാണ്. എന്നാല് മീഡിയ റിപ്പോര്ട്ടുകള് കണ്ട് ഷോക്കായിപ്പോയി. ശരിക്കും? എന്തായാലും നിങ്ങളുടെ ശ്രദ്ധയ്ക്ക് - ഞങ്ങള് രണ്ടുപേരും കിംഗ്സ് ഇലവന് പഞ്ചാബിന്റെ ഭാഗമാണ് - കൂടുതല് ഒന്നുമില്ല - പ്രീതി സിന്റ മൈക്രോ ബ്ലോഗിങ് സൈറ്റായ ട്വിറ്ററില് പറഞ്ഞു.
അപ്പോള് ഡേറ്റിങിലല്ലേ
തന്റെ ജീവിതത്തിലെ സ്പെഷല് ആയ ഒരാളുമായി കണ്ടുമുട്ടിയതായി പ്രീതി സിന്റ തന്നെയാണ് പറഞ്ഞത്. തൊട്ടുപിന്നാലെയാണ് മില്ലറിനൊപ്പം പ്രീതി മുംബൈയില് ഡിന്നറിനെത്തിയത്. സംശയിച്ചവരെ എങ്ങനെ കുറ്റം പറയും.
ഡേവിഡ് മില്ലര് ചില്ലറക്കാരനല്ല
കില്ലര് മില്ലര് എന്നറിയപ്പെടുന്ന 26 കാരന് ഡേവിഡ് മില്ലര് ഐ പി എല്ലിലെ മിന്നും താരമാണ്. ദക്ഷിണാഫ്രിക്കയുടെ ദേശീയ താരം കൂടിയാണ് മില്ലര്. ഇന്ത്യന് പര്യടനം നടത്തുന്ന ദക്ഷിണാഫ്രിക്കന് ടീമിനൊപ്പം എത്തിയതാണ് മില്ലര്.
പ്രീതി ഒറ്റയ്ക്കാണ്
ദീര്ഖഘകാലത്തെ കാമുകനായിരുന്ന നെസ് വാഡിയയുമായി പിരിഞ്ഞ ശേഷം പ്രീതി സിന്റ ഒറ്റയ്ക്കാണ്. ഐ പി എല് മത്സരങ്ങള്ക്കിടെ വാഡിയ തന്നെ പീഡിപ്പിച്ചതായി പ്രീതി സിന്റ പരാതി നല്കിയിരുന്നു.
വാര്ത്ത കേട്ട് ഷോക്കായി
ഇതൊക്കെ ശരിയാണ്, എന്നാല് തങ്ങള് ഡേറ്റിംഗിലാണ് എന്ന വാര്ത്ത കേട്ട് ഞെട്ടി എന്നാണ് പ്രീതി സിന്റ പറഞ്ഞത്. ഡേവിഡ് മില്ലറാകട്ടെ വാര്ത്തകളോട് പ്രതികരിച്ചതേ ഇല്ല.
കണ്ടുമുട്ടിയത് മുംബൈയില്
മുംബൈയിലെ ഒരു ഹോട്ടലില് ഡിന്നര് കഴിക്കാന് എത്തിയതായിരുന്നു. പ്രീതി സിന്റയും മില്ലറും. അപ്പോഴാണ് പാപ്പരാസികള് ഇരുവരെയും കണ്ടുമുട്ടിയത്.