• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

ചീനു ഐസിസി ചെയര്‍മാന്‍; സുപ്രീംകോടതി എന്തുചെയ്യുും

കേരളമെന്ന ഠ വട്ടത്തില്‍ കിടന്ന് തായം കളിക്കാന്‍ സൗകര്യവും സമയുമില്ലാത്ത മോഹന്‍ലാല്‍ കഥാപാത്രത്തെ പോലെയാണ് ബി സി സി ഐയുടെ പുറത്താക്കപ്പെട്ട പ്രസിഡണ്ട് എന്‍ ശ്രീനിവാസന്‍. കോഴക്കളിയുടെ കേസിനെത്തുടര്‍ന്ന് സുപ്രീം കോടതി ഇടപെട്ട് ബി സി സി ഐ അധ്യക്ഷസ്ഥാനം പോയ ശ്രീനിവാസന്‍ ഐ സി സിയുടെ ചെയര്‍മാനായി ഇതാ തിരിച്ചുവരുന്നു. ഐ സി സി പദവിയുടെ കാര്യത്തില്‍ സുപ്രീം കോടതിക്ക് എന്ത് ചെയ്യാനാകും എന്ന് കാത്തിരുന്ന് കാണണം.

മിസ്റ്റര്‍ മരുമകന്‍ ഗുരുനാഥ് മെയ്യപ്പന് കോഴക്കാരുമായി ബന്ധമുണ്ട് എന്ന് അന്വേഷണ കമ്മീഷന്‍ റിപ്പോര്‍ട്ട് വെച്ചതിന്റെ അടിസ്ഥാനത്തിലാണ് ബി സി സി ഐ പ്രസിഡണ്ട് സ്ഥാനത്ത് നിന്നും മാറി നില്‍ക്കാന്‍ ശ്രീനിവാസനോട് പരമോന്നത കോടതി നിര്‍ദേശിച്ചത്. ബി സി സി ഐയുടെ കളികള്‍ കോടതിക്ക് കീഴില്‍ വരില്ലെന്ന് മുട്ടാപ്പോക്ക് പറഞ്ഞുനോക്കിയെങ്കിലും ശ്രീനിക്ക് മാറി നില്‍ക്കേണ്ടി വന്നു.

പകരം ബാറ്റിംഗ് ഇതിഹാസം സുനില്‍ ഗാവസ്‌കറെ ഇടക്കാല പ്രസിഡണ്ടാക്കി ബി സി സി ഐയെ ശുദ്ധീകരിക്കാനുള്ള ശ്രമത്തിനിടെയാണ് ഐ സി സി ചെയര്‍മാനായി ശ്രീനി തിരിച്ചുവരുന്നത്. ലോകക്രിക്കറ്റിന്റെ തന്നെ ആസ്ഥാന കൗണ്‍സിലാണ് ഐ സി സി. ഉടച്ചുവാര്‍ക്കലിന് ശേഷമുള്ള ഐ സി സി യില്‍ ഇന്ത്യയ്ക്കും ഓസ്‌ട്രേലിയയ്ക്കും ഇംഗ്ലണ്ടിനുമാണ് കരുത്തും പ്രതാപവും.

പ്രസിഡണ്ട് സ്ഥാനം പോയെങ്കിലും ബി സി സിയില്‍ ഇപ്പോഴും ശ്രീനിവാസന് പിടിയുണ്ട്. ഐ സി സിയില്‍ ബി സി സി ഐയ്ക്കുള്ള സ്വാധീനമാണ് ചരിത്രത്തില്‍ ആദ്യമായി ഐ സി സിയെക്കൊണ്ട് ചെയര്‍മാന്‍ പദവിയുണ്ടാക്കി ശ്രീനിവാസന് കൊടുക്കാനുള്ള കാരണം. നാല് ദിവസം മുമ്പാണ് തമിഴ്‌നാട്ടിലെ ക്രിക്കറ്റ് അസോസിയേഷന്‍ പ്രസിഡണ്ടായി ഐകകണ്‌ഠ്യേന തിരഞ്ഞെടുക്കപ്പെട്ടത്.

English summary
Suspended BCCI President N Srinivasan was today elected as International Cricket Council's (ICC) first ever Chairman at its annual conference here. Srinivasan, who has been suspended by the Supreme Court from functioning as BCCI chief due to investigation into IPL spot-fixing scandal, was confirmed on Thursday to take charge as the global governing body's first Chairman following the revamp of ICC.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more