ഐപിഎല്ലില് നിന്ന് വിട്ടുനില്ക്കാം: ശ്രീനിവാസന്
ദില്ലി: ഐ പി എല് ഗവേണിംഗ് കൗണ്സിലില് നിന്നും വിട്ടുനില്ക്കാന് തയ്യാറാണ് എന്ന് എന് ശ്രീനിവാസന് സുപ്രീം കോടതിയെ അറിയിച്ചു. പക്ഷേ ഒരു കണ്ടീഷനുണ്ട് - ബി സി സി ഐ തിരഞ്ഞെടുപ്പില് മത്സരിക്കാന് അനുവദിക്കണം. ബി സി സി ഐ പ്രസിഡണ്ടായി തിരഞ്ഞെടുക്കപ്പെട്ടാല് ഐ പി എല് ഗവേണിംഗ് കൗണ്സിലില് നിന്നും വിട്ടുനിന്നോളാം എന്നാണ് ശ്രീനി പറയുന്നത്.
ചെന്നൈ സൂപ്പര് കിംഗ്സിന്റെ ഉടമസ്ഥരായ ഇന്ത്യ സിമന്റ്സിന്റെ മാനേജിംഗ് ഡയറക്ടറാണ് ശ്രീനിവാസന്. ടീമുടമയായ ശ്രീനിവാസന് എങ്ങനെ ഗവേണിംഗ് കൗണ്സിലില് അംഗമാകുമെന്ന് നേരത്തെ സുപ്രീം കോടതി ചോദിച്ചിരുന്നു. എന്നാല് ഇത് സംബന്ധിച്ച തര്ക്കത്തില് തീരുമാനമാകുന്നത് വരെ ഐ പി എല് ഗവേണിംഗ് കൗണ്സിലില് നിന്നും വിട്ടുനില്ക്കാമെന്നാണ് ശ്രീനിവാസന് പറയുന്നത്.
ഗവേണിംഗ് കൗണ്സിലില് നിന്നും മാത്രമല്ല, ഐ പി എല്ലില് നിന്നും പൂര്ണമായും വിട്ടുനില്ക്കാനും ശ്രീനിവാസന് തയ്യാറാണ്. നേരത്തെ ശ്രീനിവാസനെ ബി സി സി ഐ പ്രസിഡണ്ട് സ്ഥാനത്ത് നിന്നും വലിച്ച് താഴെയിട്ടത് സുപ്രീം കോടതിയാണ്. ബി സി സി ഐ പ്രസിഡണ്ട് തിരഞ്ഞെടുപ്പില് ശ്രീനിവാസന് മത്സരിക്കുന്നതിനും സുപ്രീം കോടതിയുടെ വിലക്കുണ്ട്.
അടുത്ത പേജില് - സുപ്രീം കോടതിയെ ബിസിസിഐക്കും പിടിക്കുന്നില്ല