യുഎഇയില് വണ് സ്റ്റോപ്പ് സിസ്റ്റം; ജിസിസിയില് ആദ്യം, 6 രാജ്യങ്ങളിലേക്ക് ഒറ്റവിസ പിന്നാലെ വരും
ദുബായ്: ജിസിസി രാജ്യങ്ങളിലെ യാത്രയ്ക്ക് പുതിയ രൂപം കൈവരികയാണ്. ആദ്യ പടിയായി വണ് സ്റ്റോപ്പ് യാത്രാ സംവിധാനം നടപ്പാക്കാന് തീരുമാനിച്ചു. യുഎഇയിലും ബഹ്റൈനിലുമാണ് ആദ്യമായി പദ്ധതി നടപ്പാക്കുന്നത്. പരീക്ഷണ അടിസ്ഥാനത്തിലാണ് ഇപ്പോഴത്തെ നീക്കം. വിജയകരമായാല് ആറ് ജിസിസി രാജ്യങ്ങളിലേക്കും വ്യാപിപ്പിക്കും.
കുവൈത്തില് ചേര്ന്ന 42ാം ജിസിസി ആഭ്യന്തര മന്ത്രിമാരുടെ യോഗത്തിലാണ് സുപ്രധാന തീരുമാനം എടുത്തത്. ഡിസംബറിലാണ് പരീക്ഷണ അടിസ്ഥാനത്തില് രണ്ട് രാജ്യങ്ങളില് പദ്ധതി നടപ്പാക്കുക. തൊട്ടുപിന്നാലെ മറ്റു രാജ്യങ്ങളിലേക്കും വ്യാപിപ്പിക്കും. എന്താണ് വണ് സ്റ്റോപ്പ് ട്രാവല് സിസ്റ്റം എന്ന് അറിയാമോ? വിശദീകരിക്കാം...
ജിസിസി രാജ്യങ്ങള്ക്കിടയിലെ യാത്ര എളുപ്പമാക്കുകയാണ് ഉദ്ദേശം. ആറ് രാജ്യങ്ങളിലെയും പൗരന്മാര്ക്ക് മാത്രമാണ് നേട്ടം ലഭിക്കുക. ആദ്യഘട്ടത്തില് യുഎഇയിലും ബഹ്റൈനിലുമാണ് വണ് സ്റ്റോപ്പ് സിസ്റ്റം. യാത്രയുമായി ബന്ധപ്പെട്ട എല്ലാ നടപടിക്രമങ്ങളും ഒരു സ്ഥലത്ത് വച്ച് പൂര്ത്തിയാക്കുന്നതാണ് പദ്ധതി. ഒന്നിലധികം പരിശോധനകള് ഇതോടെ ഒഴിവാകും.
ഇമിഗ്രേഷന്, കസ്റ്റംസ്, സുരക്ഷാ പരിശോധന തുടങ്ങി എല്ലാ നടപടികളും ഒരു സ്ഥലത്ത് ഒരുക്കും. ജിസിസി സെക്രട്ടറി ജനറല് ജാസിം മുഹമ്മദ് അല് ബുദൈവി പദ്ധതി സംബന്ധിച്ച സ്ഥിരീകരണം നല്കി. അടുത്ത മാസം പരീക്ഷണ അടിസ്ഥാനത്തില് നടപ്പാക്കുമെന്ന് അദ്ദേഹം പറഞ്ഞു. യുഎഇക്കും ബഹ്റൈനുമിടയില് വിമാനയാത്ര ചെയ്യുന്നവര്ക്കാണ് ഈ സൗകര്യം ലഭിക്കുക.
വിമാനം കയറും മുമ്പ് എല്ലാം ഓകെ
യുഎഇയിലും ബഹ്റൈനിലും നടപ്പാക്കുന്ന പദ്ധതി വിജയകരമായാല് ആറ് ജിസിസി രാജ്യങ്ങളിലേക്കും പദ്ധതി വിപുലീകരിക്കുമെന്ന് അല് ബുദൈവി പറഞ്ഞു. വിമാനം പുറപ്പെടുന്നതിന് മുമ്പ് യാത്രയുമായി ബന്ധപ്പെട്ട എല്ലാ കാര്യങ്ങളും പൂര്ത്തിയാക്കുകയാണ് ചെയ്യുക. യുഎഇയില് നിന്ന് ബഹ്റൈനിലെത്തുന്ന വ്യക്തിക്ക് പിന്നീടൊരു പരിശോധ ഉണ്ടാകില്ല. ആഭ്യന്തര വിമാനത്തില് എത്തിയ പോലെ പരിഗണിക്കും.
ഏകീകൃത ജിസിസി ടൂറിസ്റ്റ് വിസ നടപ്പാക്കന് ഒരുങ്ങുകയാണ് ഗള്ഫ് രാജ്യങ്ങള്. ഏതെങ്കിലും ഒരു രാജ്യത്തെ വിസ ലഭിക്കുന്ന വ്യക്തിക്ക് ആറ് രാജ്യങ്ങളിലും യാത്ര ചെയ്യാന് തടസങ്ങളുണ്ടാകില്ല. യൂറോപ്പില് നിലവിലുള്ള ഷെങ്കണ് വിസയുടെ മാതൃകയിലാകുമിത്. ഓരോ രാജ്യങ്ങളിലേക്കും പ്രത്യേകം വിസകള് ആവശ്യം വരില്ല. അതുകൊണ്ടുതന്നെ പണം ലാഭിക്കാനും യാത്ര എളുപ്പമാക്കാനും സഹായിക്കും.
അധികം വൈകാതെ ജിസിസി ഏകീകൃത വിസ നടപ്പാക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു. ജിസിസി ഗ്രാന്റ് ടൂറിസ്റ്റ് വിസ എന്നാണ് ഇത് അറിയപ്പെടുക. ജിസിസി രാജ്യങ്ങളുടെ സഹകരണം ശക്തമാകാനും ഇത് സഹായിക്കും. വര്ഷങ്ങള്ക്ക് മുമ്പേ പദ്ധതി ചര്ച്ച ചെയ്തിരുന്നു എങ്കിലും അനൈക്യമാണ് തടസമായത്. പദ്ധതി നടപ്പായാല് ഗള്ഫ് മേഖല ലോകത്തെ പ്രധാന ടൂറിസം കേന്ദ്രമാകുമെന്നാണ് പ്രതീക്ഷ.
-
യുഎഇയിൽ കനത്ത മഴയ്ക്കും പൊടിക്കാറ്റിനും സാധ്യത; കടൽ പ്രക്ഷുബ്ധമാവും, യാത്രക്കാർ ഇക്കാര്യങ്ങൾ ശ്രദ്ധിക്കണം -
യുഎഇയിൽ പ്രളയസമാനമായ മഴ; വരും മണിക്കൂറുകളിൽ അതീവ ജാഗ്രതാ നിർദ്ദേശം! -
യുഎഇ നിവാസികളുടെ ശ്രദ്ധയ്ക്ക്; വെള്ളിയാഴ്ച വരെ മഴ തുടരാൻ സാധ്യത, പൊടിക്കാറ്റിനെയും സൂക്ഷിക്കണം, കാഴ്ച മറയും -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്?
Click it and Unblock the Notifications
Sign in with Google