മുസ്ലിമായാല്‍ ഉപരാഷ്ട്രപതിയെയും വെറുതെ വിടില്ലേ?

ദില്ലി: ഉപരാഷ്ട്രപതി ഹമീദ് അന്‍സാരി മാത്രമല്ല, വിദേശ കാര്യമന്ത്രി സുഷമ സ്വരാജും ആഭ്യന്തരമന്ത്രി രാജ്‌നാഥ് സിംഗും ദേശീയ പതാകയെ സല്യൂട്ട് ചെയ്തിരുന്നില്ല. എന്നിട്ടും വിമര്‍ശനങ്ങള്‍ എല്ലാം ഹമീദ് അന്‍സാരിക്ക് നേരെയായിരുന്നു. ദേശഭക്തിയില്‍ വിജ്രംഭിതരായവര്‍ ഫേസ്ബുക്കിലും ട്വിറ്ററിലും രാജ്യത്തിന്റെ ഉപരാഷ്ട്രപതിയെ രാജ്യസ്‌നേഹം പഠിപ്പിക്കുന്ന കാഴ്ച വല്ലാത്തതായിരുന്നു.

മുസ്ലീമായത് കൊണ്ടാണോ ഹമീദ് അന്‍സാരിയുടെ രാജ്യസ്‌നേഹം ചോദ്യം ചെയ്യപ്പെട്ടത്. അങ്ങനെ അല്ലാത്തത് കൊണ്ടാണോ രാജ്‌നാഥ് സിംഗും സുഷമ സ്വരാജും മറ്റുള്ളവരും ചോദ്യം ചെയ്യപ്പെടാതിരുന്നത്. സോഷ്യല്‍ മീഡിയയില്‍ മറിച്ച് അഭിപ്രായമുള്ളവര്‍ ഇങ്ങനെയും ചോദിക്കുന്നു. റിപ്പബ്ലിക്ക് ദിനാഘോഷങ്ങള്‍ക്കിടയില്‍ രാഷ്ട്രപതി പ്രണബ് മുഖര്‍ജി പതാകയെ സല്യൂട്ട് ചെയ്യുന്ന ചിത്രമാണ് വിവാദമായിത്തീര്‍ന്നത്.

ഹമീദ് അന്‍സാരി പതാകയെ ചെയ്തിരുന്നോ ഇല്ല. എന്തുകൊണ്ടാണ് ഹമീദ് അന്‍സാരി പതാകയെ സല്യൂട്ട് ചെയ്യാതിരുന്നത് - ഉത്തരം ലളിതം. അതിന്റെ ആവശ്യമുണ്ടായിരുന്നില്ല. ആരാണ് പതാകയെ സല്യൂട്ട് ചെയ്യേണ്ടത് - യൂണിഫോമിലുള്ള ഉദ്യോഗസ്ഥരാണ് പതാകയെ സല്യൂട്ട് ചെയ്യേണ്ടത്. സര്‍വ്വ സൈന്യാധിപന്‍ എന്ന നിലയില്‍ പ്രസിഡണ്ടും പതാകയെ സല്യൂട്ട് ചെയ്യുന്നു. മറ്റുള്ളവര്‍ അറ്റന്‍ഷനായി നില്‍ക്കുക മാത്രമാണ് അപ്പോള്‍ ചെയ്യേണ്ടത്.

English summary

Social media criticising the vice president by posting pictures on Twitter and Facebook showing that Ansari did not salute the national flag during the national anthem. Why Hamid Ansari did not salute the flag on Republic Day?