Click it and Unblock the Notifications
Just In
Don't Miss
-
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്‍, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ആരാണ് ഈ ബിഎ ആളൂര്‍... അധോലോകത്തിന്റെ സ്വന്തം വക്കീലോ? കേട്ടാല്‍ ഞെട്ടും!!!
സൗമ്യ വധക്കേസില്‍ ഗോവിന്ദച്ചാമിക്ക് വേണ്ടി വാദിക്കാന്‍ എത്തിയപ്പോഴാണ് മലയാളികള്‍ ബിഎ ആളൂര്‍ എന്ന പേര് ശ്രദ്ധിക്കുന്നത്. ബിജു ആന്റണി ആളൂര്‍ എന്നാണ് മുഴുവന്‍ പേര്. പച്ച മലയാളി തന്നെ.
ഗോവിന്ദച്ചാമിക്ക് വേണ്ടി ഹാജരായതോടെ കേരളത്തിലെ മാധ്യമങ്ങളില്‍ ആളൂരിന് വലിയ പ്രാധാന്യമാണ് ലഭിച്ചത്. സിറ്റിങ്ങിന് ലക്ഷങ്ങള്‍ പ്രതിഫലം വാങ്ങുന്ന ആളൂര്‍ വക്കീല്‍ എങ്ങനെ ഗോവിന്ദച്ചാമിയുടെ അഭിഭാഷകനായി എന്നത് ഇപ്പോഴും ഒരു ദുരൂഹതയാണ്.
വിചാരണ കോടതിയിലും ഹൈക്കോടതിയിലും ഗോവിന്ദച്ചാമി തോറ്റപ്പോള്‍ ആളൂര്‍ വക്കീലിനെ പരിഹസിക്കാനും ആളുകള്‍ മറന്നില്ല. എന്നാല്‍ സുപ്രീം കോടതിയിലെത്തിയപ്പോള്‍ കളിമാറി. ആളൂര്‍ ഇന്ന് രാജ്യത്തെ ഏറ്റവും ശ്രദ്ധേയനായ ക്രിമിനല്‍ വക്കീല്‍ ആയി മാറി.
ഛോട്ടാ രാജനെ പോലുള്ള അധോലോക നായകരുടെ കേസുകള്‍ ഏറ്റെടുക്കാന്‍ പോകുന്നത് ആളൂര്‍ ആണെന്നാണ് റിപ്പോര്‍ട്ടുകള്‍. സത്യത്തില്‍ ആരാണ് ഈ ബിഎ ആളൂര്‍?
തൃശൂര്‍ സ്വദേശി
തൃശൂര്‍ സ്വദേശിയാണ് ബിജു ആന്റണി ആളൂര്‍ എന്ന ബിഎ ആളൂര്‍. പ്രീ ഡിഗ്രിവരെ കേരളത്തിലുണ്ടായിരുന്നു. തൃശൂര്‍ സെന്റ് തോമസ് കോളേജിലായിരുന്നു പഠനം.
പൂണെയില്‍
കേരളത്തില്‍ നിന്ന് പൂണെയിലേക്ക് പോയതാണ് ആളൂരിന്റെ ജീവിതം മാറ്റി മറിച്ചത് എന്ന് പറയാം. നിയമബിരുദം സ്വന്തമാക്കുന്നത് അവിടെ വച്ചാണ്. പിന്നീട് സഹോദരനൊപ്പം ഏതാണ്ട് ഒരു ദശാബ്ദത്തോളും പൂണെയില്‍ തന്നെ.
കേരളത്തില്‍
1999 ല്‍ ആണ് ആളൂര്‍ അഭിഭാഷകനായി എന്റോള്‍ ചെയ്യുന്നത്. നാല് വര്‍ഷത്തോളം കേരളത്തിലെ വിവിധ കോടതികളില്‍ പ്രാക്ടീസ് ചെയ്തു. ക്രിമിനല്‍ കേസുകള്‍ തന്നെയായിരുന്നു പ്രധാനം.
ക്രിമിനലുകള്‍ക്ക് വേണ്ടി
കേരളത്തില്‍ നിന്ന് വീണ്ടും പൂണെയില്‍ എത്തി. എല്ലായിടത്തും ആളൂര്‍ ഹാജരായത് കൊടും ക്രിമിനലുകള്‍ക്ക് വേണ്ടിയായിരുന്നു. മിക്ക കേസുകളിലും വിജയം ആളൂരിനൊപ്പം തന്നെ നിന്നു.
ഛോട്ടാ രാജന്‍
അധോലോക നായകന്‍ ഛോട്ടാ രാജന്‍ ഇപ്പോള്‍ പോലീസ് പിടിയിലാണ്. രാജന്റെ കേസുകളും നോക്കുന്നത് ബിഎ ആളൂര്‍ തന്നെയാണെന്നാണ് റിപ്പോര്‍ട്ടുകള്‍.
അധോലോകം
ഇത്തരം കാര്യങ്ങള്‍ കൊണ്ട് തന്നെ പലരും ആളൂരിനെ സംശയത്തോടെയാണ് വീക്ഷിക്കുന്നത്. അധോലോക ബന്ധമുണ്ട് എന്ന് പോലും പലരും ആക്ഷേപം ഉന്നയിക്കുന്നുണ്ട്.
ധബോല്‍ക്കര്‍
നരേന്ദ്ര ധബോല്‍ക്കറെ സംഘപരിവാര്‍ അനുഭാവികള്‍ വെടിവച്ച് കൊന്നപ്പോള്‍ ആ കേസിലും പ്രതികളെ രക്ഷിക്കാന്‍ രംഗത്തിറങ്ങിയത് ബിഎ ആളൂര്‍ ആയിരുന്നു.
ബണ്ടി ചോര്‍
കുപ്രസിദ്ധ മോഷ്ടാവ് ബണ്ടി ചോറിന്റെ അഭിഭാഷകനും ആളൂര്‍ തന്നെയാണെന്നാണ് പറയപ്പെടുന്നത്. അഞ്ഞൂറിലേറെ മോഷണങ്ങള്‍ നടത്തിയ ആളാണ് ബണ്ടി ചോര്‍ എന്ന ദേവീന്ദര്‍ സിങ്.
ദത്തത്രേയ ഫൂഗ്
സ്വര്‍ണം കൊണ്ടുള്ള ഷര്‍ട്ട് ധരിച്ച് ശ്രദ്ധ പിടിച്ചുപറ്റിയ വ്യവസായി ആയിരുന്നു ദത്തത്രേയ ഫൂഗ്. ഇയാള്‍ അടുത്തിടെ കൊലചെയ്യപ്പെട്ടു. ഈ കേസിലും പ്രതികള്‍ക്ക് വേണ്ടി ആളൂരാണത്രെ ഹാജരാകുന്നത്.
അമീറുള്‍ ഇസ്ലാം
ജിഷ വധക്കേസിലെ പ്രതി അമീറുള്‍ ഇസ്ലാമിന് വേണ്ടിയും താന്‍ കോടതിയില്‍ ഹാജരാകും എന്ന് ബിഎ ആളൂര്‍ നേരത്തേ വ്യക്തമാക്കിയിട്ടുണ്ട്. അതുകൂടിയാകുമ്പോള്‍ ബിഎ ആളൂര്‍ എന്ന അഭിഭാഷകന് കേരളത്തില്‍ ലഭിക്കുന്ന വില എന്തായിരിക്കും എന്ന് കൂടി ഓര്‍ക്കാം.
