കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സാക്കിര്‍ നായിക്കിനെ പിന്തുണയ്ക്കാന്‍ എസ്ഡിപിഐ... ലക്ഷ്യം എന്ത്?

Google Oneindia Malayalam News

ധാക്ക ഭീകരാക്രമണത്തിന് ശേഷം വിവാദ നായകന്റെ പരിവേഷം കിട്ടിയ മുസ്ലീം മത പണ്ഡിതനും പ്രഭാഷകനും ആയ സാക്കിര്‍ നായിക്കിനെ പിന്തുണച്ച് എസ്ഡിപിഐ രംഗത്ത്. സാക്കിര്‍ നായിക്കിനെതിരെ നടക്കുന്ന പ്രചാരണങ്ങള്‍ക്ക് പിന്നില്‍ ഗൂഢാലോചനയുണ്ടെന്നാണ് എസ്ഡിപിഐ പറയുന്നത്.

'കാവിസേന' ആണ് മാധ്യങ്ങളിലെ തങ്ങളുടെ സഹായികളെ വച്ച് സാക്കിര്‍ നായിക്കിനെതിരെ ഗൂഢാലോചന നടത്തുന്നതെന്നാണ് എസ്ഡിപിഐയുടെ ആക്ഷേപം. എസ്ഡിപിഐയുടെ നേതൃത്വത്തിലുള്ള തേജസ് ദിനപത്രത്തിലാണ് അവരുടെ പത്രക്കുറിപ്പ് പ്രസിദ്ധീകരിച്ചിരിയ്ക്കുന്നത്.

Zakir Naik

പഴയ എന്‍ഡിഎഫ് ആണ് എസ്ഡിപിഐ- സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ. തീവ്രവാദ ബന്ധം സംബന്ധിച്ച് ഏറെ ആരോപണങ്ങള്‍ ഇവര്‍ക്കെതിരെ ഉയര്‍ന്നിട്ടുണ്ട്. തൊടുപുഴയിലെ ന്യൂമാന്‍ കോളേജിലെ അധ്യാപകനായിരുന്ന പ്രൊഫസര്‍ ജോസഫിന്റെ കൈപ്പത്തി വെട്ടി മാറ്റിയ കേസില്‍ എന്‍ഡിഎഫ് പ്രവര്‍ത്തകരായിരുന്നു പ്രതികള്‍.

തീവ്രവാദം ബന്ധം ആരോപിച്ച് തേജസ് ദിനപത്രത്തിന് സര്‍ക്കാര്‍ പരസ്യങ്ങള്‍ നല്‍കാത്ത സ്ഥിതിയും അല്‍പകാലം മുമ്പ് ഉണ്ടായിരുന്നു. എസ്ഡിപിഐയെ പിന്തുണയ്ക്കുന്നവരെ ഓണ്‍ലൈന്‍ ലോകത്ത് 'സുഡാപ്പികള്‍' എന്നാണ് പരിഹാസരൂപേണ വിളിയ്ക്കുന്നത്.

Thejas Screenshot

ഈ സാഹചര്യത്തിലാണ് എസ്ഡിപിഐ സാക്കിര്‍ നായിക്കിനെ പിന്തുണയ്ക്കുന്നു എന്നത് വാര്‍ത്താ പ്രാധാന്യം നേടുന്നത്. ഏറെ ബഹുമാനിയ്ക്കപ്പെടുന്ന വ്യക്തിയാണ് സാക്കിര്‍ നായിക്ക് എന്നും അദ്ദേഹം ഭീകരതയെ പ്രോത്സാഹിപ്പിച്ചിട്ടില്ലെന്നും എസ്ഡിപിഐ പറയുന്നു.

കേരളത്തില്‍ സാക്കിര്‍ നായിക്കിനെ പിന്തുണയ്ക്കുന്നവരില്‍ അധികവും എസ്ഡിപിഐ അനുഭാവികളാണെന്നും റിപ്പോര്‍ട്ടുകളുണ്ട്. മുജാഹിദ് വിഭാഗവും സാക്കിര്‍ നായിക്കിന് പിന്തുണ നല്‍കുന്നുണ്ട്.

English summary
SDPI supports Zakir Naik and alleges conspiracy about the news spreading against Zakir Naik.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X