ദുബായ് എന്തുകൊണ്ട് ഇങ്ങനെ മുന്നേറി: അതും ക്രൂഡ് ഓയില് പോലും ഇല്ലാതെ; സൗദിയും പകർത്തുന്ന വികസന മോഡല്
ദുബായ്: ഒരു കാലത്ത് ക്രൂഡ് ഓയിലിനെ മാത്രം ആശ്രയിച്ചിരുന്ന ദുബായ് ഇന്ന് മറ്റ് എമിറേറ്റ്സുകള്ക്കും ഗള്ഫ് രാജ്യങ്ങള്ക്കും തന്നെ സാമ്പത്തിക വൈവിധ്യവൽക്കരണത്തിന്റെ മാതൃകയായി മാറിയിരിക്കുകയാണ്. വ്യാപാരം, ലോജിസ്റ്റിക്സ്, ടൂറിസം, ധനകാര്യം, ടെക്നോളജി തുടങ്ങിയ മേഖലകളാണ് ഇന്ന് ദുബായിയുടെ ജി ഡി പിയുടെ 99 ശതമാനവും സംഭാവന ചെയ്യുന്നത്. 2023-ൽ 429 ബില്യൺ ദിർഹം ആയിരുന്നു ദുബായ് ജി ഡി പിയില് എണ്ണയുടെ സംഭാവന 1 ശതമാനത്തില് താഴെയായിരുന്നു എന്നതാണ് ശ്രദ്ധേയം.
നിക്ഷേപക-സൗഹൃദ നയങ്ങളാണ് ദുബായിടെ വികസന മുന്നേറ്റത്തില് ഏറ്റവും നിർണ്ണായകമായത്. ഇത് അടക്കം ദുബായിയുടെ മുന്നേറ്റത്തില് ഏറ്റവും പ്രധാന പങ്കുവഹിച്ച 6 ഘടകങ്ങള് താഴെ രേഖപ്പെടുത്തുന്നു.
നിക്ഷേപക-സൗഹൃദ നയങ്ങൾ: ദുബായിയുടെ വിജയത്തിന് പിന്നിലെ ശക്തമായ ഒരു ഘടകം നിക്ഷേപക-സൗഹൃദ നയങ്ങളാണ്. ഡിഐഎഫ്സി, ജാഫ്സ, ദുബായ് ഇന്റർനെറ്റ് സിറ്റി തുടങ്ങിയ ഫ്രീ സോണുകൾ 100% വിദേശ ഉടമസ്ഥത, നികുതി ഇളവുകൾ, ലാഭത്തിന്റെ പൂർണ വിനിയോഗം എന്നിവ വാഗ്ദാനം ചെയ്യുന്നു. ഗോൾഡൻ വിസ, ദീർഘകാല റസിഡൻസി തുടങ്ങിയവ നിക്ഷേപകർക്ക് കൂടുതല് സുരക്ഷിതത്വ ബോധം നൽകുന്നു.
ലോകോത്തര അടിസ്ഥാന സൗകര്യങ്ങൾ: മികച്ച അടിസ്ഥാന സൗകര്യങ്ങൾ ഒരുക്കിയാണ് ദുബായ് ലോകത്തെ തങ്ങളുടെ നാട്ടിലേക്ക് ക്ഷണിക്കുന്നത്. ജെബൽ അലി തുറമുഖം, ലോകത്തിലെ ഏറ്റവും വലിയ മനുഷ്യനിർമിത തുറമുഖമാണ്. ദുബായ് ഇന്റർനാഷണൽ എയർപോർട്ട് (DXB), അൽ മക്തൂം (DWC) എന്നിവ 240-ലധികം ലക്ഷ്യസ്ഥാനങ്ങളിലേക്ക് ബന്ധിപ്പിക്കുന്നു. ലോകത്തിലെ ഏത് കോണിലേക്കും ദുബായ് വിമാനത്താവളത്തില് നിന്നും യാത്ര ചെയ്യാന് സാധിക്കും.
ഫിനാന്ഷ്യല് എക്കോസിസ്റ്റം: ഡിഐഎഫ്സിയിൽ 6900-ലധികം കമ്പനികളാണ് പ്രവർത്തിക്കുന്നത്. 2024-ൽ മാത്രം 1800 പുതിയ കമ്പനി രജിസ്ട്രേഷനുകളാണ് ഉണ്ടായത്. 2028-ഓടെ ലോകത്തിലെ ആറാമത്തെ വലിയ ആസ്തി ബുക്കിംഗ് ഹബ് ആകുകയെന്നതാണ് ദുബായിയുടെ ലക്ഷ്യം. ഫിന്ടെക് ഹൈവ്, ടെക് ഫ്രീ സോണുകൾ എന്നിവ ടെക്നോളജി വളർച്ചയേയും ത്വരിതപ്പെടുത്തുന്നു.
ജനസംഖ്യയിലെ വൈവിദ്യം: ലോകത്തിലെ ഒട്ടുമിക്ക രാഷ്ട്രങ്ങളില് നിന്നുമുള്ള പ്രവാസികളുള്ള ദുബായ്, 3.8 മില്യൺ ജനസംഖ്യയുള്ള ഒരു ആഗോള കേന്ദ്രമാണ്. ഇന്ത്യ, പാകിസ്ഥാന്, ബംഗ്ലാദേശ് എന്നിവിടങ്ങളില് നിന്നുള്ളവരാണ് ജനസംഖ്യയില് മുമ്പിലെങ്കിലും അമേരിക്ക, യുകെ, ഓസ്ട്രേലിയ തുടങ്ങിയ പാശ്ചാത്യ രാജ്യങ്ങളില് നിന്നുള്ളവരും ദുബായില് കഴിയുന്നു.
ടൂറിസവും റിയൽ എസ്റ്റേറ്റും: ആഡംബര വിപണിയിൽ ലോകത്തെ മുൻനിര 10 നഗരങ്ങളിൽ ഒന്നാണ് ദുബായ്. ഉയർന്ന വരുമാനം, വിസ-ലിങ്ക്ഡ് റസിഡൻസി, ടൂറിസം എന്നിവ റിയൽ എസ്റ്റേറ്റ് മേഖലയേയും വലിയ തോതില് മുന്നോട്ട് നയിക്കുന്നു.
ആഗോള പ്രാധാന്യം: ഏഷ്യ, ആഫ്രിക്ക, യൂറോപ്പ് എന്നിവയെ ബന്ധിപ്പിക്കുന്ന ഒരു തന്ത്രപ്രധാന കേന്ദ്രമായും ദുബായ് ഇന്ന് മാറിയിരിക്കുന്നു. ഗ്ലോബൽ പവർ സിറ്റി ഇൻഡക്സിൽ മെനാ മേഖലയിൽ മുന്നിലുമാണ് എമിറേറ്റ്സ്.
ചുരുക്കത്തില് നയങ്ങൾ, അടിസ്ഥാന സൗകര്യങ്ങൾ, വൈവിധ്യമുള്ള സമ്പദ്വ്യവസ്ഥ, ആഗോള ധനകാര്യം, ഊർജസ്വലമായ പ്രവാസി-നിക്ഷേപക സമൂഹം എന്നിവയിലൂടെ ദുബായി ഒരു ആഗോള സാമ്പത്തിക ശക്തി കേന്ദ്രമായി ഉയർന്നു. എണ്ണ ഇതര വരുമാനം വർധിപ്പിക്കാന് ശ്രമിക്കുന്ന സൌദി അറേബ്യ അടക്കമുള്ള രാജ്യങ്ങള് അടുത്ത കാലത്തായി പകർത്തിക്കൊണ്ടിരിക്കുന്നതും ദുബായിയുടെ മാതൃകയാണ്. വിദേശ സഞ്ചാരികളുടെ വരവ് വർധിപ്പിക്കുകയെന്ന ലക്ഷ്യത്തോടെ കിരീടവകാശി മുഹമ്മദ് ബിന് സല്മാന് നടത്തിയ പരിഷ്കരണങ്ങളില് ഏറേയും കാലങ്ങള്ക്ക് മുമ്പേ ദുബായി നടപ്പില് വരുത്തിയതായിരുന്നു.
-
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ -
ഗ്രാമിന് 100 ദിര്ഹത്തോളം കുറവ്!! ആഭരണങ്ങളും സ്വര്ണനാണയങ്ങളും വാരിക്കൂട്ടി ദുബായ് ജനത -
സൗദി അറേബ്യ മൂന്നാം സ്ഥാനത്ത്; എല്പിജി കൂടുതല് ഉല്പ്പാദിപ്പിക്കുന്നത് മറ്റൊരു രാജ്യം, ചൈന മുന്നില് -
ഇറാന്റെ തന്ത്രം 'പൊളിക്കാന്' യുഎഇ, സൗദി, ഇറാഖ് നീക്കം; എങ്കിലും അളവ് എത്തില്ല, 3 കുഴലുകള് -
ഖത്തറിന് മറ്റൊരു വന് തിരിച്ചടി; ഡൊണാള്ഡ് ട്രംപ് പോലും വീഴും, ആരും അറിയാതെ എത്തുന്ന കെണി -
ഗൾഫ് രാജ്യങ്ങളിലെ വിദ്യാർത്ഥികൾക്ക് ആശ്വാസം; ബദൽ മൂല്യനിർണയ പദ്ധതിയുമായി സിബിഎസ്ഇ -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്'
Click it and Unblock the Notifications
Sign in with Google