നഷ്ടപ്പെടുവാനുളളതല്ല, രവീന്ദ്രന്‍ പട്ടയങ്ങള്‍.

ഇതാണ് സാര്‍ കേരളം....
ധന്യശ്രീ റിസോര്‍ട്ടിന്റെ മറയാക്കി, പട്ടയം കിട്ടിയ കുറേ പാവങ്ങളുടെ പേരില്‍ സിപഎമ്മിന്റെയും സിപിഐയുടെയും തോന്നിയവാസങ്ങള്‍ക്ക് ഇതാ നിയമ സാധുത. അച്യുതാനന്ദന്‍ മുമ്പ് പറഞ്ഞതു പോലെ പരാതിയുളളവര്‍ക്ക് കോടതിയില്‍ പോകാം.

കര്‍ഷകരെന്ന കളളറിപ്പോര്‍ട്ടിന്റെ ബലത്തില്‍ കൈവശപ്പെടുത്തിയ ഭൂമിയില്‍ പാര്‍ട്ടി ഓഫീസും റിസോര്‍ട്ടു പണിഞ്ഞ് സുഖിക്കുകയും നിയമത്തെയും പൊതുസമൂഹത്തെയും കോക്രി കാണിക്കുകയും ചെയ്ത രാഷ്ട്രീയ ആഭാസന്മാര്‍ വീണ്ടും യോഗ്യന്മാരായി. ഇനി നമുക്കുറങ്ങാം. പന്ന്യനടക്കം എല്ലാ രവീന്ദ്രന്മാര്‍ക്കും ഉറങ്ങാം.

റിസോര്‍ട്ടുകളില്‍ കുപ്പികള്‍ പൊട്ടുന്നതറിയുന്നില്ലേ. ലഹരിയുടെ മദമിളകിയവര്‍ അച്യുതാനന്ദന്റെ ആദര്‍ശ പരിവേഷത്തില്‍ കാറിത്തുപ്പുന്ന ഒച്ച കേട്ടില്ലേ. ഇപ്പോളവരുടെ കൈയിലെങ്ങാനും സുരേഷ് കുമാറിനെ കിട്ടിയാല്‍ ആ വിരുന്നു മേശയില്‍ ആവി പറക്കുന്ന ഒരു പ്ലേറ്റിലൊതുക്കും, സിംഹത്തിനെ. എന്തിനേറെ പറയുന്നു? ഇതാണ് സാര്‍ യഥാര്‍ത്ഥ കേരളം.