Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സാക്കിര്‍ നായിക്കിനെ അത്ര പെട്ടെന്ന് കുടുക്കാനാവില്ല...എന്തുകൊണ്ട്? കാരണങ്ങള്‍ ഇതാ...
ധാക്ക ഭീകരാക്രമണത്തില്‍ പങ്കെടുത്ത ഭീകരര്‍ക്ക് സാക്കിര്‍ നായിക്കിന്റെ പ്രഭാഷണങ്ങള്‍ പ്രചോദനമായി എന്നതാണ് ഇപ്പോഴത്തെ വിവാദങ്ങള്‍ക്ക് തുടക്കമിട്ടത്. നേരത്തേയും ചില ഭീകരവാദികള്‍ക്ക് സാക്കിര്‍ നായിക്കിന്റെ പ്രഭാഷണങ്ങള്‍ പ്രചോദനമായിട്ടുണ്ടെന്ന് പറയുന്നു.
എന്നാല്‍ ഇതിന്റെ പേരില്‍ സാക്കിര്‍ നായിക്കിനെതിരെ കേസ് എടുക്കാനോ അറസ്റ്റ് ചെയ്യാനോ കഴിയുമോ? ഇപ്പോള്‍ ബംഗ്ലാദേശ് സര്‍ക്കാരാണ് സാക്കിറിനെതിരെ രംഗത്ത് വന്നിരിയ്ക്കുന്നത്. സ്വാഭാവികമായും ഇന്ത്യയ്ക്ക് ഇത് സംബന്ധിച്ച് അന്വേഷിയ്‌ക്കേണ്ടിയും വരും.
എന്നാല്‍ ഏത് തരത്തിലായാലും, സാക്കിര്‍ നായിക്കിനെ മനപ്പൂര്‍വ്വം കുടുക്കുക എന്ന ലക്ഷ്യം ആര്‍ക്കെങ്കിലും ഉണ്ടെങ്കില്‍ അത് എളുപ്പത്തില്‍ നടപ്പിലാകില്ല. നായിക്കിന്റെ പ്രഭാഷണങ്ങള്‍ തീവ്രവാദത്തെ പ്രോത്സാഹിപ്പിയ്ക്കുന്നതാണോ, മതസ്പര്‍ദ്ധ വളര്‍ത്തുന്നതാണോ എന്നൊന്നും അത്ര പെട്ടെന്ന് തീരുമാനിയ്ക്കാനാവില്ല. കാരണം ഇത് ഇന്ത്യയാണ്...
നിയമപ്രകാരം
ഏതൊരു വ്യക്തിയ്ക്കും സ്വന്തം മതത്തില്‍ വിശ്വസിയ്ക്കാനും അത് പ്രചരിപ്പിയ്ക്കാനും ഉള്ള അവകാശം ഇന്ത്യന്‍ ഭരണഘടന അനുവദിച്ച് നല്‍കുന്നുണ്ട്. സാക്കിര്‍ നായിക്കിന് തീര്‍ച്ചയായും ആ അവകാശം ഉണ്ട്.
പ്രശ്‌നമാകുന്നത്
എന്നാല്‍ ഈ അവകാശം ഇല്ലാതാകുന്ന ഒരു ഘട്ടമുണ്ട്. ഈ മതപ്രചാരണം മറ്റ് മതങ്ങളുമായി സംഘര്‍ഷത്തിലേയ്‌ക്കോ പരസ്പരമുള്ള അപ്രീതിയിലേയ്‌ക്കോ നയിച്ചാല്‍ ഭരണഘടനാപരമായ അവകാശം ലഭിയ്ക്കുകയില്ല.
സാക്കിര്‍ നായിക്കിന്റെ കാര്യത്തില്‍
സാക്കിര്‍ നായിക്കിന്റെ കാര്യത്തില്‍ ഇത്തരം എന്തെങ്കിലും പരാമര്‍ശങ്ങളോ പ്രസംഗങ്ങളോ ഉണ്ടായിട്ടുണ്ടോ എന്നാണ് അന്വേഷിയ്‌ക്കേണ്ടത്. എന്നാല്‍ അത് അത്ര എളുപ്പവും അല്ല.
ഒരുപാടധികം
ഒരുപാട് പ്രഭാഷണങ്ങള്‍ നടത്തിയിട്ടുള്ള വ്യക്തിയാണ് സാക്കിര്‍ നായിക്. ഇപ്പോഴും പ്രഭാഷണങ്ങള്‍ നടത്തുന്നുമുണ്ട്. ഇതെല്ലാം പരിശോധിച്ച് വേണം നടപടിയിലേക്ക് കടക്കാന്‍.
ഏത് വകുപ്പില്‍
സാമുദായിക സൗഹാര്‍ദ്ദം തകര്‍ത്തു എന്ന പേരിലാണ് ഇത് തെളിയ്ക്കപ്പെട്ടാല്‍ നായിക്കിനെതിരെ കേസ് എടുക്കാന്‍ കഴിയുക. ഐപിസി 153എയും 295 എയും പ്രകാരമാണ് കേസ് എടുക്കാനാവുക.
പറഞ്ഞുകേള്‍ക്കുന്നത്
സാക്കിര്‍ നായിക്ക് പറഞ്ഞു എന്ന രീതിയില്‍ പ്രചരിപ്പിയ്ക്കപ്പെടുന്ന പലതും കോടതിയില്‍ എത്തിയാല്‍ നിലനില്‍ക്കില്ല. കാരണം ഏത് സാഹചര്യത്തിലാണ് അത്തരം പ്രയോഗങ്ങള്‍ നടത്തിയത് എന്ന കാര്യം പരിശോധനിയ്ക്കാതെ നായിക്കിനെ കുറ്റപ്പെടുത്താനാവില്ല.
തീവ്രവാദികള്‍
മുസ്ലീങ്ങള്‍ തീവ്രവാദികളാകണം എന്ന് പറഞ്ഞിട്ടുള്ള ആളാണ് സാക്കിര്‍ നായിക്. എന്നാല്‍ അത് സാമൂഹ്യ വിരുദ്ധര്‍ക്കെതിരെ ആയിരിക്കണം എന്നായിരുന്നു അദ്ദേഹം പറഞ്ഞത്. ഈ പ്രസംഗം പോലും തീവ്രവാദത്തെ പ്രോത്സാഹിപ്പിയ്ക്കുന്നതാണെന്ന് തെളിയിക്കാന്‍ പറ്റില്ല.
ഇന്ത്യന്‍ നിയമം
വെറും ആരോപണങ്ങളുടെ അടിസ്ഥാനത്തില്‍ ഒരാളെ കുറ്റക്കാരനാക്കാന്‍ ഇന്ത്യന്‍ നിയമം അനുവദിയ്ക്കുന്നില്ല. പ്രത്യേകിച്ചും വിദ്വേഷ പ്രസംഗങ്ങളുടെ കാര്യത്തില്‍.
നായിക്കിന്റെ വിശ്വാസം
ഇത് തന്നെയാണ് സാക്കിര്‍ നായിക്കിന്റെ വിശ്വാസവും. തീവ്രവാദത്തെ പ്രോത്സാഹിപ്പിയ്ക്കുന്ന ഒരു നിലപാടും താന്‍ എടുത്തിട്ടില്ലെന്നാണ് അദ്ദേഹം ആവര്‍ത്തിച്ച് പറയുന്നത്.
അടര്‍ത്തിയെടുത്ത പ്രയോഗങ്ങള്‍
തനിയ്‌ക്കെതിരെ പലരും ഇപ്പോഴും ഉപയോഗിക്കുന്നത് ന്റെ പ്രഭാഷണങ്ങളില്‍ നിന്ന് അടര്‍ത്തിയെടുത്തവയാണെന്നാണ് സാക്കിര്‍ നായിക്കിന്റെ ആക്ഷേപം.
