ദുബായ് പൊലീസ് അറസ്റ്റ് ചെയ്തത് 47 വഴിയോര കച്ചവടക്കാരെ: കാരണം അറിയുമോ? നമ്മുടെ നാട്ടില് നടക്കുമോ
റമദാൻ മാസത്തിൻ്റെ തുടക്കം മുതൽ ഇതുവരെ ദുബായ് പൊലീസ് അറസ്റ്റ് ചെയ്തത് 47 അനധികൃത വഴിയോര കച്ചവടക്കാരെ. പൊതുജനാരോഗ്യവും സുരക്ഷാ ചട്ടങ്ങളും ലംഘിച്ച അനധികൃത വഴിയോര കച്ചവടക്കാരെയാണ് പിടികൂടിയതെന്ന് ദുബായ് പോലീസിനെ ഉദ്ധരിച്ച് അറബ് മാധ്യമങ്ങള് റിപ്പോർട്ട് ചെയ്യുന്നു. പഴങ്ങളും പച്ചക്കറികളും അനധികൃതമായി വിൽക്കാൻ ഉപയോഗിച്ച നിരവധി വാഹനങ്ങളും പിടിച്ചെടുത്തതായി അധികൃതർ അറിയിച്ചു.
"തെരുവ് കച്ചവടക്കാരിൽ നിന്നോ പൊതു റോഡുകളിൽ പാർക്ക് ചെയ്യുന്ന ലൈസൻസില്ലാത്ത വാഹനങ്ങളിൽ നിന്നോ ഭക്ഷ്യ ഉൽപന്നങ്ങൾ വാങ്ങുന്നതിൻ്റെ അപകടസാധ്യതകൾ വളരെ വലുതാണ്, കാരണം ഈ ഉൽപ്പന്നങ്ങളുടെ ഉറവിട് അറിയാത്തതും ഉകാലഹരണപ്പെട്ടതുമാകം. ഇവയുടെ സുരക്ഷയും മാനദണ്ഡങ്ങൾ പാലിക്കുന്നതും ഉറപ്പാക്കാൻ ശരിയായ ഗുണനിലവാര നിയന്ത്രണ പരിശോധനയ്ക്ക് വിധേയമായിരിക്കുകയുമില്ല," ദുബായ് പോലീസിലെ ജനറൽ ഡിപ്പാർട്ട്മെൻ്റ് ഓഫ് ക്രിമിനൽ ഇൻവെസ്റ്റിഗേഷനിലെ ഇന്ഫിലിട്രേഷന് നിയന്ത്രണ വിഭാഗം മേധാവി ലെഫ്റ്റനൻ്റ് കേണൽ താലിബ് മുഹമ്മദ് അൽ അമേരി പറഞ്ഞു.
നിയമവിരുദ്ധ പ്രവർത്തനങ്ങൾ ഇല്ലാതാക്കുന്നതിനും സമൂഹത്തിലെ അംഗങ്ങൾക്ക് ഏറ്റവും ഉയർന്ന സുരക്ഷ ഉറപ്പാക്കുന്നതിനുമുള്ള നീക്കത്തിന്റെ ഭാഗമാണ് അറസ്റ്റെന്നും അദ്ദേഹം പറഞ്ഞു.ദുബായ് പോലീസ് അപ്രതീക്ഷിത പരിശോധനകൾ തുടരുമെന്നും ലെഫ്റ്റനൻ്റ് കേണൽ അൽ അമേരി കൂട്ടിച്ചേർത്തു. നിയമലംഘകരെ 901 എന്ന നമ്പറിൽ വിളിച്ചോ ദുബായ് പോലീസിൻ്റെ സ്മാർട്ട് ആപ്പിലെ 'പോലീസ് ഐ' സേവനം ഉപയോഗിച്ചോ റിപ്പോർട്ട് ചെയ്യണമെന്നും അദ്ദേഹം പൊതുജനങ്ങളോട് അഭ്യർത്ഥിച്ചു.
അതേസമയം, നിയമപരമല്ലാതെ വില വർധിപ്പിക്കുന്നുണ്ടോയെന്ന പരിശോധനയും രാജ്യത്ത് ശക്തമായി നടന്ന് വരികയാണ്. റമദാന് മാസത്തില് അനുമതിയില്ലാതെ ഒമ്പത് അടിസ്ഥാന സാധനങ്ങളുടെ വില വർധിപ്പിക്കാൻ യു എ ഇയില് റീട്ടെയിലർമാർക്ക് അനുമതിയുണ്ടാകില്ലെന്നാണ് സാമ്പത്തിക മന്ത്രാലയം നേരത്തെ വ്യക്തമാക്കിയിരുന്നു.
പാചക എണ്ണ, മുട്ട, പാലുൽപ്പന്നങ്ങൾ, അരി, പഞ്ചസാര, കോഴി, പയർവർഗ്ഗങ്ങൾ, റൊട്ടി, ഗോതമ്പ് എന്നിങ്ങനെ ഒമ്പത് അവശ്യ സാധനങ്ങളുടെ വില വർധിപ്പിക്കരുതെന്നാണ് നിർദേശം. 2023-ൽ യുഎഇയുടെ റെഗുലേറ്ററി അതോറിറ്റി വിലക്കയറ്റം, തൂക്കത്തിലെ കൃത്രിമത്വം എന്നിവ പിടീകൂടാനായി കർശനമായ പരിശോധനകള് നടത്തിയിരുന്നു. 96,200 പരിശോധനകൾ നടത്തുകയും 6,545 ലംഘനങ്ങൾ കണ്ടെത്തുകയും ചെയ്തു. ഇത്തവണയും സമാനമായ രീതിയില് പരിശോധന നടത്തുകയും കുറ്റക്കാർക്കെതിരെ നടപടി സ്വീകരിക്കുകയും ചെയ്തുകൊണ്ടിരിക്കുകയാണ്.
-
ഖത്തറും സൗദി അറേബ്യയും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
യുഎഇ നിവാസികളുടെ ശ്രദ്ധയ്ക്ക്; വെള്ളിയാഴ്ച വരെ മഴ തുടരാൻ സാധ്യത, പൊടിക്കാറ്റിനെയും സൂക്ഷിക്കണം, കാഴ്ച മറയും -
സാധനങ്ങളെല്ലാം സ്റ്റോക്കുണ്ട്, ആശങ്ക വേണ്ട; ലുലു ഹൈപ്പര്മാര്ക്കറ്റുകളില് നേരിട്ടെത്തി പരിശോധിച്ച് യൂസഫലി -
യുഎഇയിൽ കനത്ത മഴയ്ക്കും പൊടിക്കാറ്റിനും സാധ്യത; കടൽ പ്രക്ഷുബ്ധമാവും, യാത്രക്കാർ ഇക്കാര്യങ്ങൾ ശ്രദ്ധിക്കണം -
ഒമാനില് മിന്നല്പ്രളയം.. രണ്ട് മലയാളികള് മരിച്ചു; അതിശക്തമായ മഴ മുന്നറിയിപ്പ് -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
ഖത്തര് ഇത്രയും പ്രതീക്ഷിച്ചില്ല; പഴയപോലെ ആകാന് 5 വര്ഷം വേണം, 2000 കോടി വരുമാന നഷ്ടം -
സൗദി അറേബ്യയും യുഎഇയും സുപ്രധാന നീക്കത്തിന്; ദമ്മാമില് നിന്ന് ഷാര്ജയിലേക്ക് പുതിയ പാത -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല
Click it and Unblock the Notifications
Sign in with Google