യുഎഇയില്‍ ഇനി മുതല്‍ 'ഡിജിറ്റൽ ദിർഹം': നാട്ടിലേക്ക് പണം അയക്കുന്ന പ്രവാസികള്‍ക്കുള്‍പ്പെടെ നേട്ടം

യുഎഇ ദിർഹത്തിന്റെ ഡിജിറ്റൽ പതിപ്പായ 'ഡിജിറ്റൽ ദിർഹം' ഔദ്യോഗികമായി അവതരിപ്പിച്ചു. സെൻട്രൽ ബാങ്ക് ഓഫ് യു എ ഇയുടെ (CBUAE) നേതൃത്വത്തിൽ നടപ്പാക്കുന്ന സെൻട്രൽ ബാങ്ക് ഡിജിറ്റൽ കറൻസി പദ്ധതി, ലോകത്തിലെ ഏറ്റവും പ്രധാനപ്പെട്ട ഡിജിറ്റൽ കറൻസിയുള്ള രാജ്യങ്ങളിലൊന്നായി യു എ ഇയെ മാറ്റുന്നു. 2024-ൽ ആരംഭിച്ച പൈലറ്റ് ഘട്ടത്തിന് ശേഷം ഇപ്പോൾ പൊതു ഉപയോഗത്തിന് തയ്യാറായ ഡിജിറ്റൽ ദിർഹം, ബ്ലോക്ക്ചെയിൻ സാങ്കേതികവിദ്യയിലൂടെ സുരക്ഷിതമായ ഡിജിറ്റൽ പേയ്മെന്റുകൾ സാധ്യമാക്കും.

പരമ്പരാഗത ദിർഹത്തിന്റെ 1:1 അനുപാതത്തിൽ പിന്തുണയ്ക്കുന്ന ഒരു ഡിജിറ്റൽ ടോക്കനാണ് ഡിജിറ്റൽ ദിർഹം. സ്മാർട്ട്‌ഫോണുകളിലെ വാലറ്റ് ആപ്പുകൾ വഴി ക്യുആർ കോഡ് സ്കാൻ ചെയ്തോ എന്‍ എഫ് സി ടാപ്പിങ് വഴിയോ വ്യക്തിഗത പേയ്മെന്റുകൾ, റീട്ടെയിൽ ഇടപാടുകള്‍, ഓൺലൈൻ ട്രാൻസാക്ഷനുകൾ എന്നിവയ്ക്ക് ഉപയോഗിക്കാം. ബാങ്ക് ഓഫ് യു എ ഇയുടെ അറിയിപ്പ് പ്രകാരം ഈ പദ്ധതി രാജ്യത്തിന്‍റെ ഡിജിറ്റൽ ഇക്കണോമി 2031-ഓടെ 100% ഡിജിറ്റൽ ആക്കാനുള്ള 'യു എ ഇ ഡിജിറ്റല്‍ എക്കണോമി സ്ട്രാറ്റജിയുടെ'-യുടെ ഭാഗമാണ്. "ഡിജിറ്റൽ ദിർഹം യുഎഇയുടെ ഫിനാൻഷ്യൽ ഇൻക്ലൂഷനെ ശക്തിപ്പെടുത്തും, ക്രോസ്-ബോർഡർ പേയ്മെന്റുകൾ വേഗത്തിലാക്കും," ബാങ്ക് ഓഫ് യു എ ഇ ഗവർണർ ഖലീഫ ബിൻ സായിദ് അൽ നഹ്യാൻ പറഞ്ഞു.

പുതിയ സാങ്കേതികവിദ്യ സാധാരണ ഉപഭോക്താക്കൾക്ക് നിരവധി നേട്ടങ്ങളാണ് നൽകുന്നത്. ഏറ്റവും പ്രധാനപ്പെട്ടത് വേഗതയും സൗകര്യവുമാണ്. ബാങ്ക് കൗണ്ടറിലേക്ക് പോകാതെ സെക്കൻഡുകൾക്കുള്ളിൽ പേയ്മെന്റ് പൂർത്തിയാക്കാം. ഉദാഹരണത്തിന് ദുബായിലെ ഒരു സൂപ്പർമാർക്കറ്റിൽ ക്യുആർ സ്കാൻ ചെയ്ത് ഡിജിറ്റൽ ദിർഹം ഉപയോഗിച്ച് ബിൽ അടയ്ക്കാം. കാഷിന്റെയോ ക്രെഡിറ്റ് കാർഡിന്റേയോ ആവശ്യമില്ല. ബാങ്ക് ചാർജുകളോ ഇന്റർമീഡിയറി ഫീസുകളോ ഇല്ലാത്തതിനാൽ, പ്രത്യേകിച്ച് ചെറുകിട ബിസിനസുകൾക്കും വ്യക്തികൾക്കും സാമ്പത്തികമായും ഡിജിറ്റല്‍ ദിർഹം ഇടപാട് ലാഭകരമാണ്.

ബ്ലോക്ക്ചെയിൻ ടെക്നോളജി തടിപ്പ്, കള്ളക്കടത്ത് എന്നിവ കുറയ്ക്കും. ഓരോ ട്രാൻസാക്ഷനും സെൻട്രലൈസ്ഡ് ലെഡ്ജറിൽ രേഖപ്പെടുത്തപ്പെടുന്നു ഇത് ട്രാൻസ്പരൻസി ഉറപ്പാക്കുന്നു. സർക്കാർ നിയന്ത്രിതമായ ഒരു ഡിജിറ്റൽ കറൻസി എല്ലാ ട്രാൻസാക്ഷനുകളും ട്രാക്ക് ചെയ്യാൻ സാധ്യതയുണ്ടല്ലോയെന്നതാണ് ജനങ്ങളുടെ ഭാഗത്ത് നിന്നും ഉയരുന്ന ഒരു പ്രധാന ആശങ്ക. ഇത് ഡാറ്റ പ്രൈവസി ആക്ടിവിസ്റ്റുകളേയും ആശങ്കപ്പെടുത്തുന്നു.

പ്രായമായവർക്കോ റൂറൽ ഏരിയകളിലുള്ളവർക്കോ ഡിജിറ്റൽ ലിറ്ററസി പരിമിതികൾ ഉണ്ടാകാം എന്നതാണ് ഒരു വെല്ലുവിളി. ഇത് നേരിടാനായി ബാങ്ക് ഓഫ് യു എ ഇ പരിശീലന പരിപാടികള്‍ ആരംഭിച്ചിരിക്കുന്നത്. പദ്ധതി വിജയിക്കുകയാണെങ്കില്‍ ഡിജിറ്റൽ ദിർഹം യു എ ഇയെ ഡിജിറ്റൽ ഫിനാൻസിന്റെ ഹബ്ബാക്കി മാറ്റും. ചൈനയുടെ ഡിജിറ്റൽ യുവാന്‍, യൂറോപ്യൻ സെൻട്രൽ ബാങ്കിന്റെ ഡിജിറ്റൽ യൂറോ പോലുള്ളവയോടായിരിക്കും ഡിജിറ്റല്‍ ദിർഹത്തിന്റേയും മത്സരം.

യുഎഇയുടെ വ്യാപാര പങ്കാളികളായ ഇന്ത്യ, സൗദി അറേബ്യ എന്നിവിടങ്ങളിലേക്കുള്ള പ്രവാസികളുടെ പണം അയക്കലിനും വേഗം കൈവരിക്കും. 2025-ഓടെ 50% റീട്ടെയിൽ ട്രാൻസാക്ഷനുകൾ ഡിജിറ്റൽ ആയിരിക്കുമെന്നും ബാങ്ക് ഓഫ് യു എ ഇ പ്രവചിക്കുന്നു. പ്രവാസികള്‍ക്ക് കുറഞ്ഞ ഫീസ് മാത്രം നല്‍കി നാട്ടിലേക്ക് അയക്കാം എന്നതാണ് ശ്രദ്ധേയം. ഭാവിയില്‍ ആർ ബി ഐയുടെ ഡിജിറ്റൽ റുപ്പി പോലുള്ള സിസ്റ്റങ്ങളുമായുള്ള ഇന്റഗ്രേഷൻ വരേണ്ടതുണ്ട്. . "ഇത് ആഗോള സാമ്പത്തിക മേഖലയുടെ ഭാവി മാറ്റിമറിക്കും, പക്ഷേ നിയന്ത്രണങ്ങള്‍ കർശനമാക്കണം," ദുബായ് ബേസ്ഡ് ഇക്കണോമിസ്റ്റ് ഫാത്തിമ യൂസഫ് പറയുന്നു.

English summary

Digital dirham now available in the UAE: Benefits for expatriates who send money home