യുഎഇ ഇന്ത്യയ്ക്ക് അധിക എണ്ണ തരുമോ? മോദിയുടെ യുഎഇ സന്ദര്ശനം നിര്ണായകം
മിഡില് ഈസ്റ്റിലെ യുദ്ധം മൂലമുള്ള ആഗോള ഊര്ജ്ജ പ്രതിസന്ധിക്കിടെ, യുഎഇയിലേക്കുള്ള ഔദ്യോഗിക സന്ദര്ശനം ആരംഭിച്ച് പ്രധാനമന്ത്രി നരേന്ദ്ര മോദി. രാജ്യത്തെ ഇന്ധന വില പ്രതിസന്ധിയുടെ പശ്ചാത്തലത്തിലുള്ള ഈ യാത്ര ഇന്ത്യയുടെ ഊര്ജ്ജ സുരക്ഷ ശക്തിപ്പെടുത്തുന്നതിനും ഇരു രാജ്യങ്ങളും തമ്മിലുള്ള ഉഭയകക്ഷി സമഗ്ര തന്ത്രപരമായ പങ്കാളിത്തം കൂടുതല് ശക്തിപ്പെടുത്തുന്നതിനും ലക്ഷ്യമിടുന്നു.
ദുബായില്, പ്രധാനമന്ത്രി മോദി യുഎഇ പ്രസിഡന്റ് മുഹമ്മദ് ബിന് സായിദ് അല് നഹ്യാനുമായി വ്യാപാരം, നിക്ഷേപം, ഊര്ജ്ജ സുരക്ഷ, ജനങ്ങള് തമ്മിലുള്ള ബന്ധം എന്നിവയുള്പ്പെടെയുള്ള സഹകരണത്തിന്റെ പ്രധാന മേഖലകളെക്കുറിച്ച് ചര്ച്ച നടത്തും. ദ്രവീകൃത പെട്രോളിയം ഗ്യാസ് (എല്പിജി), തന്ത്രപരമായ പെട്രോളിയം റിസര്വ് എന്നീ മേഖലകളിലെ രണ്ട് പ്രധാന ധാരണാപത്രങ്ങള് ഈ സന്ദര്ശന വേളയില് ഒപ്പുവയ്ക്കുമെന്ന് കേന്ദ്ര സര്ക്കാര് വൃത്തങ്ങള് എന്ഡിടിവിയോട് പറഞ്ഞു.
ഗള്ഫ് മേഖലയിലെ ഇന്ത്യയുടെ പ്രധാന പങ്കാളികളില് അബുദാബിയുമായുള്ള തന്ത്രപരവും സാമ്പത്തികവുമായ ഇടപെടല് കൂടുതല് ആഴത്തിലാക്കുന്ന കരാറുകള് ആണ് പ്രതീക്ഷിക്കുന്നത്. 'രണ്ട് രാജ്യങ്ങളും തമ്മിലുള്ള പ്രധാനപ്പെട്ട വ്യാപാര, നിക്ഷേപ ബന്ധങ്ങള് പ്രോത്സാഹിപ്പിക്കുന്നതിന് ഈ സന്ദര്ശനം ഉപകരിക്കും,' വിദേശകാര്യ മന്ത്രാലയം പറഞ്ഞു.
കഴിഞ്ഞ 25 വര്ഷത്തിനിടയില് ഇന്ത്യയുടെ മൂന്നാമത്തെ വലിയ വ്യാപാര പങ്കാളിയും നിക്ഷേപത്തിന്റെ ഏഴാമത്തെ വലിയ സ്രോതസുമാണ് യുഎഇ. 4.5 ദശലക്ഷത്തിലധികം വരുന്ന ശക്തമായ ഇന്ത്യന് സമൂഹത്തിന് യുഎഇ ആതിഥേയത്വം വഹിക്കുന്നതിനാല്, അവരുടെ ക്ഷേമത്തെക്കുറിച്ച് ചര്ച്ച ചെയ്യുന്നതിനുള്ള ഒരു അവസരം കൂടിയായിരിക്കും ഈ സന്ദര്ശനം.
മിഡില് ഈസ്റ്റിലെ നിലവിലെ പ്രതിസന്ധിക്കിടയിലും, ഇന്ത്യയുടെ ഏറ്റവും വിശ്വസനീയമായ ഊര്ജ്ജ പങ്കാളികളില് ഒന്നായി യുഎഇ തുടരുകയാണ്. ദീര്ഘകാല വിതരണ കരാറുകള് നിലവില് വന്നതോടെ, ഇന്ത്യ അതിന്റെ ഊര്ജ്ജ സുരക്ഷയെ കൂടുതല് ശക്തിപ്പെടുത്തും. യുഎസ്-ഇറാന് യുദ്ധം മൂലമുണ്ടായ ഇന്ധന വില ആഘാതം മാസങ്ങള് നീണ്ടതിന് ശേഷം, ഇന്ത്യ ഇന്ന് പെട്രോളിന്റെയും ഡീസലിന്റെയും ചില്ലറ വില്പ്പന വില വര്ധിപ്പിച്ചിരുന്നു.
നാല് വര്ഷത്തിനിടെ ആദ്യമായാണ് ഇന്ധനത്തിന്റെ ചില്ലറ വില്പന വില വര്ധിപ്പിക്കുന്നത്. സിഎന്ജിയുടെ വിലയും 2 രൂപ വര്ധിപ്പിച്ചിട്ടുണ്ട്. യുഎഇയിലെ കൂടിക്കാഴ്ചയില് ഗുണകരമായ ഫലമുണ്ടായാല് രാജ്യത്തെ ഇന്ധനവിലയില് അത് പ്രകടമാകുമോ എന്നാണ് എല്ലാവരും ഉറ്റുനോക്കുന്നത്. അതേസമയം തന്റെ സന്ദര്ശനത്തിന്റെ രണ്ടാം ഘട്ടത്തില് പ്രധാനമന്ത്രി നെതര്ലാന്ഡ്സും സന്ദര്ശിക്കും.
അവിടെ നിന്ന് അദ്ദേഹം സ്വീഡനിലെ ഗോഥെന്ബര്ഗിലേക്ക് പോകുകയും സ്വീഡിഷ് വിദേശകാര്യ മന്ത്രി ഉള്ഫ് ക്രിസ്റ്റേഴ്സണുമായി ഉഭയകക്ഷി ചര്ച്ചകള് നടത്തുകയും ചെയ്യും. യൂറോപ്യന് കമ്മീഷന് പ്രസിഡന്റ് ഉര്സുല വോണ് ഡെര് ലെയ്നിനൊപ്പം, പ്രമുഖ പാന്-യൂറോപ്യന് ബിസിനസ് ലീഡേഴ്സ് ഫോറമായ യൂറോപ്യന് റൗണ്ട് ടേബിള് ഫോര് ഇന്ഡസ്ട്രിയെയും ഇരു പ്രധാനമന്ത്രിമാരും അഭിസംബോധന ചെയ്യും.
മൂന്നാം ഇന്ത്യ-നോര്ഡിക് ഉച്ചകോടിക്കും ഉഭയകക്ഷി ഇടപെടലുകള്ക്കുമായി പ്രധാനമന്ത്രി തിങ്കളാഴ്ച നോര്വേ സന്ദര്ശിക്കും. സന്ദര്ശനത്തിന്റെ അവസാന ഘട്ടത്തില്, പ്രധാനമന്ത്രി ചൊവ്വാഴ്ച ഇറ്റലിയിലായിരിക്കും. സന്ദര്ശന വേളയില്, മോദി പ്രസിഡന്റ് സെര്ജിയോ മാറ്ററെല്ലയെ സന്ദര്ശിക്കുകയും പ്രധാനമന്ത്രി ജോര്ജിയ മെലോണിയുമായി ചര്ച്ച നടത്തുകയും ചെയ്യും.
Click it and Unblock the Notifications
Sign in with Google