Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ആളൂരിന് ലക്ഷങ്ങള്‍ നല്‍കുന്നത് ആര്? ഗോവിന്ദച്ചാമി തീവണ്ടി അധോലോകത്തിന്റെ ആളോ
ഗോവിന്ദച്ചാമിക്ക് വേണ്ടി വിചാരക്കോടതി മുതല്‍ ഹാജരായത് ലക്ഷങ്ങള്‍ പ്രതിഫലം പറ്റുന്ന മലയാളിയായ മുംബൈ ഹൈക്കോടതിയിലെ അഭിഭാഷകനായിരുന്നു. ബിജു ആന്റണി ആളൂര്‍ എന്ന ബിഎ ആളൂര്‍.
പ്രശസ്തിക്ക് വേണ്ടിയാണ് താന്‍ ഗോവിന്ദച്ചാമിക്ക് വേണ്ടി ഹാജരാകുന്നത് എന്നായിരുന്നു ആളൂര്‍ തുടക്കത്തില്‍ പറഞ്ഞിരുന്നത്. എന്നാല്‍ കാര്യങ്ങള്‍ അങ്ങനെയല്ലെന്ന് ഇപ്പോള്‍ വ്യക്തമായിക്കഴിഞ്ഞു. 15 ലക്ഷം രൂപയാണത്രെ ഗോവിന്ദച്ചാമിയ്ക്ക് വേണ്ടി വാദിച്ചതിന് ആളൂരിന് കിട്ടിയത്.
ഭിക്ഷക്കാരനെ പോലെ ജീവിച്ചിരുന്ന ഗോവിന്ദച്ചാമിക്ക് എന്തായാലും ഇത്രയും പണം നല്‍കാന്‍ സാധിക്കില്ല. അപ്പോള്‍ ആരാണ് ഇതെല്ലാം നല്‍കിയത്? നാം കാണാത്ത ഒരു അധോലോകത്തിലെ അംഗമാണോ ഗോവിന്ദച്ചാമി? അങ്ങനെയെങ്കില്‍ അയാള്‍ പുറത്തിറങ്ങിയാല്‍ ഇനിയും സൗമ്യമാര്‍ ആവര്‍ത്തിക്കില്ലേ?
കൊടും കുറ്റവാളി
ഗോവിന്ദച്ചാമി ഒരു കൊടും കുറ്റവാളിയാണ്. മോഷണത്തിനും കവര്‍ച്ചയ്ക്കും പിടിച്ചുപറിക്കും എല്ലാം പലതവണ ശിക്ഷിക്കപ്പെട്ട കുറ്റവാളി. എന്നാല്‍ അയാള്‍ ഒറ്റയ്ക്കല്ലെന്ന് കരുതേണ്ടിവരും.
ആളൂര്‍ വക്കീലോ?
കൈയ്യില്‍ പണമില്ലാത്ത ഒരു കുറ്റവാളിക്ക് വേണ്ടി പ്രസിദ്ധനായ ബിഎ ആളൂര്‍ ഹാജരാകുമോ? അവിടെയാണ് പ്രധാനപ്പെട്ട ചോദ്യം. പ്രശസ്തിക്ക് വേണ്ടിയാണ് കേസ് ഏറ്റെടുത്തത് എന്ന് ആദ്യം പറഞ്ഞ വക്കീല്‍ ഇപ്പോള്‍ നിലപാട് മാറ്റി.
എവിടെ നിന്ന്
ഗോവിന്ദച്ചാമിയുടെ കേസ് വാദിക്കാന്‍ തനിക്ക് 15 ലക്ഷം രൂപ ലഭിച്ചു എന്നാണ് ആളൂര്‍ വക്കീല്‍ പറയുന്നത്. എന്നാല്‍ ആ പണം ആര് തന്നു എന്ന് അദ്ദേഹം പറയുന്നും ഇല്ല.
അധോലോകം
നാം കാണാത്ത ഒരു അധോലോകം നമുക്ക് ചുറ്റിലും ഉണ്ട്. തീവണ്ടികളില്‍ കവര്‍ച്ച നടത്തുന്ന അത്തരം ഒരു അധോലോകത്തിന്റെ കണ്ണിയാണോ ഗോവിന്ദച്ചാമി എന്ന് സംശയിക്കേണ്ടിയിരിക്കുന്നു.
ചെന്നൈ മുതല്‍
ചെന്നൈ മുതല്‍ മംബൈയിലെ പനവേല്‍ വരെ നീണ്ടി കിടക്കുന്ന ഒരു അധോലോക സംഘം ഉണ്ടെന്നാണ് റിപ്പോര്‍ട്ടുകള്‍. തീവണ്ടിയിലെ കൊള്ളയാണ് ഇവരുടെ പ്രധാന പരിപാടി.
സമീപിച്ചത് ആര്?
ഗോവിന്ദച്ചാമിക്ക് വേണ്ടി ഹാജരാകാന്‍ മുംബൈയില്‍ നിന്ന് ഒരു അഭിഭാഷകന്‍ എത്തി എന്നത് തന്നെ ദുരൂഹമാണ്. അധോലോക സംഘത്തിലെ ചിലര്‍ തന്നെയായിരിക്കാം ബിഎ ആളൂരിനെ സമീപിച്ചതും.
സ്ഥിരം പരിപാടി
സൗമ്യയുടെ കൊലപാതകത്തിന് നാല് മാസങ്ങള്‍ക്ക് ശേഷം പന്‍വേലില്‍ പിടിയിലായ നാല് തമിഴ്‌നാട് സ്വദേശികള്‍ നല്‍കിയ വിവരം ഞെട്ടിപ്പിക്കുന്നതായിരുന്നു. പോലീസ് പിടിയിലാകുന്നവരെ രക്ഷിക്കാനും അവര്‍ക്ക് വേണ്ടി കേസ് നടത്താനും സ്ഥിരം സംവിധാനം ഉണ്ടത്രെ ഇവര്‍ക്ക്.
വക്കീലിന്റെ ജോലി
എന്താണ് ഒരു അഭിഭാഷകന്റെ ജോലി? നീതിക്കൊപ്പം നില്‍ക്കുക എന്നതാണോ അതോ പണം തരുന്നവര്‍ക്ക് വേണ്ടി വാദിക്കുക എന്നതാണോ? രണ്ടാമത്തേതാണെന്നാണ് ബിഎ ആളൂരിന്റെ വാദം.
അമീറുള്‍ ഇസ്ലാം
സൗമ്യ കൊലക്കേസിന് ശേഷം കേരളത്തെ ഞെട്ടിച്ച സംഭവം ആയിരുന്നു ജിഷ കൊലക്കേസ്. ഈ കേസിലെ പ്രതി അമീറുള്‍ ഇസ്ലാമിന് വേണ്ടിയും താന്‍ ഹാജരാകും എന്നാണ് ആളൂര്‍ വക്കീല്‍ പറഞ്ഞിട്ടുള്ളത്.
സൂക്ഷിക്കണം
തീവണ്ടി യാത്രകളില്‍ നാം അറിയാതെ നമുക്ക് ചുറ്റും ഒരു അധോലോകം പതിയിരിപ്പുണ്ട്. എപ്പോഴാണ് അവരുടെ കൈകള്‍ നമുക്ക് നേരെ ഉയരുക എന്ന് പറയാന്‍ കഴിയില്ല.
